تكفون تكفون من اللي بيفزعلي ؟؟؟

السلام عليكم ورحمة الله وبركاته
يسعد صباحكم / مساءكم
مبروك عليكم الشهر وكل عام وانتم بخير
اخواني واخواتي في منتدى مبتعث انا طالب مبتعث في كندا ومعاي دبلوم وانتم عارفين كندا في المعادله صعبه شوي .. فحبيت الان اطلع الفيزا الامريكيه للتحويل من كندا الى امريكا ..
والحين اللي ودي اطلبه منكم اي واحد يقدر يجيبلي اي قبول من معهد عشان اطلعبه الفيزا راح ادعيله طول رمضان واتعابه مدفوووووعه .. لاني انا استغربت دقيت على مكتب قالي اجيبلك قبول معهد ب1000 ريال !!!
انا يوم كنت بكندا اجيب قبول معهد لاخوياي ببلااااااش وشلون المكتب يقول ب 1000 ريال ؟؟؟؟

الله لايهينكم اللي يجيبلي قبول معهد هاليومين بعطيه اتعابه .. ويعطيكم الف عافيه

طيب حبيبي بإعتبار إن لغتك ممتازه الآن وتعرف تراسل الجامعات
ادخل ع بوابة الملحقية واختار خيار الجامعات الموصى بها واختار الولاية إلي تحبها واختار المدينة إلي تبي تعيش فيها وبتطلع لك كل الجامعات المعترف فيها
شوف وين تخصصك موجود وابدأ راسل الجامعات.. هو ايميل واحد بتصيغه وبتحط فيه مرفق صورة سجلك الاكاديمي بالانجلش وصور شهاداتك وكل معلوماتك وبترسله إن شاء الله لثلاثين جامعة
شوف مين يرد عليك وشوف كم بيعادلون لك وتوكل على الله
أهم شيء صدقني انك تختار الولاية والمدينة وأنا أشوف هالشيء أهم شيء وأخطر شيء.. ما عداها سهل اعتقد
ع فكرة.. لما تلاقي تخصصك بجامعة بتلاقي تحته خيار بالخط الصغير مكتوب جامعات أخرى تدرس نفس التخصص.. ادخل وبتلاقي كل جامعات أمريكا المعترفه إلي تدرس تخصصك

طب وراسل
ربي يوفقك حبيبي وحياك بين أخوانك
تحياتي

حبيبي والله ماقصرت اخوي anas الله يعطيك الف عافيه .. بس بيني وبينك انا الى الان ماعرف اتعامل بمواقع الجامعات لاني ماجربت اني ادخل موقع واطلب قبول وادفع بالفيزا .. انا اللي ابيه الان بس قبووول معهد عشا الفيزا الامريكيه وقبول الجامعه انا بجيبه من اي مكتب قبولات بعد ماتطلع الفيزا الامريكيه .. انا كنت اجيب قبولات من نفس معاهد تورنتو ماكنت اتعامل بالنت معهم كنت ارووح نفس المعهد واطبعلهم صورة من جواز اللي يبي القبول ويعطوني القبول .. وشكرا على المعلومه وجزاك الله خير يابعدي ..

اتجه للمكاتب.. بيأخرونك وياخذون عليك فلوس كثير والله
آسف يا أخي واللع لغتي ما تساعدني إني أقدم لك..
أنا بحاول هنا أساعد الناس حتى يساعدوا أنفسهم فقط
ربي يوفقك ويخلص أمورك باسرع وقت
تحياتي

أخي تركي هناك نقطة مهمة أود تنبيهك عليها وهي أن الطالب المبتعث إذا أراد تغيير دولة الإبتعاث - في مثل حالتك من كندا إلى أمريكا - فإنه يُلزم بالحصول على قبول أكاديمي غير مشروط. بمعنى أن يجب أن تكون قد أنهيتي دراسة اللغة الإنجليزية وحصلت على TOEFL أو IELTS قبل أن تطلب تغيير دولة الإبتعاث. ولذلك فأنا أنصحك بسؤال مشرفك الدراسي في ملحقية كندا عن إجراءات تغيير دولة الإبتعاث هل قبول اللغة كافي أو يشترط قبول جامعة ؟ وهل يكون قبول جامعي مشروط أو غير مشروط ؟ أخيراً , بالنسبة لتكاليف قبول المعهد في أمريكا , فهي تختلف باختلاف المعهد وعادة تبدأ من 600 ريال إلى 1100 (تشمل رسوم الأبلكيشين + رسوم البريد السريع)

يعطيك الف عافيه جزاك الله خير anas وماقصرت والله

المستشار الله يعطيك الف عافيه على المعلومات وانشالله راح اكلم المشرف واشوف وش الوضع .. والله يعطيك العافيه ويجزاك خير