المؤسسة العامة للتامينات الاجتماعية ... الابتعاث ؟؟ وش رايكم؟

السلام عليكم
كيف الحال يا شباب
انا قدمت اوراقي على المؤسسة العامة للتامينات الاجتماعية (ابتعاث)
وش رايكم ابغاء رايكم :(
حطيت رغباتي
1- علوم حاسب الي
2- هندسة برمجيات
3- ادارة اعمال

طبعاً لامريكا
ومكافاتهم 7080 ريال بامريكا :(

موفق اخوي
وليه لا على العكس حلو انه ما يكون الجميع معتمد على مصدر ابتعاث واحد
الله يسر لك ويسهل عليك..

انا برضو قدمت بس التخصص محاسبة وان شاء الله ننقبل انا وانت وحلوة التخصصات اللي اخترتها شوف دامك اختبرت كفايات وقدمت اوراقك اقول لك دز معهم لو قبلوك ,,

لانه وانت تدرس التخصص ماراح تفكر راح القى وظيفة ولا لا بتتوضف غصب .. + سمعت انه الدراسة اللي تدرسها يحسبوها لك من سنوات الخبر يعني ترجع المملكة وتشتغل على ان لك 5 سنوات خبرة عمل انا سمعت بس مدري حقيقة ولا اشاعة

وبالنسبة للمكافأة نفس مكافأة بعثة الملك ..

والله يوفق الكل

أهلين
انا العام الفائت قدمت عليهم وقبلوني وما سلمت أوراقي ...,
وهالسنه قدمت عليهم بس للاحتياط لو حصل شيء وما قدر أخرج بعثه على حسابي بس فاتني اختبار الكفايات

أنا أقول لك روح ربي يوفقك فيها
تدرس كم خمس سنين تقريباً وترجع تتوظف عندهم خمس سنين ويحق لك تخرج من عندهم وتكون الخبره مو خمس سنين مدة عملك بل تكون 10 سنين لأنك موقع العقد إنت من 10 سنين

من ناحية المكافأة ما أدري والله هي زي الملك ولا لا
بس اللي أعرفه إنها مو زي الملك هم مكافأتهم لحاااال ولكن المبلغ ما يبعد عن الملك (أتوقع مكافأتهم 2000$)
ما أدري ترى لا أحد يجي يقول إنت قلت أنا قلت عن اللي سمعته وممكن تكون زي الملك 1850$


بالتوفيق

الله يحزاكـم خير
ما قصرتوا ونشوف ان شاء الله باقي الاعضاء

هههههههه ابشركم جبت العيد كفايات نسبتي 37 ههههههههههههـــــاي
والمؤسسه طالبين 40
رحنا فيها شكلنا بجامعة الخرج هههههههههههههههههه
بالتوفيق

واالله حرام بعدين غريبة المؤسسة السنة اللي فاتت طالبة 60 و الدراسة 95 السنة ذي قللو هههههههه

يالله الله يوفقك بالنسبة لي الحمد لله في الكفايات جبت 87% كان اختبار حلو وسهل وممتع ,,


والدراسة 95.32 و التحصيلي 78 و القدرات 80 ,, وبكرة مع دوامهم بودي اشعار الكفايات وان شاء الله يقبلوني < دعواتكم

وانت الله يوفقك ولو قبلوني ان شاء الله نسوي موضوع تجمع للي في هذا البرنامج ,, والله يوفق الكل

بالتوفيق للجميع ...,

شباب الي عنده خبر عن النتائج يقول بالله :( محتاجين لكم تكفون

كك راتبها بعد التخرج ( عند التعيين) سمعت انها على المرتبه السادسه والمرتبه هذي راتبها ماكمل ستة الاف ريال هل يعقل ذلك ؟؟

اللي عنده خبر ياليت يفيدنا

رفضوني حسبي الله ونعم الوكيل الظاهر يبون الثانوي 100% والقدرات 99 والتحصيلي 100
خلونا نجلس عاطلين ويروح كرف 12 سنه حسبي الله عليكم
المفروض يحققون رغابتنا :(
(( قال انفخ يا شريم قال ما من برطم ))
بالعربي الصريح معك واسطه بتمشي ما معك ،اسطه اجلس بالبيت >>رجال قالها لي بجامعة الملك سعود بالبهو ( الادارة )
الله يكتب اللي فيه الخير