استفسار عن افضل ولايه

السلام عليكم
الله يعافيكم ابي افضل ولايه في امريكا تنفع للعوائل وخصوصا من ناحيه الامان
لاني مره متخوفه من كثر ماسمع عنها والمعيشه واذا هي غاليه اولا والجو كيف فيهاز
بليززززز ساعدوني


( تمت المشاركة باستخدام تطبيق مبتعث )

وعليكم السلام
موضوعك مكرر كثير
مواضيع كثيره يستفسرون عن نفس الشيء الامان والعوائل والجو والدراسه والتكاليف

اقترح تبحثين باقسام المنتديات عن الولايات وتشوفين اللي ترتاحين لها اكثر
لان لو اقول لك ان الولايه الفلانيه افضل للعوائل ممكن يجي شخص ثاني ويقول الولايه فيه المشكله الفلانيه

يعني لو اقول لك روحي شرق فيها كل شي
بيجي واحد ويقول معروف عنهم الخطر والجريمه
لو اقول لك غرب مناسبه للعوائل
بيقولك واحد الحشاشين والهوملس كثير
لو اقولك شمال
يقول لك واحد شعب عنصري وبرد
لو اقولك جنوب
يقول لك واحد شعب متغطرس وحر


يعني بالعربي كل شخص له تفضيله بالمكان اللي يرتاح له نفسياً
مثل السعوديه لو اني اول مره اجي لها وابسكن لفترة طويله
واسأل عن الرياض بيقول لي واحد ان معدله السرقات والجريمه فيها كثير وان فيها وفيها
مع ان الواقع غير فيه احياء خطره لكن الاغلبيه امان

حسب الي شفته وعشته انا اقول افضل ولايه للعوايل من كل النواحي امان واسعار وعوايل سعوديه موجوده اشوف ولايه فرجينيا افضل شي محلات عربيه كثير وجامعه تعاملها جميل والحرم الجامعي كبير وزياده على كذا الملحقيه والسفاره عنك ساعه وشوي بالسياره . ثاني ولايه واشنطن سياتل بس مشكلتها لازم تعرفين وين تسكنين وكذا لان فيها خطر وغاليه شوي .
موفقه

اعتقد فيرجينيا واركنساس وماساتشوستس (بوسطن) وفي ميشيغان (اللي انا فيها ) خصوصا منطقة ديربورن .. اللي منظر العباية والحجاب شئ طبيعي وعدد كبير من الطالبات محجبات ومنقبات (الجالية العربية) .. وتسمى عاصمة العرب المسلمين في امريكا