عرض للطباعة
السلام عليكم ورحمة الله وبركاته ,,
هلا فيك يا أعضاء مبتعث الغالين ,,
أنا ناوي أروح أدرس لغه لمدة 3 شهور لكني محتار أروح لأمريكا .. ( فلوريدا) .. أم كندا (فانكوفر) ,,
وودي أستفسر عن أسعار المعهد والسكن والمصاريف إللي تكفيني لمده 3 شهور << بالريال الله لا يهينكم :)
وياليت أي أحد عنده نصيحه إنه ما يبخل علينا فيها ,,
وشكرا .. أخوكم أبو خالد ,,
بإنتظار ردودكم الكافيه الوافيه ,,
يا جماعه ولا رد ... :(
السلام عليكم
انا ادرس في فانكوفر
واذا بتقارن فلوريدا بفانكوفر
ابقولك فلوريدا وانت مغمض
ههههههههههههههههههههههههههههههههههههههه ياخوي سؤالك صعب بقوه
انت اخترت مدينتين من اجمل المدن في العالم
كل وحده تقول الزين عندي لكن بالنسبه لي فانكوفر يعيبها الجو شوي بارد
واذا انت بتروح 3 اشهر بس اتوقع التكلفه بتصير معقوله وترا على فكره المكان اللي اخترته انت غالي
وبالتوفيق لك
أشكركم يالغالي على مروركم وردودكم ,,
لكن ياليت لو تجاوبون على اسئلتي بالتفصيل الله لا يهينكم ,,
يعني الناس والأسعار والمعاهد والسكن والجو والأماكن ... الخ ,,
الله لا يهينكم ويوفقكم وينجحكم :)
تقريبا يكفيك 50.000 ريال
حسبت لك السكن في مكان حلو يعني مع عائله .
المعهد كويس
الاكل والشرب 3 وجبات
التنقلات
التسليه والتمشيه والرحلات
مصاريف احتياطيه من ملابس او كتب او اي شيء طارئ .
وبالتوفيق
ربي يخليك أخوي الغالي DeLcAtE ,,
طيب الله لا يهينك ممكن تفصلي الـ 50.0000 ريال ,,
ويالغالي أنا باقيلي - بجامعه الملك سعود بكلية الحاسب تخصص هندسة برمجيات - سنتين لكني بروح ادرس لغه لأن تخصصي يعتمد على الأنجليزي كثير ,, وان شاء الله بروح بعد الصيف لأني بآخذ صيفي ودوره إنجليزي ,, << بالصيف طبعا وتعرف رمضان بعد ,,
والترم الجاي راح احذفه وأدرس لغه ,,
يالغالي لو اعجبني الوضع هناك هل بالإمكان إني أنظم للبعثه بعد قضاء الثلاث شهور ..؟
وشكرا جزيلا لك ,,
الله يختار لك الاصلح
لاتنسى الاستخارة
راسلني على الخاص وبتفاهم معاك
أم الوليد الله يجزاك خير على تذكيررك لي بالإستخاره ,,
DeLcAtE مشكور يالغالي وإن شاء الله براسلك وربي يجزاك خير ,,
اخوي ممكن تساعدني
ابغا اكلمك بخصوص الدراسه في امريكا
اذا سمحت ترسلي رقمك على ايميلي
(تم حذف الإيميل لأن عرضه مخالف لشروط المنتدى)
مرحبا اخوي الله يوفقك
انا في كالفورنيا ادرس الحين
بخصوص الصرفيه تقريبن فانكوفر اغلى من فلوريدا على حسب صديق لي هناك
الصرفيه اتوقع شاماه كل شي مع الطيران لان الطياران غالي في الصيف ان شاءالله تكفيك ٤٠ الف و ممكن تزيد عليك بعد
انا الحين اصرف تقريبن صارلي اقل من شهر بس مصاريف اكل و تكاسي ورحلات مع المعهد بدون سكن ٣٥٠٠ ريال
بس شخص عن شخص يختلف في الصرف انا مثلن في الاكل اكل دايم من مطاعم فخمه او الشركات المعروفه
والله يوفق الجميع