عرض للطباعة
السلام عليكم
انا كتبت موضوع في قسم التاشيرات بس مااحد جاوبني
يااخوان انا طلعت تاشيره و رحت للمطار بسافر و قالو لي الخطوط ان جانا ايميل من جوازات مطار JFK ان مانسمح لك تركب الطياره !!!
انا كنت ناوي اروح لنورث كارولينا على طول بدون مااوقف في اي ولايه امريكيه مع العلم ان هاذي اول مره اسافر
في حل و لا انسى الدراسه في امريكا ؟
بانتظاركم
راجع القنصليه الأمريكيه .. وتأكد من فعالية الفيزا ...
اذا كانت سليمه .. قم بالحجز مره اخرى على مقر دراستك ..
لكل سبب جواب
راجع السفاره الامريكيه ولا تياس اهم شي قاتل من اجل طموحك
كلمت السفاره الامريكيه
و هاذي رسالتهم
If you are denied to board the flight, please check the DHS TRIP site to seek information or file a complaint by following this web link: DHS TRIP | Homeland Security
Thank you,
NIV Consular Section
Embassy of the United States of America
Riyadh, KSA
رفعت الطلب و انتظر الرد
بالتوفيق ، اكيد الموضوع تشابه اسماء مع شخص ممنوع من السفر الى امريكا . هذا المشكلة يقع فيها من لديهم اسماء شائعة
الله يعينك معهم يحوسونك شوي مشاكل اسامي
ان شاء الله تتيسر
الله ييسر امرك و يختار لك اللي فيه الخير ...
فعﻻ طيران الخليج قالو لي هالكﻻم و اتصلو علي اكثر من مره في يوم واحد بس يبون يتأكدون من معلوماتي الشخصيه
و على فكره مو بس انا اللي صار له كذا. في نفس اليوم قابلت اكثر من 9 اشخاص نفس المشكله
الله يسمع منكم و ان شاء الله تتيسر
Sent from my GT-I9500 using مبتعث mobile app
المشكله انحلت و لله الحمد
و اي استفسار انا حاضر
الحمد لله ..اقتباس:
المشاركة الأصلية كتبت بواسطة شفت خلي
بس ماعلمتنا ايش كانت المشكله وكيف انحلت ؟
هذا السؤال راح يكون جوابه فائده لمن يواجهه نفس المشكله بالمستقبل ..
أسأل الله ان ييسر امورك ويوفقك ..,
اقتباس:
المشاركة الأصلية كتبت بواسطة 1OK
السفاره مثل ما قلت قالو لي كلم ال Homeland security و دخلت موقعهم و مخصصين صفحه للي صار لهم مثل مشكلتي
عبيت الطلب و تواصلو معاي طول الايام اللي راحت عشان يتأكدون من الهويه و اذا في تشابه او لا
و جا الرد النهائي اليوم و اعتذرو وقالو ان في تشابه اسماء بينك وبين واحد ثاني و الاختلاف اللي بينك وبينه بس في اسم الجد !
و ارسلو لي خطاب رسمي موقع و مختوم منهم لان التذكره بتكون على حسابهم و تعويض الى الحين مو عارف ايش هو
و طبعا مثل ما قلت في ناس كثير قابلتهم و تعرفت عليهم في المطار واجهو مثل مشكلتي و ياليت الكل ينتبه
و على فكره اكثرهم تصير لهم هالمشكله في مطار البحرين بس هذا مو معناه ان اي واحد بيسافر من البحرين بتصير له مشكله
انا اختصرت اللي صار لي لان السالفه طويله شوي
عز الله ماقصرت .. ومختصرك مفيد لزبدة الموضوع ..,اقتباس:
المشاركة الأصلية كتبت بواسطة شفت خلي
وعسا الله يجعلها اجر لك فيمن انتفع فيها او قرأها او عمل بها او نقلها نصا او فهما ! ..
اسأل الله لك التوفيق والسداد وتيسيرر الامور يارب العالمين ..
اقتباس:
المشاركة الأصلية كتبت بواسطة 1OK
ما سويت الا الواجب اخوي
و اتمنى مااحد يصير له مثل ماصار لي لان السفاره السعوديه حطموني لدرجه ان قالو لي انت بتسبب مشاكل سياسيه بين السعوديه و امريكا (ههه)
الحمدلله ..... عوافي
واسال الله لك التوفيق