ياأختي لاتستغربي إذا محد رد عليك
أنا كثير أستغرب من المبتعثين اللي طالع ولا يدري وش يدرس
إذا إنت كمبتعث ماحددت هدفك وتخصصك وطموحك اللي طالع وتتغرب عشانه من يبي يحدد لك مصيرك
يعني بصراحه معقوله تبين تدرسين علوم صحيه وانتي منتي عارفه شي عنها
طيب انتي عارفه وش شروطها عارفه وش طلباتهم في امريكا
ممكن تكون تعجيزيه عليك وثمّن يذبحك طول الأمل اللي عشتيه
الحين المهم انك تحضرين الملتقيات وتسوين موعد السفاره والامور هذا كلها وتوصلين امريكا وتبدين تدرسين لغه
في وقت دراستك للغه تفكرين وقتها وتقرأين كثير عن تخصص العلوم الصحيه وتسألين كثير لين تشوفين اذا هو تخصص يتوافق وطموحك او لا
اذا مايتوافق اوكي شوفي تخصصات ثانيه تتوافق مع ميولك واهتماماتك وقتها بتكون لغتك تحسنت وتقدرين تقرئين كثير وتراسلين جامعات
الحين لاتتعبين نفسك تتعلمين ايش العلوم الصحيه لسع الوقت قدامك طويييل
وبرضو لاتاخذين فكره ان البعثه سهله وامور يسيره
لا البعثه والله انها قرف وتعب وجهد وراح تعرفين كلامي اذا وصلتي امريكا وبدأتي بالدراسه والبحث عن قبول جامعي
بالتوفيق