شحن سيارتي السعودية إلى أمريكا؟!

السلام عليكم ورحمة الله تعالى وبركاته....

أنا ابتعاثي يبدأ بعد شهريين اذا الله سهل امور الفيزا... بصراحة بديت اجهز بعض الترتيبات ومنها امور السيارة ... انا سيارتي في السعودية جديدة نسبياً وماخذها وكالة على ايدي و راح تساعدني تكثير بأمريكا أوقات العطلات لأني اقدر اسافر عليها مسافات طويلة ... فجاتني فكرة اني بدال ما ابيعها و اشتري سيارة من امريكا ... قلت ليه ما اشحن سيارتي لأمريكا و استخدمها هناك خصوصا انا الولاية اللي راح اروح لها جوها قريب جداً من السعودية (ولاية نيو مكسيكو)....

أنا فضلت الطريقة هذي لاني عارف سيارتي و عارف تاريخها بينما السيارة المستعملة اذا شريتها من امريكا ما راح تكون مضمونة ... لي تجربة سابقة بشراء سيارة بأمريكا و انخدعت فيها فماودي اعيد التجربة ....

فسؤالي ويشرايكم بالفكرة وهل احد يقدر يفيدنا عن تجربته او تجربة احد زملاءه ... وكم تتوقعون تكاليف العملية بتكون علي اذا وصلت امريكا اقصد من ناحية تصدير إلى آخره.....

وشكراً جزيلاً

اعتقد مايمدي تدخل اي سيارة الى امريكآ =)

يعني ماعندك الا تبيع سيارتك وتشتري وحده من هنآك ..

صعب الشحن إلى أمريكا
لأن سياراتنا غالبا ماتكون مناسبة للمواصفات والمقاييس الأمريكية

والنقطة الثانية اللي يعينك على التكاليف



هذا من خلال ماقرأناه في المواقع

أتوقع تقدر تشحنها .. بس تبي تأخذ وقت .. وتكاليف الشحن والجمرك ولازم معك رخصة أمريكية ووو .. وشغلانة .. أسأل .. ومن سأل ما ضاع إن شاء الله ..

فكره شحن السياره جميله جدا .. بدل ماتشتري سياره مستعمله من هناك بـ 5000 دولآر آو اكثر .. حط الفلوس في الشحن

ولكن مثل ماسمعت انو شغلتها شغله .. في احد اصحابي كان بيشحن سيارتو بـ 600 دولآر اعتقد .. ولكن ماشحنها ,,

احسن حاجة انك تروح للجمارك وتتأكد من المتطلبات وتخلي اي احد في امريكا تعرفة يروح يسأل لك عن شروط ومتطلبات دخول السيارات المستعملة لامريكا او ممكن تسوي بحث في قوقل وتحاول تتوصل لعنوان الجمارك وتراسلهم
لان صعب تلاقي واحد مجرب هذا الشيء هنا في المنتدى
احسن خذ الكلام الاكيد من المصدر

المعلومة الوحيدة اللي اعرفها ان مدة الشحن اكثر من اسبوعين عن طريق البحر فاحسب حسابك لهذه النقطة

فكرة جيدة :)

لكن ماسبق وعرفت احد شحن سيارته لـِ امريكا ..

موفق ان شاءالله ..

اقتباس:

---

المشاركة الأصلية كتبت بواسطة Me

اعتقد مايمدي تدخل اي سيارة الى امريكآ =)

يعني ماعندك الا تبيع سيارتك وتشتري وحده من هنآك ..

---

غير صحيح ,
و يمكن ادخال السيارة لكن لابد أن تكون السيارة مطابقة للمواصفات والمقاييس الأمريكية وتختلف من ولاية لأخرى حتى لو كانت السيارة أمريكية ( وعلى سبيل المثال الولايات الشمالية لابد أن محرك السيارة محمي بمادة معينة "تحمي الزيت من التجمد" , الطبلون لابد يستبدل بطبلون من كيلو إلى ميل وقزاز السيارة يكون مطابق لمواصفات وشروط الولاية وإلخ ) بالمختصر يمكن لكن معقدة قليلا وتحتاج لوقت فهل انت لك القدرة عليها ؟

طبعا أمرين كلاهما مر وفيهما خسارة , لكن أخف الضررين برائي هو بيع السيارة وشراء سيارة جديدة من هناك
لكن ابحث بعناية و حرص حتى لاتواجه نفس تجربتك الاولى إذا كنت ستبحث عن مستعملة .
و إذا توفر معك مبلغ مابين 10 - 14 الف دولار فهذا يجيب لك سيارة جديدة 2011 من الوكالة
مثل:
- اكسنت 12 الف دولار
- يارس 12 دولار
- كورولا 14 الف دولار
- النترا 14 الف دولار
- سوناتا 19 الف دولار
- كامري 19 ألف دولار
- جيب فورد اسكاب 21 الف دولار

* الاسعار بدون الضرائب والرسوم الإدارية و التأمين

تحياتي ,

اللي اعرفو انو لازم تكون سيارتك موديل 2008 وما فوق..اذا اقل من كده ما ينفع تنشحن....واذا ان شاء الله جينا على 2011 حيصير 2009 وهكذا..

اخى افضل انك تبيعها... وتريح دماغك... والصراحة انا ذهلت من الاسعار الى كاتبينها الاخوان... بامريكا مرا رخيصة... جديدة 12 الف دولار يا بلاش... يعنى فرق 30 الف ريال عندنا... حسبى الله

شووف أخووي أول شئ .. إنت خذ لك نظرة على شروط الولاية وزي كذا

اذا لقيت الشغله معقده ومتعبه وممكن تطول .. بيعها

وانتبه من الشريطيه .. ولا تقول إنك مستعجل عشان ما يخسفون لك السعر

ممكن اذا بتشحنها بتدفع قيمتها بالشحن والجمركة وهجولة وروحة وجية مالها داعي انا بابيع سيارتي واطلع بيها ان شاللله
نصيحتي بيعها واشتري سيارة جديدة هناك بقيمتها

السيارات بأمريكا أرخص نسبيا منها في السعودية

اقتباس:

---

المشاركة الأصلية كتبت بواسطة صحفى محترف

اخى افضل انك تبيعها... وتريح دماغك... والصراحة انا ذهلت من الاسعار الى كاتبينها الاخوان... بامريكا مرا رخيصة... جديدة 12 الف دولار يا بلاش... يعنى فرق 30 الف ريال عندنا... حسبى الله

---

وين رايح ياصحفي

12 ألف دولار يعني 45 ألف ريال سعودي

وبعدين ياصاحب الموضوع بع السياره وأشتر لك من هناك سياره وريح راسك

يمكن تجي فيها عطل ميكانيكي أو دقات أو ما شابه ذلك

شكراً جزيلا لجميع الأخوان/الأخوات اللي ردوا على الموضوع و اثرونا بآرائهم...

مرحبا

اسعد الله مسائك / صباحك

اخوي انا عندي نفس فكرتك وودي اخذ سيارتي معاي ف ياليت لو عندك اي معلومه قبل مااسوي شي تفيدني كرماً وليس امراً