بحول من استراليا لأمريكا و اريد مساعدة عاجلة
السلام عليكم و رحمة الله و بركاته
أنا حاليا في استراليا و افكر التحويل إلى امريكا
اريد ان أسأل هل هناك جامعات لديها تخصصات تابعة للمختبرات للمجاستير مع العلم ان تخصصي البكالريوس أحياء و تقبل فقط الايلتس ؟ دون إمتحان توفل او جيمات ؟
و كم عادة الأيلتس المطلوب ؟
أرجو الرد علي في اسرع وقت لأنه ليس لدي وقت طويل و أحتاج أن أقرر
والله يجزاه خير اللي بيساعدني
رد: بحول من استراليا لأمريكا و اريد مساعدة عاجلة
الي أعرف انو القبول للماستر في أمريكا يشترط التوفل ..طبعا فيه مختبرات أنا قسمي أحياء وبدرس تخصص في المختبرات
رد: بحول من استراليا لأمريكا و اريد مساعدة عاجلة
ممكن تفيدينا وش سبب التحويل من استراليا لاني محتار بين الابتعاث لاستراليا او الى امريكا
وش تنصحيني؟ علما باني معيد تخصص الاحياء الدقيقة
وبالنسبة لسؤالك نعم هناك جامعات تقبل تخصص الاحياء من غير جيمات ولا جي ار جي
تحصلينها موجودة في قسم خدمات الطلبة المبتعثين
رد: بحول من استراليا لأمريكا و اريد مساعدة عاجلة
الجامعات تطلب 6.5 في الايلتس اي ما يعادل 80 في التوفل.
بالنسبة الى تخصصك, غير مطلوب عليك GRE OR GMAT
الأهم قبل لا تعب نفسك في القبول, تتأكد ان اسبابك بحول الله ستقنع اللجنة في الوزارة علشان يحولوك.
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة فتاه حالمه
الي أعرف انو القبول للماستر في أمريكا يشترط التوفل ..طبعا فيه مختبرات أنا قسمي أحياء وبدرس تخصص في المختبرات
مرحبا اختي ياليت تفيديني أكثر وش تخصصك اليل بتدرسيه ووين ؟ لأني مااعرف اي شي في امريكا و لازم اجيب قبول بسرعة من امريكا علشان اقدم على تغيير الدولة
بس بالنسبة للتوفل لا فيه توفل و آيلتس بس اذا ممكن كم المطلوب في الآيلتس عليك ؟
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة othman R
ممكن تفيدينا وش سبب التحويل من استراليا لاني محتار بين الابتعاث لاستراليا او الى امريكا
وش تنصحيني؟ علما باني معيد تخصص الاحياء الدقيقة
وبالنسبة لسؤالك نعم هناك جامعات تقبل تخصص الاحياء من غير جيمات ولا جي ار جي
تحصلينها موجودة في قسم خدمات الطلبة المبتعثين
سببي إني طالعة على إبتعاث ماستر مختلف جدا عن تخصصي حق البكالريوس و ألحين الوزارة توها تتكلم و تقول لي مابتعادل لي الشهادة و إذا عادلتها بس تخصص واحد و دبلوم و أنا راح أدرس تخصصين ماستر و الشي الثاني جامعتي جدا صعبة و ماحصلت تخصص حلو تابع لتخصصي و الثالث إني سمعت إن دراسة أمريكا اسهل
بالنسبة للنصيحة عندي هنا صديقات يدرسون نفس تخصصك بس اشوفهم ممشين بس أنا ماابغى أضيع عمري في هالتخصص لأني أبغى اتوظف بعد لا اتخرج
مشكور جدا على معلوماتك
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة sultan240
الجامعات تطلب 6.5 في الايلتس اي ما يعادل 80 في التوفل.
بالنسبة الى تخصصك, غير مطلوب عليك GRE OR GMAT
الأهم قبل لا تعب نفسك في القبول, تتأكد ان اسبابك بحول الله ستقنع اللجنة في الوزارة علشان يحولوك.
مشكور أخوي بس متأكد إن مافيه أقل من 6.5 في الايلتس ؟
و النسبة لأسبابي إن شاء الله تكون مقنعة لأن الغلط غلطهم موب غلطي و المشرف إن شاء الله بيدعمني بس دعواتكم إن يتم الامر على خير و بسرعة
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة hezen3000
مشكور أخوي بس متأكد إن مافيه أقل من 6.5 في الايلتس ؟
و النسبة لأسبابي إن شاء الله تكون مقنعة لأن الغلط غلطهم موب غلطي و المشرف إن شاء الله بيدعمني بس دعواتكم إن يتم الامر على خير و بسرعة
نعم أختي. ما أتوقع تلاقي جامعة تقبل اقل من 6.5 لتخصصك. وبالنسبة لين اسبابك مثل الي ذكرتيها اعلاه اللجنة ما راح توافق الش. ولا يعبروا لا كلام الملحق ولا المشرف.
ف لهذا نصيحة حاولي ترتيب اسبابك وتعطي الخطاب حقه لأنه بأذن الله الي بيجب الش الموافقة من عدمها.
وحاولي تبعدي عن غلطتهم وصعوبة الجامعة. لأن ماراح تفيدش بالعكس بتكون ضدش. وبالنسبة الى غلطتهم, بيقولون ماعليه في غلط في القرار او ..., ولكن هذا لايستدعي نقلش من استراليا. ممكن ان تنتقلي الى جامعة اخرى داخل استراليا.
بالتوفيق,,,
رد: بحول من استراليا لأمريكا و اريد مساعدة عاجلة
الله يوفق الجميع اخوي و مشكور عالنصايح بس ابد ماساعدتني الا خوفتني انت مرررره
انت شايف أحد مجرب على هالكلام اللي تقوله ولا كذا بس توقع ؟؟ ياليت تخبرني
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة hezen3000
الله يوفق الجميع اخوي و مشكور عالنصايح بس ابد ماساعدتني الا خوفتني انت مرررره
انت شايف أحد مجرب على هالكلام اللي تقوله ولا كذا بس توقع ؟؟ ياليت تخبرني
أختي انا ما أخوفش ولكن انبهك لأن التعامل مع الوزارة ليس كالتعامل مع الملحقية. و أنا ما أقولك ه لكلام الى بناء على خبرة ممتدة مع الوزارة الكريمة لأأكثر من أربع سنوات. وترى هالنصيحة هي أكبر فائدة.
أعطيكي مثال على الأسباب: أحد الأخوة, أبتعث الى كندا لدراسة بكالوريس طب أسنان. طبعاً الرجل خريج ثانوية وعلشان يحصل على قبول طب أسنان في كندا لازم يكون معاه بكالوريس في أحد التخصصات ذات العلاقة مثل الأشعة , المختبرات, الأحياء الخ. يعني الرجل يحتاج لتمديد البعثة لفترة لاتقل عن أربع سنوات. بعد ما وصل الرجل كندا واجتاز اللغة وبدأ الدراسة الأكاديمية لفصل دراسي واحد وبمعدل 98 %, جاب قبول من هولندا. ورفع طلب الى الوزارة وكانت الملحقية متعاونة معاه للغاية حتى ان الملحق عمل له توصية خاصة وشرح ان الطالب حالياً يدرس احياء ووجوده من الأساس في كند ا خطاً وووووو, وبعد أسبوعين من وصول المعاملة للوزارة رفض الطلب بسبب ان الأنتقالسيترتب عليه زيادة في مدة البعثة. طيب وجلوسه في كندا ودراسته لتخصص غير تخصصه ووووو!
على العموم انصحك بالتالي,
1-رتبي اسابابك وخليه تكون مقنعة بعيدة عن اللوم والعواطف.
2- أحرصي على الحصول على قبول نهائي وغير مشروط باللغة مع مرعاة ان يكون تاريخ التخرج متوافق مع نهاية بعثتك في قرار الأبتعاث.
وبأذن الله تحصلين على الموافقة,,,
رد: بحول من استراليا لأمريكا و اريد مساعدة عاجلة
مشكور أخوي سلطان على نصايحك بس عندي اسباب أكثر و أكيد مابكتب إن الخطأ منهم
أما بالنسبة لمدة الابتعاث حقي لا ان شاء الله مابزيد عليها منتبهه لهالأمر
مشكور مره ثانية على نصايحك بحاول انتبه لهالأمور
بالتوفيق
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة hezen3000
سببي إني طالعة على إبتعاث ماستر مختلف جدا عن تخصصي حق البكالريوس و ألحين الوزارة توها تتكلم و تقول لي مابتعادل لي الشهادة و إذا عادلتها بس تخصص واحد و دبلوم و أنا راح أدرس تخصصين ماستر و الشي الثاني جامعتي جدا صعبة و ماحصلت تخصص حلو تابع لتخصصي و الثالث إني سمعت إن دراسة أمريكا اسهل
بالنسبة للنصيحة عندي هنا صديقات يدرسون نفس تخصصك بس اشوفهم ممشين بس أنا ماابغى أضيع عمري في هالتخصص لأني أبغى اتوظف بعد لا اتخرج
مشكور جدا على معلوماتك
ممكن استفسار اختي
وش الاسهل في الدراسة والقبول جامعة ملبورن ولا جامعة كوينزلاند
تخصصي احياء دقيقة وطالع تقنية حيوية
اتمنى الافادة لابدا المراسلة في اسرع وقت
اسال الله ان لايحرمك الاجر
رد: بحول من استراليا لأمريكا و اريد مساعدة عاجلة
ياليت أقدر أفيدك أخوي بس بصراحة مااعرف لأني مادرست فيهم أنا دارسة في أدليد و أقولك بسهولة تقدر تجيب قبول في جامعة فلندرز في أدليد بس المشكلة إن ماعندهم تخصصات كثيرة
رد: بحول من استراليا لأمريكا و اريد مساعدة عاجلة
اقتباس:
المشاركة الأصلية كتبت بواسطة hezen3000
ياليت أقدر أفيدك أخوي بس بصراحة مااعرف لأني مادرست فيهم أنا دارسة في أدليد و أقولك بسهولة تقدر تجيب قبول في جامعة فلندرز في أدليد بس المشكلة إن ماعندهم تخصصات كثيرة
اشكرك
المشكلة ان الجامعة محددين لي ثمان جامعات ادرس فيهم وحصلت تخصصي في جامعة كويزلاند وملبورن وحبيت استفيد منك
على العموم اشكرك على ردك
رد: بحول من استراليا لأمريكا و اريد مساعدة عاجلة
والله كنت اتمنى أخوي إني أخدكم بس أعتذر منك مرة ثانية
و الله يوفقك
رد: بحول من استراليا لأمريكا و اريد مساعدة عاجلة