تنبيهات وخواطر لأخواني (الذين هم على مشارف الابتعاث)

السلام عليكم ورحمة الله

حبيت انوه لكم انكم في فترة جوهرية في حياتكم الكل يتمناها
أرجو منكم جميعا قبل ما تخرجوا لدولكم المختارة
اجتهدوا في حفظ كلمات انجليزية
+++
خلصوا اغراضكم بدري
تأكدوا من سلامة بطاقاتكم الوطنية
تاكدوا من فترة الجواز تكون اكثر من فترة الفيزا
اللي يبي يسوق يحاول ياخذ رخصة او يجدد رخصته
صوروا كل الاوراق المهمة واحتفظوا فيها نسختين للفلاش ونسخة في الايميل
تواصلوا مع المعهد يأمن لكم سكن أو عائلة + سائق او مندوب يستقبلكم بالمطار

ضروووري جدا بخصوص بطاقات صرافاتكم تتأكدون ان لديها مدة كافية ومجددة
بحيث لو صعب ع اهاليكم او اخوانكم التحويل لا يجدون صعوبة في التحويل للصرافة السعودية
ومن ثم سحبها من الدول اللي بتسافروا لها

قاموس اكسفورد مهم جدا , وبعض الكتب الشارحة للقواعد ولأساسيات اللغة
شنطة تحمل ع الظهر + بعضكم سيلتحق ب الابتعاث في فصل شتاء
انتبهوا لذلك جيدا واشتروا الاغراض اللازمة ولا تكثروا ..

المكسرات القهوة التمر الشاي خذوها معكم امن يحتاجها ويراها مهمه

موفقين ان شاء الله , وتصلوا بكل سلام وأمان بحول الله

خواطر احببت ان اكتبها لكم قبل سفركم
اعذروني على القصور .. مجرد بعثرات قلم

أخوكم /

سعود الايرلندي

جزاك الله الف خير على النصائح والله يكون في عونك وترجع لوطنك متخرج سالم غانم مرفوع الراس "على قولتك فترة جوهرية فرصة ما تتعوض شد حيلك"

السلام عليكم ورحمة الله وبركاته
تحية طيب وبعد,,,
بخصوص اللي ذكره اخونا سعود الايرلندي امور مهمة جدا جدا وانشالله راح نستفيد منها وجزاه الله كل خير, والله يجعلها في موازين حسناااته
بس حبيت اسالك اخوي سعود بما انك ذكرت الاوراق المهمة الاحتفاظ بها بالفلاش وونسخه للايميل تقصد مثل ايش الاوراق المهمة؟ ياليت توضح لنا . وبخصوص التاكد من سلامة البطاقة الوطنية يعني ناخذها معنا زي بطاقة الاحوال وش الفايدة منها ؟
وايضا ذكرت الصرافات تقصد الصرافات السعودية؟ يعني هل بامكاني اخذها معاي للدولة اللي بروح لها, مثلا اخوي يبي يحولي فلوس من السعودية وانا مثلا في امريكا اوبريطانيا اوكندا يقدر يحولها لي بموجب البطاقة السعودية وانا ايضا معي بطاقة سعودية فالخارج صحيح كذا ياليت توضح لنا
واسفين على الاطالة ,,,:)

شكرا لك آخ سعود علي الكلام الجوهري ، تاكد سناخذه بعين الاعتبار

الف شكر لك اخوي سعود على النصائح ..

ولاتحرمنا من نصايحك ..فحنا بحاجة لها

اسئل الله لك التوفيق والنجاح

جزاك الله خير



#

اولا احب ان اشكر الاخ سعود الايرلندي على توصياته ونصائحه الي ذكرهاً سابقاً
بخصوص الاسألة الي تمت فوق رَدي :
1- نعم الصرافات السعودية تشتغل في الخارجَ : ولاكن يأخذون على السحبية الواحده تقريباً 100 ريال سعودي على ما اعتقد يعني لو تسحب 50 ريال مثلا ياخذون 100 ريال َ على ما اعتقد لست بمتأكد
2- بخصوص الاوراق المهمه : يقصد نسخه لـ ورقة الأدلة الجنائية + ترجمتها - وورقة شهادة الثانوية وترجمتها واراقك الثبوتيه الي هي الاحوال وصورة للجواز وصورة الالتحاق للابتعاث اذا تم اخذه من قبل المؤسسة . لاقدر الله للاحتياط والاحترازَ . تاخذ نسخه من كل شيء بـ الجهاز الناسخ [ الاسكنر ] وتضع نسخه على ايميلك ونسخه على فلاش ميموري خارجي او هاردسكَ .
3-اخذ احتياطات معك ملابس داخلية / حقيبة ظهر / محفظة جلدية جديده لكي لاتضيع اوراقك الرسمية / شرابات واحذية رياضية / ملابس
4- المؤن الي راح تحتاجها [ قهوه = بن / شاهي ليببتون / مفواح للـ القهوه / تَمر اذا أردت لانك راح تواجه شهر رمضان خارج المملكة / نسكافيه ] لان هالاشياء غاليه وبعضها لايتوفر بـ الخارجَ
5- لاتنسى الدعاء بالتوفيق والسداد وبأن يعينك الله على اتمام [ فرصتك ].
6- لاتنسى اهلك بأنهم يتمنون عودتك سالماً غانماً رافعاً رأسهم بـ شهادة ووظيفة .
7- لاتنسى بأن الله يراقبك ويراك فما تفعله بـ السر مكشوف وبآئن وظاهر لدى الله عز وجَل .

لاتنسوني من صالح دعائكم

كفيت ووفيت والله يعطيك العافيه

كان عندي خطأ بخصوص حقيبة تحمل على الكتف , والاصح حقيبة تحمل على الظهر
الاوراق الرسمية اللي تصطحبها معك ويكون لها نسخة في الفلاش

هي اوراق قبولك في المعهد طبعا الاصلية تكون معك في حقيبة الظهر بالطيارة مطلوبة منك احيانا في المطار انا شخصيا طلبوها مني
بخصوص الصرافات نعم يقدروا يحولوا
بس اذا اصرف مبلغ جامد يعني عندنا في بريطانيا اكثر حد 560 باوند اللي تقريبا 3500 ريال
فانت لو صرفت 3500 ريال واخذوا منها 35 ريال حلو يعني ضروري ياخذوا عمولتهم
طبعا ما اتعتقد اكثر من 35 او 45 ريال ياخذون ع العملية

الهوية الوطنية قد تحتاجها بالسفارة , كذا والا كذا هذا اثباتك من تخرج وترجع

وبالتوفيق للجميع

ولا تنسون الوزن

وزن العفش مهم جدا جدا جدا
حاول تااكد من الوزن المتاح عن طريق تذكرتك

واذا خلصت عفشك اطلع اقرب مطار واوزن العفش

لان التوقع والتخمين ما ينفع ابد

اذا زاد كيلو او كيلوين او حتى ٣ مو مشكلة

ودعواتكم لي ولاخواني المبتعثون ^^