مساعدة امامي ساعات قليلة حتى اقرر واحتاج نصائحكم .. هل اقطع بعثتي ام لا ؟

وعليكم السلام

الصراحه انا مو قد اني اقولك سوي كذا أو لا تسوي .. بس الموضوع شدني جدا وحابه أعطي رأيي

أول شي لازم تعرف السبب يعني مثلا صار لك موقف هناك خلاك تخاف شوي من الغربه أو أن مثلا الوحده هي السبب إذا ماكان عندك شخص تجلس وياه وتفضفض أو أنك ماكنت مستعد إلى هالغربه وصار كل شي فجأه .

أظن مثل ما قال الدكتور هالشي نفسي وواضح جدا ف انقول الحمد لله ممكن نلقى السبب ونعالج الموضوع .

بخصوص انك ترجع أمريكا أو لا هذي ما قدر افيدك فيها بس اقدر اقولك ك نصيحه إذا أنت تقدر تكمل هنا بالسعوديه بالتخصص الا انت تبغاه بيكون أسهل عليك من ناحية النفسيه ، أما إذا التخصص حابه وتبغى تكمل في أمريكا وماعندك الفرصه انك تدرسه هنا ف فكر عدل في هالشي قبل اتخاذ القرار لأن هالشي فرصه لا تعوض الا اذا كان فيه خيار أفضل

أتمنى لك كل التوفيق مره حسيت فيك وأن شاء الله يارب تلقى أفضل حل وتحقق حلمك . والله يعطيك الصحه والعافيه يارب

الله يعطيك الف عافية .. إيه نعم تخصصي موجود في السعودية وبالنسبة للتعب النفسي هو بسبب اني اشيل هم كثير لسنين وبدأت تظهر نتيجة تراكم سنين فجأة
وشكلي فعلاُ بجلس في السعودية مثل مانصحتني امي

السلام عليكم ورحمة الله وبركاته

نصحيتي لك . حافظ على أذكارك وﻻ تبعد عن الله . واذكره كثيرا.


من ناحية الحالة النفسية ﻻ تكثر من المهدئات فهي قد تكون مضرة ﻻحقا. ﻻ تستخدم شيئ اﻻ بوصفة الطبيب.

اقرأ القرآن فهو أفضل علاج وشفاء وقبل البعثة اذا قررت العودة خذ معك المصحف لتقرأه وقت فراغك فهذا شيئ أساسي.


أنا معك من ناحية الحالة النفسية يمر فيها أي شخص .

استخر يا أخي وبعدها قرر وإذا قررت البقاء فلعل ذلك خيرة لك وربي كاتب لك هذا الشيء . ﻻ تتردد وﻻ تجعل كلام الناس يقودك بل اجعله استشارة وأنت من تقرر ﻻ غيرك.

أحبتت نصحك ومشاركتك الهم والموقف.

من ناحية إذا قررت البقاء . فاكمل هنا في نفس التخصص إذا كان متاحاً.

من ناحية إذا قررت العودة فشيء جيد ربما تكون الوحدة هي السبب حاول تتعرف على أشخاص جيدين واطلع وقت فراغك شارك في أعمال تطوعية ﻻ تجعل الفراغ يدخل عليك في وقتك.


وفي النهاية يا غالي القرار لك.

- - - مشاركة محدثة - - -

ليه الهم أخي الكريم. الدنيا فانية وكلنا بنتركها. ﻻبد أن تتجاوز العقبات.

بالتوفيق.

انا مثلك اشيل هم واجيني ضعوط نفسيةكثير بس انا لسه مارحت امريكا ونفس الوقت اتمنى اني اكمل دراستي واروح البعثة رغم اني عارفة اني راح اتعب مرة مرة هناك .. بس حاول تدخل في نفسك انك اكبر من هذا الشي وانك راح تقدر تحقق حلمك وترجع احسن مما كنت
هذي الضغوط النفسية لازم انت تعالج نفسك وما تعتمد على المهدئات واقرا كثير عن الاكتئاب وعن الامراض النفسية ذي وبتشوف انك انت احسن بكثير من انك تترك نفسك وتوصل لمراحل اصعب ويمكن لو جلست بعدين بجيك شعور انك تندم ليش مارحت وتتعب
انا من رأيي انك تكمل حياتك زي ما هي بس حاول قد ماتقدر انك تعالج نفسك بنفس مو بالادوية

^^^

البعثة موسم مؤقت وفرصة ممكن تطير!
والجامعات السعوديه بتضل ثابته وما بتطير!!
أعقلها وتوكل وطير برحلتك وربك يكتب ما فيه خير.

عليكم السلام ورحمة الله
اخ عبدالعزيز الف سلامه ان شاءالله امرك بسيط ان شاءالله ممكن للاهميه اقدر اتواصل معاك



**

هذا رقمي ارجو التواصل معي للاهمية قبل تتخذ اي قرار
**(615) 603-4713‬‬

انا مثلك مريت بحالة نفسيه وفجأه بدون سابق انذار احس بضيقه شديده وابكي بشكل جنوني واشتر كتبي واوراقي وكنت وقتها أفكر ألغي البعثة وارجع بس أهلي كانوا يمنعوني، وأنا كنت وقتها اقول لهم انتم ماتفهموا وضعي ماتفهموا كيف حالتي. وحصلت لي تقريباً 3 مرات لدرجه ان في مره في وسط اسبوع الدراسه رجعت البلد بس ليومين ونص.ودرجاتي بدت تهبط. لكن الحمدلله صاحباتي في الغربه واهلي وقفوا معاي وانهيت دراستي بمرتبة شرف ورجعت البلد ورفعت راس أهلي. والحين رجعت قدمت من جديد عشان أدرس ماستر وفي احتمال كبير أمر بنفس التجربة لكن ماراح اخليها توقف عائق لي لأن فرحة التخرج تخليك تنسى التعب الجسدي والمعنوي والنفسي وكل شي. نصيحه لاتلغي البعثه انا الحين أحمد ربي ليل نهار اني مالغيتها لاني كنت فعلاً بندم

^^^

بشرنا أخينا الكريم ما هي آخر المستجدات!
هل سافرت أو عملت بنصيحة الأم والجدات!! هههههه