عرض للطباعة
السلام عليكم ورحمة الله وبركاته
اخواني يوم الاثنين كنت في السفاره الايرلنديه بالرياض
كنت متوقع وعلى حسب كلامهم انها تجلس يوم واحد مع اني جاي اول واحد :)
لكن تفاجأت بان الموظف يقول خبرك عتيق :)
يبي لها اسبوع الحين
والحين لي ثلاث ايام وللحين ماجت يعني شكلهم صاملين
المشكله ان المفروض اروح بعد ثمان ايام .. :(
وعلى هذا جرى التنويه *-*
غريبه شكلهم غيروا اجرائتهم لانه في واحد بعد فيزته تأخرت اكثر من اسبوع
غريبة :( أنا مطلعها قبل شهر وشوي ما طولت
اليوم الثاني دقو علي قالولي تعال خذ الفيزا
السلام عليكم
عذرا على التأخير في متابعة الموضوع :)
انا قدمت الطلب يوم الاثنين .. ومعلومتي تقول ٢٤ ساعه او اقل بعد خصوصا اني جاي بدري مره
وانا اسولف مع واحد جنبي بالسفاره مافيه الا انا وياه .. قلت له ما تاخذ اكثر من ٢٤ ساعه
نط الهندي قال لا خبرك عتيق :)
الهين لازم واحد اسبوع :)
بس يوم جاء الخميس الصباح دقوا علي قالوا تعال استلم
ما كملوا اسبوع
السلام عليكم ورحمة الله وبركاته
أخوي الله يجزاك الخير ممكن توضح لي اجراءت الفيزا والمتطلبات الي اخذتها معك للسفارة ؟
والله يرزقك الجنة يااارب
( تمت المشاركة باستخدام تطبيق مبتعث )
السلام عليكم
بالنسبة للفيزا طلعتها من جده عن طريق شركة dhl قدمتها يوم الاحد ويوم الاربعاء استلمتها ما اخذت تقريبا يوم وكانت فيزا دراسة الطلبات اللي جبتها :
كشف حساب لمدة ست اشهر من البنك , تعريف من العمل , صورة شخصية قهروني عطيتهم ثمان اخذوا بس وحده , وخطاب قبول الكلية وربي ان شاء الله يوفق الجميع
كشف حساب؟
يمكن تقصد الضمان البنكي؟
أو أنت على حسابك؟
مرحبااقتباس:
المشاركة الأصلية كتبت بواسطة logain saud
الاجراءات سهله جدا والتقديم اسهل واسهل
عبيت الابلكيشن عن طريق الموقع الالكتروني
وهذا الشي الوحيد الطويل في الموضوع :)
من هالموقع
https://www.visas.inis.gov.ie/AVATS/OnlineHome.aspx
واتبع هالشرح المصور الاكثر من رائع
http://www.mbt3th.us/vb/forum124/thread182861.html
هذا بالنسبة للابلكيشن
وبالنهاية تطلع لك ورقتين اطبعها وودها معك للسفاره
الطلبات:
الابلكيشن ( الورقتين اللي تعبينهم من الموقع )
الجوازات
صورتين شخصية خلفية بيضاء للسفاره
القبول
خطاب من الوزاره
360 ريال لكل شخص :)
ترى مافيه صرف عندهم احسب حسابك
اقتباس:
المشاركة الأصلية كتبت بواسطة Ha77ooon
هذا الكلام الاسبوع الماضي
سلمتها بنفسي للسفاره في الرياض يوم الاثنين والخميس دقوا علي يقولون تعال استلم
قبل كانت تسلمها الاحد وتستلمها الاثنين
صحيح اخواني الفيزا الايرلندية من أسهل الفيزا واجراءات المطار من أسهل الاجراءات بلد ترتاح فيها من الوصول اللين ترجع والله يوفق الجميع