عرض للطباعة
السلام عليكم ورحمة الله وبركاتة
في الفتره الحالية انا بفكر اشتري سيارة مستعملة طبعا :) ، و ما اعرف اي شي عن نظام نقل الملكية .. و عندي هل استفسار :
1 - هل ممكن ينقلوا لي الملكية و انا عندي رخصة سعودية و بأمن عليها في امريكا .
2 - كيف تتم اجراءات نقل الملكية ؟ وفين اروح
3 - انا سمعت انه ممكن راعي السيارة يعمل لي المبايعة ثم ياخذ لوحاتة و يمشي ؟
يا اخوان وش الوضع من أ الي ي علشان اكون على بينة قبل لا اسوي اي شي
وشكرا لكم
اقتباس:
المشاركة الأصلية كتبت بواسطة إياد العنزي
اتمنى أكون افدتك
وعليكم السلام ورحمة الله وبركاته , أخوي اياد يظهر لي الطريقة تختلف من ولاية لأخرى ...تجربتي , راعي السيارة وقع لي على الإستمارة بالمبايعة بعد ما استلم فلوسه وأخذت منه السيارة والإستمارة ورحت بنفسي لـ DMV وما معي لا رخصة سعودية ولا أمريكية فقط كان معي ID State وبناءا عليها سويت النقل , عطوني ورقة قالوا لي هذي استمارة مؤقته وتبي توصلك الأصلية على بريدك بعد اسبوعين تقريبا...أنا في ولاية أوريغون مافيها تاكس لذلك دفعت زيادة 77$ قيمة نقل الملكية...
ولي الحين أكثر من 9 شهور والسيارة معي بدون رخصة , فقط مجرد تأمين...
أتمنى لك التوفيق...
طيب ممتاز جدا ..
انا لما الاستاذ راعي السيارة ياخذ اللوحات .. يعني السيارة بدون لوحات ! وش وضع المسائلة القانونية على هذا الموضوع ؟ و كم ممكن امشي بالسيارة بدون لوحات .
ماراح تمشي بدون لوحات
راح يعطونك لوحة مؤقتة لمدة شهر الين تجيك الاستمارة الاصل وتروح تطلع لوحات
بالتوفيق
^^^^^^^^^^^^^^^
طيب مو وقت الشراء افرض انه كان بوقت الـ MDV مقفل ، يعني ما امشي بالسيارة ؟ و اذا مشيت فيها بيوقفوني ولا وش الوضع ؟
تروحون مع بعض لDMV وتسوو نقل ملكيه مو لازم رخصه امريكيه بس احسن عشان يرخص التأمين
وحاول انك ماتدفع كاش شيك احسن عشان يتسجل بالبنك
إياد أنصحك تشتري سيارتك من واحد تعرفه زين عشان يكتبها لك بمبلغ بسيط عشان ترتاح من سالفة التاكس كل سنه والله انه يقص الظهر ،،
انا اعرف أحد اصدقائي شرى سيارته موسنتغ 2009 من افغاني مسلم تقريبا بـ13 الف دولار لكن كتبها له انها مجانيه عشان مايدفع تاكس ،،
الله يوفقك ويعطيك خيرها ويكفيك شرها مقدما ،
هل ادفع تاكس على السيارة كل سنةاقتباس:
المشاركة الأصلية كتبت بواسطة tyt
الله يعطيكم العافية يا اخوان ما قصرتوا .
فعلا يا اخي tyt : صاحبي اشترى اكورد 2002 من سعودي و كتب له انها هدية ، و مادفع شي .
انا شكلي ببحث عن واحد امريكي بيبيع سيارتة و اخليه يكتب لي انها هدية علشان ارتاح من مبلغ التاكس
....................................
استفسار اخير يا اخوان :) عارف اني طولتها وهي قصيرة ..
كيف اكتب اسمي بدل الارقام تبع اللوحة ؟ واحد من اصحابي كاتب omer80 و غيره و غيره .. وش الطريقة و كم عليها ؟