بخصوص الفيزه والقبول جزاكم الله خير..؟
يااخوان مساكم الله بالخير ... انا قدمت على برنامج خادم الحرمين الشريفين للابتعاث
وهما طالبين 2.75 من 4 وانا معدلي 2.74 ورفضوا طلبي طبعا انا تخصصي محاسبه
وابي اكمل ماستر .. المهم رحت للموسى وكيل الوزاره للبعثات وقلي جبلي قبول وفيزه
وتعالني وانا عندي بند مالي اقلك اذا يسمح او مايسمح ... المهم يااخوان ارجوا مساعدتي
في الاستفسارات التاليه :
1/ كيف استخرج فيزه ؟ وكم تكلفني ؟ وكم تاخذ وقت؟
2/ وش افضل ولايه من ناحية التعليم والمستوى المعيشي؟
3/ كيف اجيب قبول؟ ماهي الخطوات المطلوب القيام بها؟ وكم يستغلاق من الوقت؟
ياليت يااخوان تعطوني اجابه شافيه ... وشاكر لكم
رد: بخصوص الفيزه والقبول جزاكم الله خير..؟
هلا بك اخوي..أسأل الله أن يوفقنا وياك والله يسهل
بخصوص الفيزا.. لا تفكر في استخراجها الا اذا جبت لك قبول من الجامعة وعطوك الI-20
طبعا لا تفكر في التقديم الا لما تكمل مستنداتك وذلك عشان يسرع عملية الاجرائات للقبول..والتقديم طبعاً يكون عن طريق تعبئة الابليكيشن الي في موقع الجامعة ودفع مبلغها الي تقريبا يكون ما بين 50 الى 65 دولار..
طبعا المتطلبات تختلف من جامعة لجامعة لكن أهمها
السجل الاكاديمي (ويفضل يكون يكون بظرف عليه شعار جامعتك القديمة ومختوم)
وثيقة التخرج
رسائل توصية (حاول تكون 3)
خطاب الغرض من الدراسة (توضح فيها أسباب رغبتك للدراسة واكمال التخصص وطموحاتك المستقبلية)
بعض الأحيان وخصوصا اذا كان القسم ادبي او تربوي..يطلبون منك تقدم لهم بحث سابق عشان يعرفون قدراتك في الكتابة واسلوبك في البحث)
الاختبارات مثل التوفل جي ار اي مره يهتمون فيهم اذا كان عندك فهذا ممتاز واذا ما عندك احتمال يعلق ملف تقديمك الى أن تأتي بها.
وهذي عادة متطلباتهم طبعا بعد ما تقدم اونلاين..ارسل لهم بالفدكس المتطلبات الي فوق والعنوان بتلقاه موضح..وراح يردون عليك خلال 3 اسابيع تقريبا ولازم تتابع معهم دايما
اتمنى اني افدتك اخي والله يوفقك ويوفقنا وياك في القبول
ولا تحرمنا من دعواتكم
اخوك محمد
رد: بخصوص الفيزه والقبول جزاكم الله خير..؟
اخوي محمد الله يعطيك العافيه
بس يمديني احصل على قبول وفيزه خلال شهرين؟
وكم سعر الفيزا؟