تمديد دراسة اللغة لمدة سنتين !!!

السلام عليكم ورحمة الله وبركاتة

أخواني حبيت أستفسر عن تمديد اللغة لسنتين

أنا مبتعث للماجستير بأمريكا أنهيت فترة اللغة ( سنة وستة شهور ) .. وجبت 5 ونص فالايلتس
وأبغى أمدد دراسة اللغة لمدة سنتين
لجل أقدر أرفع درجة اللغة وبرضو لجل أدخل دورة جيمات وأحصل على درجة قوية تدخلني الجامعه

إذا تعرفون هل ممكن تقبل الملحقية التمديد لسنتين ؟؟؟
وإذا فيه أحد عنده تجربة .. ياليت يفيدني بالطريقه وكيف أقدم عليها ؟؟

لأني رفعت طلب تمديد دراسة لغة 3 مرات من خلال البوابة الإلكترونية وفي كل مره تم رفضة من قبل المشرف الدراسي


تكفون بإنتظار تفاعلكم ,,,,

ايش كان سبب الرفض ؟
لو تفيدنا بكلام المشرف علشان نقدر نساعدك ..

السلام عليكم
اذا كنت معيد تقدر تمدد للغه من دون مشاكل
اذا اعطيت المشرف سبب مقنع ممكن يعطيك تمديد
اذا قلت انك تحتاج اللغه علشان ترفع من درجتك فهو سبب غير مقنع لان بهذي الحاله كل الطلاب بيسسون نفس الشي وبيطلبون تمديد علشان يرفعون من درجة الايلتس
اذا قلت للمشرف انك مقدم لجامعه قويه ممكن يوافق لك
لكن بيقول لك تغير الجامعه بالبوابه علشان تنحشر ولا تقدر تاخذ جامعه غيرها لانكن غيرتها عن طريق البوابه وراح يخليك توقع تعهد بدخول جامعه قويه اذا اقنعته بهذا الشي
كلم المشرف عن طريق الايميل واشرح له وضعك وانك بحاجه للتمديد وان شاء الله يوافق لك

كان سبب رفض المشرف بأني كملت المده المسموحة فاللغة ولايمكن التمديد أكثر من سنه وسته شهور

وأخوي نواف
أنا ما أقدر أقوله اني بدخل لجامعه قويه .. لأن معدلي منخفض .. وغير كذا عساني أنقبل عالاقل في محو الأميه بامريكا هههههههه
أنا كل همي أني أحاول أرجع لأمريكا وادرس لغة وأشتغل أكثر على رفع درجة اللغة والجيمات

ومشكورين ياالغالين على الردود والتفاعل

واذا فيه أحد عنده أي معلومة بخصوص التمديد تكفون لاتحرمونا من معلوماتكم وخبراتكم عسى ربي يوفقكم

احس المعهد ماله علاقه برفع درجه الايلس

الايلس جهد شخصي
بس عندي لك حل بس قبلها بسالك سؤال

تخالط أجانب انت ؟ واذا ايه كم معدل الوقت الي تقضيه معهم ؟؟؟؟

اقتباس:

---

المشاركة الأصلية كتبت بواسطة forza-sultan

كان سبب رفض المشرف بأني كملت المده المسموحة فاللغة ولايمكن التمديد أكثر من سنه وسته شهور

وأخوي نواف
أنا ما أقدر أقوله اني بدخل لجامعه قويه .. لأن معدلي منخفض .. وغير كذا عساني أنقبل عالاقل في محو الأميه بامريكا هههههههه
أنا كل همي أني أحاول أرجع لأمريكا وادرس لغة وأشتغل أكثر على رفع درجة اللغة والجيمات

ومشكورين ياالغالين على الردود والتفاعل

واذا فيه أحد عنده أي معلومة بخصوص التمديد تكفون لاتحرمونا من معلوماتكم وخبراتكم عسى ربي يوفقكم

---

عزيزي .. انت اقتضيت المدة المسموحه لك مع التمديد !
ماعاد لك فرصه ثانيه الا أنك تدرس على حسابك لحتى تجيب الدرجه اللي تبيها ..
وبعدها ترجع تكمل على البعثه ! اول ماتلحق بالجامعه !

مالك حل ثاني "نظاميا".. !

واذا كانت المسأله فقط علشان الجيمات .. فانا ماؤمن بمسألة المعاهد والدورات !
لان الجهد اولا واخيرا بيكون عليك انت .. كل اللي بالدورات تلاقيها بالنت ..
يعني لو تقعد تفتح لك كم كتاب بالجيمات وتذاكره وترجع للنت وتشوف الطرق اللي ممكن تساعدك في الاختبار ..
راح تنفعك اكثر من انك تروح دوره وتخسر نفسك على الفاضي !


اذا تبي تختصر الوقت .. حاول تدور لك جامعه ماتطلب جيمات .. وخذلك قبول فيها .. وادرس فيها ...

ابرك من هاللعوزه اللي تبي تحط نفسك فيها !

أختي هيفا

أنا حاليآ بالسعودية .. لكن لما كنت بأمريكا كان لي صداقات مع امريكان والنسبة اليومية ممكن تكون
من 20% - 40% أكون مع أجانب
من 20% - 40% أكون في أجواء KSA
من 30% - 50% أكون في المعهد .. ( دوامه طوووويل )
من 10% - 1% أكون ما بين نايم وسهران

هذا يومي ههههههههههههه

IOK
حبيب قلبي يالغالي هذا اللي أحتمال يصير

لكن ,, أنا وصلني كلام أنه الملحقية إحتمال تستثنيك وتمدد لك اللغة لتكون سنتين
في حال انك طالب ماجستير ولديك سبب مقنع
أنا احاول أعرف طريقة الحصول على هالاستثناء .. لأن الشخص اللي مدد اللغة لسنتين
ماأعطاني أي معلومه .. ماأدري هل الموضوع موضوع واسطه والا شالسالفه

في كل حال لاتنسانى من دعواتك وانا اخوك وعسى ربي يوفقنا ويوفقكم

اقتباس:

---

المشاركة الأصلية كتبت بواسطة forza-sultan

أختي هيفا

أنا حاليآ بالسعودية .. لكن لما كنت بأمريكا كان لي صداقات مع امريكان والنسبة اليومية ممكن تكون
من 20% - 40% أكون مع أجانب
من 20% - 40% أكون في أجواء KSA
من 30% - 50% أكون في المعهد .. ( دوامه طوووويل )
من 10% - 1% أكون ما بين نايم وسهران

هذا يومي ههههههههههههه

---

اختبارات الجيمات والجي آر إي صدقني تقدر تشتغل على نفسك مثل ما قال أخونا 1OK
أنا قبل أطلع بعثة اعتمدت على نفسي في السعودية، واشتغلت على كتب كابلان، والحمد لله جت درجة ما جابوها أكثر اللي أعرفهم وأخذوا دورات تحضيرية في معاهد.
فلذلك لا تقنع نفسك بأن دورات المعاهد سحر يصبونه من فوق راسك وتجيب أعلى درجة، القضية قضية كم تتعب أنت على الموضوع، لا أقل ولا أكثر.

اقتباس:

---

المشاركة الأصلية كتبت بواسطة forza-sultan

IOK
حبيب قلبي يالغالي هذا اللي أحتمال يصير

لكن ,, أنا وصلني كلام أنه الملحقية إحتمال تستثنيك وتمدد لك اللغة لتكون سنتين
في حال انك طالب ماجستير ولديك سبب مقنع
أنا احاول أعرف طريقة الحصول على هالاستثناء .. لأن الشخص اللي مدد اللغة لسنتين
ماأعطاني أي معلومه .. ماأدري هل الموضوع موضوع واسطه والا شالسالفه

في كل حال لاتنسانى من دعواتك وانا اخوك وعسى ربي يوفقنا ويوفقكم

---

رابعًا: المتطلبات عند تقديم معاملات طلب تمديد البعثة :
(يتم الرفع للملحق قبل بداية الدراسة بشهرين):
1. في الخطاب الموجه لسعادة الملحق الثقافي، يجب عليك توضيح مدة التمديد المطلوبة وتاريخ بداية التمديد، وهل سبق أن مددت البعثة لك من قبل أم لا.
2. إرفاق خطاب رسمي من الجامعة يوضح تأييد المشرف للتمديد والمدة اللازمة والمبرر لذلك.
(ملاحظة: الحد الأقصى للتمديد هو سنة واحده للمرحلة الجامعية ومرحلة الدكتوراه والزمالة الطبية والبورد الطبي والتخصص الدقيق بالطب، وستة أشهر لمرحلة الماجستير، والحد الأقصى لتمديد مرحلة اللغة الانجليزية ستة أشهر)
المصدر : ط¶ظˆط§ط¨ط· ظˆظ…طھط·ظ„ط¨ط§طھ ظ…ط¹ط§ظ…ظ„ط§طھ ط§ظ„ط·ظ„ط§ط¨ ط§ظ„ط£ظƒط§ط¯ظٹظ…ظٹط©


ليس هنالك استثنائات لمرحلة اللغه ... الاستثنائات تكون فقط بالمرحله الجامعيه !
لان الفتره الرسمية للغه هي سنة واحده .. اما فترة الـستة أشهر الإضافية .. فهي تُحسب من مدة البعثه الأساسية ... لذلك لن يتم إعطائك أكثر من ستة أشهر ..
إعطائك سنة أخرى يعني الأخذ من مدة البعثه .. وبالتالي لن تتمكن من التوفيق بين مدة بعثة الماجستير وتاريخ تخرجك ! وسيكون تخرجك بعد انتهاء البعثه ..
ولو رفعت تمديد للبعثه .. على الغالب .. سيتم الرفض .. لأنك قد استنفذت كل الفرص المتاحه لك في اللغه ! وبذلك ستتخرج على حسابك الخاص !

كما أعلنت عنه الوزاره في تاريخ 21/6/2009 ...
اعلان وتنبيهات هامة لجميع ابنائنا الطلاب المبتعثين من اللجنة العلمية لمتابعة المبتعثين:
أولا: بالنسبة لتمديد فترة اللغة مدة دراسة اللغة الإنجليزية هي سنة واحدة فقط وعند وجود مبرر مقنع وبعد موافقة اللجنة يسمح للطالب بالاستمرار بدراسة اللغة لمدة ستة أشهر أخرى كحد أقصى وتحتسب هذه المدة من ضمن مدة البعثة الأصلية ولا يعوض الطالب عن هذه المدة.
المرجع : http://www.mohe.gov.sa/ar/Ministry/S...tructions.aspx

هذا ما أردت أن اوضحه لك منذ البدايه .. الوزاره متشدده في هذا الموضوع .. ولا يوجد هنالك حالات استثنائيه الا ماندر !
وهذه تكون إما "بالواسطة" .. أو .. يكون معدل الطالب يشفع له (بمعنى أن تكون درجات اللغه عاليه جدا ) وبالتالي يمكن للمحلقيه إعطائه مايريد لأن لديه مايدل على جديته وجدارته بالدراسه !

راجع هذا الرابط : الملحقية الثقافية السعودية في أستراليا
(نفس الأنظمة مطبقه على ملحقية أستراليا - ولكن استخدمتها لأن موقعهم مرتب وواضح بكل الإجرائات والأنظمة)..

ولذلك .. نصحتك بأن تعتمد على نفسك افضل ..
وأويد رأي اخي ابن بيت آل هليلة ... فهو عين الصواب !

لن تنفع المعاهد ولا الدورات .. فكل ماينفع الشخص هو جهده وتعبه بنفسه !

ياخي الله يكون في عوووونكم وربي غيرر هم الايلتس وع استغفر الله كان كالبوس على القلب الله يقلعه وهم الجيمات الله يساعدك ويفرج عنك يارب ياكريم ...

مشكورين أخواني اللي تفاعلوا مع الموضوع
والله يجزاكم كل خير ويوفقكم دنيا وآخره

ولازلت أرحب بأي معلومة قد تفيد ..

طيب أجل خــذ هآلمعلومة ..

أعرف وآحــد قضى سنة و 6 شهور حللهآ كلهآ بآللغة ..
وجآب له قبول مشروط قبل تنتهي ونقل على آلمعهد ..
وفي شهر September إنتهت مرحلة آللغة ..
كتب خطآب وأرفقة لهم وكآن مضمون آلخطآب كآلتآلي :
إنهم وضعوهـ بآلمستوى 3 في آلمعهد آلمكون من 5 ليفيلآت ..
وإنه أرفق قبوله آلمشروط وهو بحآجة للأشهر آلقآدمة لجل ينهي مرحلة آللغة ويبدأ مرحلة آلمآستر ..
طبعآ كتبت لهــم كلآم معقول إنه عآنى في بدآية بعثته لان لغته ضعيفه وإنه أخيرآ لقى ضآلته في هآلجآمعة كآخر فرصـــه له ..
وآلحمد لله وآفقوآ يمددون له بحدود آلـ 6 شهور ..

آلتمديد خلآل تقريبآ أقل من إسبوع وآفقوآ عليه .. تخيل !!!!
عندكـ قبول مشروط تقدر تنقل عليه وتكلمهم ..؟!

وعليكم السلام

انا مددت اللغه لسنتين وقد تم الموافقة عليه من الملحقية.
صراحة تمديد اللغة لشهرين الى اربع اشهر بعد انتهاء مدة اللغة وهي سنة وستة اشهر تحتاج الى تزويد المشرف الدراسي سبب وجيه.
بالنسبة لي, كانت تقارير الدراسية ممتازة ولله الحمد وقد انهيت اللغة في سنه ولكن مددت لي ست اشهر لأنه لم يكن لدي قبول جامعة فطبت تمديد ودرست بالمعهد الى ان جلبت قبول من عدة جامعات.
اخترت جامعة من تلك الجامعات ولكنها لاتسمح لي بالدراسة في فصل الصيف لذلك ارسلت للمشرف برسالة مضمونها :

" لقد جلبت قبولا جامعيا وهو معترف من قبلكم ولكن الدراسة ستبدأ في شهر ثمانية والمعهد سينتهي في شهر اربعة والست اشهر ستنتهي في شهر خمسه ,وحيث أنني لا استطيع تأجيل البعثة لمدة اقل من اربعة اشهر. فإني أطلب التمديد لي لأكمل الصيفي في معهد اللغة لأنني لا اريد أن اضيع ثلاث اشهر من بعثتي سدا ولا اريد أن اذهب للسعودية واضيع جزءا مما تعلمته"

تم إعادة الطلب واعلامي انه يجب أن ارفع التقرير الدراسي+القبول الجامعي+شهادة اللغة او الايلس. رفعتهم وتمت الموافقة على الطلب لتكون مدة دراستي للغة سنه+ست شهور+شهرين.
اذا كان تقاريرك وحضورك في المهعد ودرجة الايلس او التوفل جميعم تدل على انك طالب مجتهد, حتما انشالله سيتم التمديد.

بالتوفيق

السلام عليكم
انا سمعت ان طلاب الماجستير قانون يحق لهم دراسة سنتين لغه ولكن غير اكيد من المعلومه ياليت اللي متاكد يرد علينا ويقولنا كيف الطريقه جزاكم الله خيرر


( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة The-lawyer-

السلام عليكم
انا سمعت ان طلاب الماجستير قانون يحق لهم دراسة سنتين لغه ولكن غير اكيد من المعلومه ياليت اللي متاكد يرد علينا ويقولنا كيف الطريقه جزاكم الله خيرر


( تمت المشاركة باستخدام تطبيق مبتعث )

---

مدة اللغه الرسميه سنه واحده لكل المبتعثين سواء لطلاب البكالريوس او طلاب الدراسات العليا !
ويسمح للطالب بان يمدد ستة اشهر .. وستحسب من بعثته الاساسيه ..

الطالب يمكنه أن يمدد إلى أكثر من سنه وستة أشهر .. بشرط .. أن يكون عذره مقنع .. وان تكون درجات اللغه مرتفعه .. وأن لاتكون مدة التمديد أكثر من سنتين ..!
وستعتبر حاله استثنائيه للطالب .. اقرب مثال لذلك ماذكره الاخوان حروف .. متناثره .. و hamza alsharif ..