عرض للطباعة
السلام عليكم ..
سعيده بانضمامي للمنتدى ..
حبايبي والله متوتره كثير أول ترم لي بالجامعه والميدتيرم كلها درجات نازله والسبب تأخري في الواجبات وكان عندي ظروف بالسعوديه وأثرت على كثير .. سوال ايش راح تسوى الملحقيه اذا رسبت جميع المواد اول ترم لي بالجامعه بكالوريس ..
ارجوووووكم أفيدوني نفسيتى مره سيىه
حضوري كله اووووووًووك
الملحقية راح تعطيك إنذار وأيضا الجامعة راح تعطيك إنذار لسبب نزول المعدل .. إذا بالسمستر الجاي راح ترفعين معدلك راح تروح عنك الإنذارات.
أعرف ناس كثير نزلت معدلاتهم وأخذوا إنذارات سواء من الملحقية أو الجامعة وبعدها شدوا حيلهم ورفعوا معدلاتهم وراحت الإنذارات .
أتمنى لك التوفيق يارب .. توكلي على الله وشدي حيلك وإن شاء الله تقدري ترفعي معدلك .. أنتي لسى في أول سنة يعني تقدري ترفعي المعدل بسهولة .
الله يفتحها بوجهك .. هل فيه ايقاف صرف او لااقتباس:
المشاركة الأصلية كتبت بواسطة النازف
اذا عندك مقنع انصحك تسوين ويذدرول للسمستر كامل
بالطريقة هذي راح تضيعين نفسك لو رسبتي في كل المواد
فيه احتمال كبير تدفعين رسوم السمستر كامل في حال الملحقية ماقبلت عذرك
اذا عندك قدرة مادية انك تدفعين رسوم السمستر انصحك تسوين انسحاب من السمستر كامل
وترجعين السمستر الجاي ان شاء الله وسجلك نظيف ومعدل جديد وتشدين حيلك
بالتوفيق
انا ناويه اخلص هالسنه وبحول ع جامعه ثانيه ..اقتباس:
المشاركة الأصلية كتبت بواسطة كنت أحبك
انا منزله اربع مواد ٣ متاكده راسبه فيها .. وحده بنجح فيها ..
كيف ادفع الرسوم اول مره أسمعها في الرسوب ادفع الرسوم اللي اعرفه اذا حذفت ماده بعد الديدلاين ادفعها بس رسوب مادري بليز اخوي متأكد
بليز اللي مر بالتجربة يخبرني
شوفي أنا أقولك هذا الكلام بناء على تجارب ناس أعرفهم شخصياً
بحكم عندك ظروف بالسعودية وأثرت على دراستك تقدمي بطلب مقابلة لـ Dean of Students وأشرحي له/ لها ظروفك كاملة مع الأثباتات أذت وجد ، وصدقيني ممكن يساعدك!
سبحان الله وبحمده سبحان الله العظيم
من ناحيه الجامعه مافيه اي مشكله اتكلمت معاهم وقالوا لي عادي بما انك انترناشونال وأول سمستر مافيه مشكله .. انا سؤالي من ناحيه الملحقيه هل توقف الصرف او شي الخوف كله منهماقتباس:
المشاركة الأصلية كتبت بواسطة Bandar_VIP
انصحك انك ما تكملي بالجامعه على الأطلاق اذا قررتي تكملي السمستر حولي على جامعه ثانيه
او اسحبي السمستر بالكامل و ابدأي من جديد
شلون اسحب السمستر .. كذا الملحقيه راح تخلينه ادفع الرسوماقتباس:
المشاركة الأصلية كتبت بواسطة نـادر
اذا رسبتي ماراح يدفعونك المبلغاقتباس:
المشاركة الأصلية كتبت بواسطة مبتعثه امريكااااا
لكن اذا سويتي انسحاب من السمستر في الحالة هذي تدفعين الرسوم
لكن لو عندك عذر مقنع للملحقية ممكن يسمحوا لك .. وانا انصحك تسوين انسحاب من السمستر افضل من ترسبين في 3 مواد
لأن معدلك بينزل مرة وفي الحالة هذي بيجيك انذار وممكن السمستر الجاي مايدفعون لك الرسوم اذا معدلك اقل من 2
وش معنى ويذدرول؟؟
اقتباس:
المشاركة الأصلية كتبت بواسطة OM-Ghalya
withdrawal
يعني انسحاب
تنسحب من السمستر الحالي ومايحسب عليها رسوب
تنزل لها درجةW ماتأثر في المعدل ابداً
ممكن افاده ياخوان للي مر بالتجربة .. انا قريت بموقع الملحقيه والوزارة بأنهم ما يحاسبوا ع اول رسوب
الانسحاب خيار خاطئ كونك طالبة دولية, لا يحق لك الانسحاب من مادة او مادتين والحصول على اقل من 12 وحده للفصل الواحد الا بموافقة مكتب الطلاب الدوليين في الجامعة.اقتباس:
المشاركة الأصلية كتبت بواسطة مبتعثه امريكااااا
بالنسبة للرسوب في جميع المواد. سيتم اعطائك انذار من قبل الملحقية فقط.
ملاحظه: مجموع الانذارات لدى المبتعث في الملحقية 3 انذارات. بعد الانذار الثالث يتم ايقاف الصرف لغاية رفع المعدل
اتواصلت مع المشرفه بالملحقيه وقالت لي اطلبي من الجامعه تعمل لك المواد انكمبليت ويصير تحضرين فقط وتعيدها السمستر الجاي او اذا رسبت تاخذ إنذار ..اقتباس:
المشاركة الأصلية كتبت بواسطة bmw_502
سؤالي اذا اخذت إنذار والسمستر القادم رفعت معدلي فوق ٢ هل يسقط الإنذار او يبقى ..
انذار الملحقية مايسقط يظل محفوظ في سجل الانذاراتاقتباس:
المشاركة الأصلية كتبت بواسطة مبتعثه امريكااااا
لا لا انا اقصد كملي السمستر وزي ما يطلع معك الله يعينك لكن خلال هذي الفتره ابحثي عن قبول في جامعه ثانيه بحيث ما يخلص السمستر الا و القبول في يدك لفصل الخريف القادماقتباس:
المشاركة الأصلية كتبت بواسطة مبتعثه امريكااااا
بحيث اول ما تحصلين القبول تبدأين اجراءات التحويل على الجامعه الجديده
اذا الله وفقك وحولتي و الملحقيه ما عقدوكي كثير في موضوع التحويل و اسبابه تقدرين تقولين للجامه الجديده انا ابغى احول المواد الي انا جبت فيها درجات متميزه و تجاوز البقيه
بالشكل هذا يكون عندك فرصه تبدأين من جديد بمعدل جديد.
طبعاً انا مريت بنفس تجربتك بالضبط لذلك انا انقل لك نفس الشي الي انا عملته.
اتواصلت مع المشرفه وقالت لي التحويل له شروط وأهمها ان الجامعه الجديده اللي بتحولين لها تقبل معادله المواد اللي درستيهل بالجامعه الحالية ((( ماتدري اني راسبه فيها كلها ))) عشان ماتزيذ مده البعثه والله مادري ايش الحلاقتباس:
المشاركة الأصلية كتبت بواسطة نـادر
المشكله الان مكتب الامقريشن اتواصل معاي قبل يومين وأعطاني موعد للأسبوع القادم وطلبوا منى أجيب الايتوني السابق تبع المعهد وطلبوا نسخه من الضمان المالي مادري ايش ناوين عليه
ما عليكي بهذرت المشرفين اغلبهم سواقين تكاسي و لا في قلوبهم رحمه انتي صلحي الي تشوفينه مناسب لمصلحتكي وزيادة ترم ما راح تقدم و لا تأخر بالبعثه شي بالنسبه لهماقتباس:
المشاركة الأصلية كتبت بواسطة مبتعثه امريكااااا
انتي جيبي القبول و ارفعي تغيير الجامعه واذا رفضت عشان الكلام حق معادلة المواد هذا موضوعه بسيط ماهو مشكله ممكن تكتبين خطاب تكتبين فيه المبررات و الدوافع للتحويل
لأن بدايتك ما كانت جيده و انتي تبحثين عن فرصه مناسبه للبدأ من جديد في جامعه جديده - فا اتوقع ما راح يكون فيه مشكله
المهم انتي الآن اشتغلي على كذا كبول لان الوضع ما راح يكون بالسرعه هذي عشان تحصلين على القبول لازم تستعجلين
يعني ابدأي من الآن ابحثي عن قبولات حاولي تجيبين اكثر من قبول عشان توسعين خياراتك احتمال الملحقيه ترفض بعض القبولات عشان يعقدون التحويل عشان كذا لازم تجيبين كم قبلو 2 او 3
عادي ما عندك مشكله مع الأمقريشن روحي على الموعد وخذي الطلبات الي يبغونها احيان احس ما عندهم سالفه فاضين و يطقطقون على الطلاب
فيه مكتب قبولات ممكن يساعدك في احظار قبول انا تعاملت مع شخص محدد في المكتب وساعدني كثير اذا تبغي بياناته ممكن ارسلها لك على الخاص لكن هذي ليست تزكيه للمكتب بالكامل وانما لشخص معين في المكتب انا تعاملت معه و جداً افادني كثير.
الله يفرج همك ياشيخ ..اقتباس:
المشاركة الأصلية كتبت بواسطة نـادر
بالنسبه للقبول قدمت ع جامعه ع السبرنق الجاي .. هل التحويل يتأخر من الملحقيه اذا كملت اوراق التحويل
اذا انتي مبتعثه من التعليم العالي فمرجعك الرئيسي المحلقيه يعني ممكن يتخذون قرار التحويل بأسبوع او اقلاقتباس:
المشاركة الأصلية كتبت بواسطة مبتعثه امريكااااا
اذا انتي مبتعثه من مقر عملك فالملحقيه راح تقولك مالنا دخل في الموافقه على تحويلك على الجامع التاليه احنا فقط نرفع طلبك الى مرجعك في السعوديه وخلال هذا الوقت لحد ما يرجع يرد عليهم مقر عملك راح يعطونك ضمان مالي لسمستر واحد لحد ما تجي الموافقه من عملك
نصيحه شخصيه اذا حصلتي قبول اتوكلي على الله وروحي الملحقيه و اكتبي لك خطاب فيه مبررات منطقيه لسبب التحويل وبأذن الله ماراح تطلعين من الملحقيه غير انتي محوله الى الجامعه الجديده.
ولا تنسين لازم تقدمين على اكثر من جامعه "واحده ما تكفي"