استشاره مهمه مهمه مهمه

السلام عليكم ورحمة الله و بركاته..
انا طالبه مبتعثه الى كندا وخلصت فترة اللغه اللي هي سنه وسته شهور وخلالها حصلت على 5.5 في الايلتس طبعاً في كندا صعب جداً بهذي الدرجه احصل فيها على قبول بالجامعه فأضطريت ارجع السعوديه وظليت فيها تقريباً 8 شهور اراسل الجامعات ولا من مجيب .. فرجعت رفعت طلب استمرار في فترة اللغه للحصول على الفترة الاكاديميه لطلاب الماستر وهي 6 شهور وفعلاً قبلت الملحقيه وسفري ع اساس بعد اسبوعين .. وفجأه وصلني من جامعة في ايرلندا وهي UCD قبول بري ماستر لتخصص تقنيه حيويه ويبدأ قبولي في سبتمبر\2013..
سؤالي هل اذا رفعت القبول للملحقيه ووافقت على طلب التحويل راح يأثر هذا على رجعتي لكندا ؟ لان حابه استفيد من هالشهرين بتقوية لغتي
هل ممكن الملحقيه لو رفضت رجعوي لكندا انها تدفعني حق التذاكر خاصه اني أكدت الحجز خلاص؟
انا محتاااااره اخاف اكلم الملحقيه ويقولون لي كالعاده ارفعي طلب وتنظر فيه الوزاره ويرفضون عودتي الى كندا
وشكراً:confused:

ارفعي طلب تحويل لايرلندا بالقبول الي عندك واسافري كندا عادي

ومن هناك نابعي طلبك حق التحويل اذا رفضو لا قدر الله كملي في كندا ما يقولو لك شى

اهم شى ارفعي مع القبول درجه الايلتس

موفقه يارب

اجمعيين يارب..
طيب اذا رفعت الطلب وتم الرد عليه وانا بكندا بالموافقه اخاف الملحقيه ماتنزل لي راتب :( في الفترة اللي بجلس فيها بكندا

طبعا يا اختي لو وافقت الوزاره على التحويل يوقف راتبك على طول بكندا لازم لمن تجين ايرلندا يرجعو الصرف لكي

لانه الملحقيه من تستلم الموافقه بالتحويل بتحول ملفك على ايرلندا على طول


انتي اذا جاتك الموافقه باذن الله خلاص ارجعي على طول وش يجلسك في كندا

بالتوفيق اختي

^^^

فرق شاسع بين المدينتين!
فانكوفر الكندية ودبلن الإيرلندية!!
مجربهم ونصيحتي لك خليك ببريتش كولومبيا!!

مع العلم ان موافقة الوزارة غير مضمونة التحويل بالبري ماستر...

لذلك خليك بكندا ستة أشهر ولاحقه على أيرلندا مستقبلا بعد الحصول على قبول جامعي صريح وليس بري ماستر....

أو مثل ما اقترح الأخ أصعب واصلي دراستك بكندا حتى تضمني التحويل لأيرلندا بالبري ماستر 100%

وفقك الله بحسن الأختيار ،، تحياتي وأفضل تمنياتي.

جزاكم الله خير جميعاً

اختي ارفعي القبول وان وافقوا فهو خيار افضل يضمن لك 60% يدء الماستر
لان القبولات في كندا تتاخر جدا ختي القبول المشروط قد بستغرق شهرين
الله يوقفك
انا في نفس وضعك لكن لا يمكنني العودة لكندا .. ولدي قبول بري ماستر لكن ما ادرس فيه مواد اكاديمية فقط مواد لغة لذا اتوقع رفضت والان حصلت علي قبول
بري في DUC لكن ما وصلتني الرساله علب الايميل.
الله يعيننا