استفسارات مهمه جدا للاخوان المبتعثين التابعين للمؤسسة
السلام عليكم ورحمة الله وبركاته
أنا خريج كلية تقنية وانهيت برنامج اللغه المكثفه
وبأقدم باذن الله على برنامج الابتعااث
عندي كم سؤال محيرتني
أنا تخصصي شبكات
أنا أفكر أجيب قبول من جامعة استرالية بس اخاف اتكل عليه وبعدين ما يعجبهم يرفضونه
وبرضو اخاف اترك الاختيار لادارة البرنامج فيودوني أمريكا وانا أمريكا هذي ما ادانيها ولا ابي ارووح لها
ما ابي الا استراليا او بأضعف الايمان بريطانيا
وفيه واحد قالي ان اخوه حدد الرغبة الاولى استراليا وحدد باقي الرغبات وحط الأخيره أمريكا وابتعثووه على امريكا
وش رايكم أجيب لهم قبول ؟؟ ولا اختار استراليا واخليها عليهم
وحبيت أستفسر من المبتعثين أنفسهم
كيف وضعكم برا
من ناحية الفلوس هل هي كافية - والعلاج متوفر لكم ؟؟؟
كثير ما نسمع ان المكآفأه ما تكفي وشكاوي من الملحقيات وبرضو عن عداوة الناس في الخارج للسعوديين
وش وضعكم ؟؟؟؟
رد: استفسارات مهمه جدا للاخوان المبتعثين التابعين للمؤسسة
برضو عندي استفسار عن المقابلات الشخصيه
كيف نظامهم وهل يسألوني في التخصص ولا في اللغه ولا كيف وضعهم
ووش تنصحوني علشان اجتاز المقابلة
رد: استفسارات مهمه جدا للاخوان المبتعثين التابعين للمؤسسة
اتمنى من الاخوان المبتعثين يفيدوك باستفساراتك لانه كثييير مهمة
مودتي,,,,
رد: استفسارات مهمه جدا للاخوان المبتعثين التابعين للمؤسسة
اي والله أتمنى
بانتظار الاخوان المبتعثين
رد: استفسارات مهمه جدا للاخوان المبتعثين التابعين للمؤسسة
شوف اذا تقدر تجيب لنفسك قبول بسهوله فا انصحك نجيب لنفسك لانو تقدر تختار الدولة اللي تبيها
والمدينه اللي تبي بس بشرط اللغة تكون سنة والتخصص سنتين اذا تقدر بس توكل على الله وانت جيب لنفسك
واذا ماتقدر خل المؤسسه تجيب لك والله يعينك لانهم راح يختارون على كيفهم ..
رد: استفسارات مهمه جدا للاخوان المبتعثين التابعين للمؤسسة
معليش بس انت واثق انه راح يتم قبولك في الابتعاث لأني سمعت انه ياخذون النسب الاعلى وتكون فيه مفاضلة بين الطلاب
رد: استفسارات مهمه جدا للاخوان المبتعثين التابعين للمؤسسة
اقتباس:
شوف اذا تقدر تجيب لنفسك قبول بسهوله فا انصحك نجيب لنفسك لانو تقدر تختار الدولة اللي تبيها
والمدينه اللي تبي بس بشرط اللغة تكون سنة والتخصص سنتين اذا تقدر بس توكل على الله وانت جيب لنفسك
واذا ماتقدر خل المؤسسه تجيب لك والله يعينك لانهم راح يختارون على كيفهم ..
ما بجيب بسهولة
أنا شفت مكاتب لتوفير القبولات الجامعية وقلت بأروح لهم آخذ من عندهم
لكن قلت اذا الدولة بتحطني بالدولة اللي اختار اوكيه لكن اذا بيرموني في جنوب افريقيا ولا امريكا ادفع فلوس واجيب قبول ابرك لي
اقتباس:
معليش بس انت واثق انه راح يتم قبولك في الابتعاث لأني سمعت انه ياخذون النسب الاعلى وتكون فيه مفاضلة بين الطلاب
ما أقلك اني واثق 100%
لكن الحمد لله أخذت المركز الأول على الكلية بتخصصي وبرضو اجتزت برنامج اللغه بأعلى مستوى
وأقول ان شاء الله يتم قبولي لاني ابي ادرس ما ابي اطلع لشي ثاني
ولكن انا متخوف من المصاريف
لاني ما رحت كلية اعداد المدربين بالرياض بسبب المكآفأه ما تأكل عيش
ودي المبتعثين يردون على استفساري بخصوص المكآفأه
وشكرا لكم على تواجدكم
رد: استفسارات مهمه جدا للاخوان المبتعثين التابعين للمؤسسة
السلام عليكم
الله يوفقنا واياك لما يحبه ويرضاه .
حبيبي بالنسبة لقبولك من عدمه. باذن الواحد الاحد ربي بيقدملك الخير.
والاستفسار الخاص بالمكفأه. انا احد مبتعثي الموسسة ببريطانيا.والحمد لله الراتب يكفي ويزيد ولله الحمد.
لاكن المكفأه تعتمد على صرفيتك. وعلى سكنك
واي سوال او استفسار حاظرين ^_^