الوصول الى واشنطن

السلام عليكم ورحمة الله وبركاته

اود الاستفسار عن اجراءات الوصول الى واشنطن
وايش الاشياء اللي لازم نسويها هناك
وهل الملحقيه توفر لنا مواصلات من المطار وتحجز لنا فندق ولا احنا نحجز لما نوصل هناك

شكرا جزيلا لكم

انا كل اللي اعرفه انا الملحقيه بتأخذك من المطار وبتوديك فندق بس ايجار الفندق عليك

السلام عليكم ..
توصلي بالسلامة ان شاء الله ..
بالنسبة للوصول الى المطار لازم تكون كل الاوراق الرسمية معاك .. طبعا في الطيارة تعبي نموذجين وتسلميها في المطار .. و واحد منهم يدبسوه في الجواز .
بالنسبة للملحقية - رحلات الخطوط السعودية - في واحد يستنى عند بوابة الاستقبال معاه لوحة مكتوب عليها sacm يسجل اسمك وبعدين يدلك على موقف الباص اللي ياخدك للفندق ويديك اوراق لازم تعبيها (لما توصلي الفندق).
بس ترى الموضوع مرررررة سهالة والشباب من الملحقية جدا متعاونين.
رأي شخصي ( بالنسبة للفندق هما يودوا على الهوليدي ان او الكمفورت ان او بست ويسترن) أنا جربت الهوليدي ان والويسترن، صح انه الهوليدي ان افخم، لكن الويسترن اشوفه افضل -معاه فطور، وعندهم شاي وقهوة مجاني 24 ساعة- والسعر نفس الشي.

يعطيكم العافيه ع الردود

اخي ريان شكرا على الشرح ,, ولكن عندي سؤال ,, انا رايحه ع الخطوط القطرية ,, هل الملحقية بس تاخذ الطلاب اللي ع الخطوط السعوديه والا حتى اللي ع الخطوط الثانيه ؟

شكرا جزيلا

العفو ..
والله اختي ما عندي خلفية عن أي خطوط غير السعودية, لكن كان في شباب اتعرفت عليهم في الفندق جو عالقطرية، برضه في نموذج تعبيه في موقع الملحقية - نماذج الطلاب - اشعر وصول طالب الى واشنطن .. برضه في أسوأ الاحوال -لاقدر الله- اذا وصلت واشنطن وما لقيت احد يستقبلك اسألي عن الشتل (باص تابع للفندق) حق الهوليدي ان - دالاس أو بست ويسترن دالاس واركبي معاها - مجانا- ينزلك الفندق وهناك ممكن تتواصلي مع الملحقية .. بالتوفيق

ترى الامور كلها سهلا لا تشيل هم توصل بسلامه ان شاء الله ............وبالتوفيق

اختي سجلي في موقع الملحقية في نموذج وصول مبتعث جديد وانشالله تلاقيهم اول ماتاخذي الشنط تلاقي لوحة مكتوب عليها الملحقية الثقافية السعودية وعندها مصري معاه ورقة فيها الاسماء ويوصلكم لفندق ممتاز والايجار عليكم وترى كل شي ميسر وسهالات باذن الله والله يسرلك امركوامورنا كلنا

مشكورين و ماقصرتو

يعطيكم الف عافيه

توصل بالسلامه...

بالتوفيق للجميع..