رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
حسب معلوماتي ورسالة الجامعه لي يوم قدمت قالو لي اذا جبتي بالايلس خمسه تاخذي بري ماستر لمدة سنه يعني فصلين دراسيه ولو كانت الدرجه 6 يكون فقط فصل دراسي ولك الخيار اذا تبي سنه
والله اعلم
( تمت المشاركة باستخدام تطبيق مبتعث )
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
السلام عليكم جميعا
ارغب باكمال الماستر بالخارج وانا موظفه بجامعه الملك سعود لي سنتين الان
في ابتعاث من خلال الجامعه بعد ماستفسرت اتضح لي صعب اجراءاتها ومحتاجه واسطه قويه جدا وشغل وخطابات مالها اخر
فالافضل اخذ اجازه استثنائيه واطلع على حسابي الخاص
سوالي متى التحق بنظام البعثه هناك ؟
ميزانيتي تكفي ٤ شهور تقريبا وانا حددت الدوله ايرلندا ٤٠ الف كافيه!
هل كل اللي طلعوا على حسابهم انضموا للبعثه عالطول ؟ اخاف. اتوهق وماانضم وارجع
بالنسبه لعملي كيف امدد اجازتي وانا بس عندي سنتين استثنائي اخاف تطير على وظيفتي
كمان ابي اعرف وقت عملي باجراءات البعثه بالوزاره يطلبون موافقه ولي الامر ؟ مع العلم اخوي يبتعث معي هل الموفقه ضروريه ؟ هل يطلبون تصريح خطي من ولي الامر اوً حضوره ؟
( تمت المشاركة باستخدام تطبيق مبتعث )📲
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
اختي العزيزة الانضمام للبعثه له شروط
اولا اجتياز عدد من الساعات على حسابك الخاص وبمعدل لايقل عن 75%
اذكر ان البكلوريوس كان مطلوب عدد 30 ساعه
لكن الماستر ماعندي فكره
ويختلف هذا كله اذا كنتي طالبة لغه قبل بدء الدراسه الجامعيه اتوقع تنحسب لك ساعات اللغه
اخوي بلندن واتوقع النظام نفسه بسأله وان شاء الله اردلك
واعملي دراسه افضل للميزانيه لاتتوهقين واذا كنتي تابعه للتشغيل الذاتي اطلعي ابتعاث اتوقع مو معقد اختي طالعه من نفس ادارتك وكان الامر ميسر الحمدلله البلد تبي كوادر صدقيني اذا تخصصك مطلوب بيساعدونك
اتمنى اكون افدتك
واذا احد عنده معلومه افضل ياليت يشاركنا
( تمت المشاركة باستخدام تطبيق مبتعث )
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
بالنسبه للاخ كمحرم مع وجود الوالد الله يحفظه
يوافقون ان اخوك يكون محرم لكن بشرط يجيب وكاله من المحكمه من والدك انه يوكل اخوك بأن يكون محرم لك اثناء ابتعاثك ولو رحتو للمحكمه بتلقين الكاتب يعرف صيغة الوكاله بعشر دقايق تاخذون الوكاله امرها سهل اذا الوالد راضي
( تمت المشاركة باستخدام تطبيق مبتعث )
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
سوري انتي بجامعة الملك سعود فكرت مدينة الملك سعود الطبية
ماعندي فكره عن نظام جامعتكم لكن الله يسهل امرك
( تمت المشاركة باستخدام تطبيق مبتعث )
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
اقتباس:
المشاركة الأصلية كتبت بواسطة amal_30_5
بالنسبه للاخ كمحرم مع وجود الوالد الله يحفظه
يوافقون ان اخوك يكون محرم لكن بشرط يجيب وكاله من المحكمه من والدك انه يوكل اخوك بأن يكون محرم لك اثناء ابتعاثك ولو رحتو للمحكمه بتلقين الكاتب يعرف صيغة الوكاله بعشر دقايق تاخذون الوكاله امرها سهل اذا الوالد راضي
( تمت المشاركة باستخدام تطبيق مبتعث )
الله يسعدك طيب الوالد لازم حضوره مع اخوي ؟ ولا اخوي يكفي ياخذ الوكاله؟
( تمت المشاركة باستخدام تطبيق مبتعث )📲
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
حبيبتي الوكاله
لازم حضور الموكل وهو الوالد
والوكيل اللي هو اخوك اجباري حضور الطرفين
بنفس اللحظه تتسوى وتصدقونها من عندهم
الكاتب يعلمكم كيف لاتقلقين
( تمت المشاركة باستخدام تطبيق مبتعث )
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
جبت في الايلتس ٥.٥ بس عندي باند جايبة ٤.٥ و الباقي ٥ و ٥.٥ و ٦
هل ممكن انقبل بري ماستر في UCD ؟
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
^^^
أتوقع تغاضيهم عن النص بأحد البنود!
راجعيهم مباشرة بموقعهم باليو سي دي!!
رد: القبول للماستر في الـ UCD ب 5.5 أو 6.0 في ال IELTS من خلال برنامج EAP
السلام عليكم
سؤال اخواني واخواتي ،
لما يجيني قبول من المعهد مبدئي لمدة ١٠ أسابيع اقدم عن طريقة لاستخراج الفيزا، صحيح؟
اذا ايه هل احتاج لاوراق اخرى؟
والمحرم يصدرون له على طول معاي، وشنو اجيب معاي أوراق وبيانات تثبت أني مبتعثة؟
وهل فيه تعويض مالي على هذه الأشياء وماهي آليتها؟
جزاكم الله خير