الماجستير في امريكا

السلام عليكم

انا معيدة في كلية
الحاسب الآلي تخصص نظم معلومات و زوجي مدرس تخصصه لغة عربية

ابغى منكم
مساعدة

جامعة فيها تخصص نظم المعلومات يكون تحت كلية الحاسب الآلي لانه من
خلال بحثي اكثرها تحت كلية ادارة الاعمال سم التخصص بالانجليزي (information
systems , master in science of information systems , computer information
systems)
نفس الجامعه يكون فيها تخصص يقدر يكمل فيه زوجي (اي تخصص تنصحون) مثلا
مناهج و طرق تدريس او تربية او ادارة اعمال

يكون القبول في الجامعه بعد ما
ننتهي من اخر مستوى من اللغة يعني بدون اختبار toefl or gre or gmat

من ضمن الجامعات الي لقيت فيها تخصصي drexel university بس هي جامعه خاصه
عادي اقدم عليها و سالت شخص عن الجامعه قال ان الدراسه فيها نظام كوارتر مش سمستر

طيب هل الكوارتر ضغط اكثر من السمستر و
ليش من اي ناحيه يعني انا اكذا سمعت و هذا الي خلاني متررده اقدم على جامعة
drexel

ايش الفرق بينهم و كيف اقدر اتاكد من المعلومه هذي و كيف اعرف شروط الجامعه للقبول



الولاية يكون المعهد الي فيها كويس ويفضل تكون في شرق
امريكا
وكمان تكون مناسبة للاطفال من حيث المدارس و الحضانه لان عندي ولدين
الكبير 7 سنوات و الصغير شهرين

لو تكرمتم ابغى لسته بالولايات و الجامعات
عشان اقارن بينها

و لكم جزيل الشكر

وينكم يا مبتعثين امريكا احتاج المساعدة

حياك الله اختي ..

بخصوص ترددك كون الجامعه الي ذكرتيها خاصه ، مافي مشكله في الجامعات الخاصه ولكن تأكدي ان الجامعه معترفه وغير موقفه ..

بخصوص سؤالك عن الكوارتر والسمستر ، بوجهت نظري الموضوع يعتمد على حسب الجامعه ؛ مثال الجامعه الي انا ادرس فيها نظام الدراسه سمستر ولكن نظام المواد الدراسيه كوارتر بمعنى ممكن تسجلي في السمستر الواحد عدد 4 كورسات منهم ثنتين في الكوارتر الاول وثنين في الكوارتر الثاني . فالمحصله تكون في السنه عندك 3 سمسترات .. ولكن هالمثال على جامعتي فقط ممكن فيه جامعات ثانيه نفس الوضع وفيه جامعات بأسلوب ثاني مختلف.. نصيحتي لك بالاول تأكدي من الجامعه الي متررده انك تسجلي فيها عن نظامهم بحيث تكونين صورة واضحه لك ..
بخصوص صعوبه الدراسه في الكوارتر من السمستر ، انا إلى حد كبير أؤيد هالكلام وانصحه فيه بعد .. ( وش اقصد بالكلام هذا ) .. اقصد سلمك الله ان يكون عندك فتره 8 اسابيع للكوارتر الواحد (مثل جامعتي) فالفتره ماتقارن بفتره السمستر الي هي 16 اسبوع انك لو تكاسلتي بالاول تقدرين تعوضين بالاخير، لكن بالكوارتر الوضع مختلف جدا ، من اول يوم تحتاجين تشمرين عن ساعديكي وتذاكري وتجتهدي ، وانصح بالكوارتر للشخص الي مثلا مستعجل ووده يرجع للسعودية إما لوظيفه او لظروف اسريه او شخص ماعنده فتره كافيه في قرار ابتعاثه وحاب يخلص ويفتك من عوار الرأس مع الملحقيه..

انا اقترح عليك مدينتي الي هي بيتسبرغ في ولايه بنسلفانيا (وتقع في شرق امريكا) لعده اسباب ، بالاول عندك 3 معاهد لغه في المدينة (معهدين لجامعتين ومعهد تجاري) ، والثاني ان زملائي المتزوجين وعندهم اطفال يمدحون الحضانات بشكل كبير ، الثالث المستشفيات على مستوى عالي ، اخيرا واهم نقطه هي ان عدد الجامعات المعترف فيها من المحلقيه في المدينه هي 8 جامعات يعني ان شاء الله الخيارات كثيره .
للاسف ماعندي علم اذا تخصصك متوفر في احد الجامعات 8 او لا ، يحتاج انك تبحثين في هذه النقطه من خلال موقع وزارة التعليم العالي
الجامعات الموصى بها


اتمنى اكون افدتك ..
مودتي ..
فيصل ..