يا جماعه ضروري جدا جدا الله لا يهينكم تكفى

السلام عليكم ورحمه الله وبركاته..
كيف حال الشباب والشابات ان شاء الله تكونوا بصحه وعافيه كلكم..
شباب ودي استفسر منكم في امور كثيره.. جدا شاغله بالي ومستقبلي ممكن انه يتحدد عليها ..فياريت اني الاقي منكم المفيد واللي ان شاء الله يكون لي عون بعد الله باذن الله .. لا هنتم.
يا جماعه انا متخرج من كليه ينبع الصناعيه اذا كان تعرفوها في مدينه ينبع .. طبعا قسم الهندسه الميكانيكيه (manufacturing )هذا الكلام قبل سنتين تقريبا .. والحمدلله موظف في شركه طيبه وراتب طيب,, بس على قولهم .. الواحد عنده في راسه طموح وامال يتمنى انه يحققها.. طبعا الكلام دا ما قلته الا بعد ما شفت اوضاعنا احنا ياللي معانا دبلوم كيف تقهر .. وكيف يعامل صاحب الدبلوم وصاحب البكالوريوس ..مالكم بطوله الكلام ...
انا نويت اكمل دراستي في امريكا ان شاء الله ...حتقولوا ليش في امريكا ..؟؟ طبعا لانه اعر ف كم واحد هناك يدرسوا.. بالاخص في ولايه (جورجيا)..
طبعا انا ناوي اكمل الدراسه على حسابي الخاص .. فانا للان شبه متردد.. لانه انا طبعا لازم استقيل من العمل واطلع.. فانا اعتبر هذه مجازفه لاني طالع على كف عفريت على قولهم..( لانه خايف اني ما انقبل في البعثه) او يطول امر القبول فيها ..
(طبعا انا ا اتكلمت في هذا الموضوع الا لمن شفت اوضاعكم في هذا المنتدى ماشاء الله اكثر من اخوان وكل واحد يبغى يفيد التاني باي معلومه ..عموما الله يجزاكم خير يارب )
فاذا كنتوا تحمسوني للطلعه فياريت اي واحد عنده معلومه تفيدني في هذا الشي اتمنى انه ما يبخل علي ..

اولا انا خويي قال لي ارسل اوراقك واقدملك في جامعه جورجيا ..
فحبيت اسال عن هذه الولايه .. وعن الجامعه نفسها.. والمعاهد اللي فيها .. وطريقه معادله الساعات فيها ..
وعن الحياه المعيشيه هناك..
والاهم .. المبلغ اللي لازم يكون معايا على اساس انه يكفيني الين ما انقبل في البعثه..في شباب قالولي 70 الف ريال تكفي ان شاء الله تقريبا لمده 8 شهور طبعا مع السكن والدراسه والمعيشه.. (كم تقريبا الصرفيه في اليوم الواحد).
وما ادري هل الامور معقده للدرجه دي في الملحقيه:wallbash:

اسف جدا جدا جدا يا جماعه طولت عليكم..لكن الله العالم ما قلت الكلام دا الا واني محتاج اي معلومه تفيدني في الموضوع دا..
اتمنى من اي واحد يقدر يفيدني باي شي انه لا يبخل علي .. الله لا يهينكم ..
والله يجزاكم الف خير ان شاء الله ..
في انتظار ردودكم في اقرب وقت ..
مع اطيب تمنياتي ..

آهلين أخوي ....
بصرااااحه أحييييك على فكرتك وطموحك أنا مريت بنفس وضعك متخرج بكالوريس لي 5 شهور وقابلت كذا شركة الشركات الجيده رفضت بالمقابله بسبب اللغه واللي مشي حالك وافقوا بس بالاخير استخرت لأني حسيت ينقصني شي ليش الشركات اللي ابيها ترفضني عشان لغه وقررت ادرس لغه ويمكن اكمل ماستر ماتدري ...
يعني أنت ليش بتخاف لاتتحسف على الوظيفه بترجع من امريكا بكالوريس وخبره سنتين ولغه ممتازه ماشاء الله ....

الله يعطيك الف عافيه اخوي سعود..
الله يختار اللي فيه الخير ..
تسلملي على مرورك يا عسل ..
تقبل خالص تحياتي

اتمنى لك التوفيق و ربي ييسر لك الخير وين ماكان و ياليت اقدر اساعدك بشي بس الشهادة طبعا افضل
و لفظ " الله لايهينكم " مايجوز قول لا هنتوا

لا هنت اخوي

لاهنتي اختي .. <== اتعلم:)
يعطيكي العافيه يا اختي .. وعلى قولك اشهاده احسن .. ( الله يعين ويساعد..)
تسلميلي ع المرور ..
تحياتي

ما اعرف بالتوفيق...........ز