قبول المعهد وجدآآ متأخره وحاسه ان البعثه راح تفوتني

السلام عليكم ورحمه الله وبركاته

اعضاء ومشرفين منتديات مبتعث انا في أمس الحاجه لكم بعد الله

ان الآن بدأت في امور البعثه ادري اني تأخرت ولكن كانت الظروف صعبه

انا الحين قدامي شهرين على شهر رمضان ولازم اسافر قبل رمضان

ناويه اقدم على معهد في ولايه (ألباما) ... لكن للأسف ضعت في الموقع وما عرفت اسجل

قررت اروح مكتب تجسير الفكر .... اذا فيه مكتب افضل منه ياليت تدلوني ؟؟

صديقتي قدمت ع المعهد وتقول جاها القبول في اسبوع انا متأمله خير انه يجيني في اسبوع او اقل من شهر

حابه اسئلكم على اجراءات الفيزا كم تاخذ وقت ؟؟؟

جدآ خايفه ومتوتره خايفه تفوتني البعثه ويلغونها عليا

انا راح اقدم على قبول مشروط في نفس الجامعه اللي تبع المعهد ELI

رأيكم قبول مشروط او غير مشروط افضل؟؟
كمان في شئ بسئلكم عنه ...انا ماراح اقدم عن طريق الضمان المالي طلعت شهاده بنكيه لأن المعهد ما يقبل الضمان وكمان يقولون بالشهاده البنكيه اسرع .. هل الكلام هذا صحيح؟

وش تبين بولاية الاباما !!


اتوقع فيه ولايات افضل من جميع النواحي

لاتروحين الاباما , وش حادك عليها؟؟ عندك خيارات كثيره غيرهاالله يهديك
ولاتخافي وتوتري , رزقك جايك ان شاء الله , القلق مايقدم ولاياخر
شوفي معاهد ELS ولو بعضها سئ على حسب المدينه , ولكن ماعندي معلومات أفيدك عن هالمعهد اللي اسمه ELI

اقتباس:

---

المشاركة الأصلية كتبت بواسطة أبوزينب

لاتروحين الاباما , وش حادك عليها؟؟ عندك خيارات كثيره غيرهاالله يهديك
ولاتخافي وتوتري , رزقك جايك ان شاء الله , القلق مايقدم ولاياخر
شوفي معاهد ELS ولو بعضها سئ على حسب المدينه , ولكن ماعندي معلومات أفيدك عن هالمعهد اللي اسمه ELI

---

وش فيها الباما صديقتي حاليا تدرس في المعهد ومرررره مرتاحه وتمدحه ومعيشه الولايه حلووة في مدينه توسكالوسا


انا اشوف الردود تقول لي الولايه مو حلوة ويسكتون ما يقولون وش فيها وفي اسئله كثيرة في موضوعي محد رد عليها

انتي متاح لك فقط قبول مشروط

لان الغير مشروط معناته معك درجه اللغه وحققتي كل شروط الجامعه وراح تبدين دراسة الاكاديمي مباشره


وان شاء الله الفيزا لو جهزتي اوراقك ما تاخذ اسبوعين

قبولات المعاهد اسهل شي ماتخذ اسبوعين مراسله وإرسال الاوراق لذا لا داعي للقلق
اغسطس باقيله ثلاث شهور يعندي عندك وقت طويل وهو في العاده بداية فصل الخريف للجامعات والمعاهد رتبي امورك على ذا الشي
ايضا من مشاهدتي لبعض المتبعثين من مراحل سابقه حتى يومهم هذا مازالوا يصدرون أوامر ابتعاث وماشيه امورهم
اخيرا الولايه والمكان هذا خيارك الخاص ورغبتك
الناس ردودها فوق لمعرفتهم السابقه بان ولاية الاباما تعتبر عاديه لكن توجد بها جامعه كبيره
ومعروفة
Auburn University

بالتوفيق



( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة soma89s

وش فيها الباما صديقتي حاليا تدرس في المعهد ومرررره مرتاحه وتمدحه ومعيشه الولايه حلووة في مدينه توسكالوسا


انا اشوف الردود تقول لي الولايه مو حلوة ويسكتون ما يقولون وش فيها وفي اسئله كثيرة في موضوعي محد رد عليها

---

مجرد رأي اختي , وكلن ينام على الجنب اللي يريحه,,

أختي روحي المكان الي يعجبك لاتسألي امريكا كلها زي بعض اهم شي تبعدي عن اماكن المشبوهه .. الاباما مااعرفها لكن مو مهم الأهم انتي جايه دراسه


( تمت المشاركة باستخدام تطبيق مبتعث )

الله يسعدكم

طيب في خانه عن الكفيل في الابلكيش احترت فيها ياليت تقولون لي وش هي وكيف اعبيها ؟؟؟

أختي الكريمة أسأل الله لك التوفيق، هل مشت امورك مع قبول المعهد ولا باقي تحتاجي مساعدة؟

عبدالله باكير

الله يسهل امورك
ومن جد ردود الفعل جدا تختلف عن الاباما بشكل عام
عموما انتي بتقعدين فيها سنة اللغة و بعدها الجامعة بتكون صار عندك تقريبا خبرة عن امريكا
و بتبحثين عن جامعة في ولايات معروفة اكثر
بس الاباما فيها اماكن حلوه مو مثل ماقالوا, احس بعض الناس يدورون مدن فيها ترفية اكثر فتشوفين ردهم لك على طول مملة و ........ألخ
ومثل ماقلت في البداية وجهات النظر تختلف
انا زيك ناس خوفوني و ناس طمنوني لاني مثلك في الاباما تحديدا ( برمنجهام ) طالعة بعد العيد
و مثل ماقالوا الاخوان و الاخوات فوق قبول المعهد ماياخذ اكثر من اسبوعين
بس المشروط يطوووول انا قعدت شهرين ماجاني قبول في تخصصي
و ردت على جامعة الاباما قبول معهد بس و معاهد كثيرة ردت بس مع الاسف كانت متكدسة
و ان شاء الله الاباما فيها الخير لي يارب و تكون ممتازة

بامكانك تتواصلي مع معهد ELS ويجيب لك قبولك والاي توني حقك خلال اسبوعين مقابل 100 ريال فقط .. انا كذا سويت وماراسلت معهد ولا شي .. رحت لهم بالرياض حي الرحمانيه وقلت لهم انا ابغئ مدينة كولومبوس بشرط ماعليها تكدس وابي تبدء دراستي بالشهر الفلاني . . وبس ..! والان انا ادرس ولله الحمد

اختصار للوقت والجهد ادخلي علئ موقعهم بالنت ..
علما ان معهد ELS له فرع بالرياض وفرع بجده

( تمت المشاركة باستخدام تطبيق مبتعث )

ابشركم انقبلت وانا اللي قدمت بنفسي صحيح تعبت بس الحمدلله اخذت القبول وسفرتي 20 اغسطس الله يعدي باقي الامور على خير يارب

البنات اللي في نفس ولايتي اذا في مجال نتعرف راسلوني برايفت

يعطيكم العافيه جميعآ

اقتباس:

---

المشاركة الأصلية كتبت بواسطة soma89s

ابشركم انقبلت وانا اللي قدمت بنفسي صحيح تعبت بس الحمدلله اخذت القبول وسفرتي 20 اغسطس الله يعدي باقي الامور على خير يارب

البنات اللي في نفس ولايتي اذا في مجال نتعرف راسلوني برايفت

يعطيكم العافيه جميعآ

---

الف مبروك اختي،، الله يسهل امرك ويكتبلك بدايات موفقة

اللهم امييين يارب