الأعضاء الإشتراك و التسجيل

الملتقيات
ADs

لمن ينتظر فتح التقديم على الابتعاث !!

لمن ينتظر فتح التقديم على الابتعاث !!


NOTICE

تنبيه: هذا الموضوع قديم. تم طرحه قبل 2793 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة sami alahmdi
    أولا مبروك ياخوي والله يوفقك وين مارحت ان شاء الله ويكتب لك الاجر في افادتك وتوضيحك بعض النقاط لنا .

    طيب ياخوي اذا تم القبول ان شاء الله , وكان مستواي في اللغة مو ذاك الزود بعد الدورة المكثفة هل ادرس لغة هناك او لا ؟

    ولو تكلمنا ب التفصيل عن المقابلة الشخصية لاني من كلامك فهمت انها اهم شي وانا المعدل والاحتياج الحمد لله مناسبين

    وهل الدول انت تختارها ام هم يختارون لك ولو تعرف تخصص الشبكات فين يحطونه ؟ او الحاسب غالبا فين ؟

    واخيرا سامحني بكثرة الاسئلة والله من زمان ادور واحد يكون مجرب تعرف المؤسسة مهي واضحه شروطها وقبولتها ,,,

    اولاً الله يبارك بحياتك وعقبالك ان شاء الله وجميع من يتمنون البعثه .

    بالنسبه للغة راح تدرس سنه في بلد الابتعاث قبل تدخل الجامعه .
    اما بالنسبة للمقابلة الشخصية اللي شفته في مقابلتي انها سهله بس فيه بعض الامور الروتينية اللي اعتقد انها مهمه مثل الاهتمام باللبس والشكل وحاول انك تكون واثق من نفسك ، يعني حاجات بديهيه ما تحتاج تفصيل ، طبعاً المقابلة ما راح تاخذ اكثر من ثلث ساعه لانها عبارة عن تعريف بشخصيتك وبعض الاسئلة بالتخصص ، انا سالوني ثلاث اسئلة بالبدايه ع ورقه
    السؤال الاول حل المعادلة التاليه :٢س +١٠ = صفر احسب قيمة س
    السؤال الثاني ضع العلامة المناسبة كيلو حديد ( ) كيلو قطن
    السؤال الثالث ناتج العملية جذر ١٠ تقسيم جذر ١٠ =

    بعدها قعد يسولف معي سوالف عاديه قال انت من الرياض قلت لا قال طيب اوصف لي شلون جيت وعدد المدن اللي مريت بها وكم كيلو مشيت ومن هالكلام
    بعدها قال تكلم لي عن نفسك بالانجلش ،، تكلمت لين قال وقف

    بعدها جاني الرجال الثاني اللي يسالني بالتخصص سالني وش درست علمته بعض المواد اللي درستها
    ملاحظه ( هو يسالك بالاشياء اللي تقوله انك درستها يعني لا تتفلسف عليه وجاوبه بالاشياء اللي تعرفها بس) المهم بعدها قال خلص جاني الاول وختم ع الفحص الطبي وقال مبروك ،، اتمنى اني افدتك


    بالنسبة للدول هذي بس رغباتك وكلها كلام فاضي يعني ممكن يعطونك دولة انت اخترتها بس عن طريق الصدفه ، يعني مو عشان انت قلت ابغى هالدولة ،،، طبعاً هم يعطونك كذا دوله وانت ترتبها ع حسب الافضلية عندك انا كنت كاتب استراليا اول شي بعدها نيوزلندا بعدها كندا بعدها ايرلندا ،،
    المهم حطوني ببريطانيا يعني مالها اهمية الرغبات .

    اما بالنسبة للتخصص نفس الشي بعد ما اقدر احدد لك لكن دفعتي اللي هي الدفعه اللي راحت ،، كل تخصصات الحاسب ابتعثوهم بريطانيا ، لكن في حال اعطوك دولة انت ماتبيها تقدر تغيرها لكن بشرط انت تجيب القبول لنفسك مو من المؤسسة اقصد قبول الجامعه والمعهد ولها شروط ثانيه تفاصيلها طويله شوي راح اشرحها بموضوع ثاني ان شاء الله .


    اتمنى اني افدتك باللي تبيه واي اسئلة ثانيه انا بالخدمه و حالياً انا فاضي ما عندي شي خلصت كل اموري الحمدلله بس باقي قرار الابتعاث والتذكره
    يعني بخدمتكم في اي وقت ، وربي يوفقك جميعاً وان شاء الله انكم من مبتعثي الدفعه الجاية .


    ( تمت المشاركة باستخدام تطبيق مبتعث )
    7 "
  2. المشاركة الأصلية كتبت بواسطة Sulaiman14
    اولاً الله يبارك بحياتك وعقبالك ان شاء الله وجميع من يتمنون البعثه .

    بالنسبه للغة راح تدرس سنه في بلد الابتعاث قبل تدخل الجامعه .
    اما بالنسبة للمقابلة الشخصية اللي شفته في مقابلتي انها سهله بس فيه بعض الامور الروتينية اللي اعتقد انها مهمه مثل الاهتمام باللبس والشكل وحاول انك تكون واثق من نفسك ، يعني حاجات بديهيه ما تحتاج تفصيل ، طبعاً المقابلة ما راح تاخذ اكثر من ثلث ساعه لانها عبارة عن تعريف بشخصيتك وبعض الاسئلة بالتخصص ، انا سالوني ثلاث اسئلة بالبدايه ع ورقه
    السؤال الاول حل المعادلة التاليه :٢س +١٠ = صفر احسب قيمة س
    السؤال الثاني ضع العلامة المناسبة كيلو حديد ( ) كيلو قطن
    السؤال الثالث ناتج العملية جذر ١٠ تقسيم جذر ١٠ =

    بعدها قعد يسولف معي سوالف عاديه قال انت من الرياض قلت لا قال طيب اوصف لي شلون جيت وعدد المدن اللي مريت بها وكم كيلو مشيت ومن هالكلام
    بعدها قال تكلم لي عن نفسك بالانجلش ،، تكلمت لين قال وقف

    بعدها جاني الرجال الثاني اللي يسالني بالتخصص سالني وش درست علمته بعض المواد اللي درستها
    ملاحظه ( هو يسالك بالاشياء اللي تقوله انك درستها يعني لا تتفلسف عليه وجاوبه بالاشياء اللي تعرفها بس) المهم بعدها قال خلص جاني الاول وختم ع الفحص الطبي وقال مبروك ،، اتمنى اني افدتك


    بالنسبة للدول هذي بس رغباتك وكلها كلام فاضي يعني ممكن يعطونك دولة انت اخترتها بس عن طريق الصدفه ، يعني مو عشان انت قلت ابغى هالدولة ،،، طبعاً هم يعطونك كذا دوله وانت ترتبها ع حسب الافضلية عندك انا كنت كاتب استراليا اول شي بعدها نيوزلندا بعدها كندا بعدها ايرلندا ،،
    المهم حطوني ببريطانيا يعني مالها اهمية الرغبات .

    اما بالنسبة للتخصص نفس الشي بعد ما اقدر احدد لك لكن دفعتي اللي هي الدفعه اللي راحت ،، كل تخصصات الحاسب ابتعثوهم بريطانيا ، لكن في حال اعطوك دولة انت ماتبيها تقدر تغيرها لكن بشرط انت تجيب القبول لنفسك مو من المؤسسة اقصد قبول الجامعه والمعهد ولها شروط ثانيه تفاصيلها طويله شوي راح اشرحها بموضوع ثاني ان شاء الله .


    اتمنى اني افدتك باللي تبيه واي اسئلة ثانيه انا بالخدمه و حالياً انا فاضي ما عندي شي خلصت كل اموري الحمدلله بس باقي قرار الابتعاث والتذكره
    يعني بخدمتكم في اي وقت ، وربي يوفقك جميعاً وان شاء الله انكم من مبتعثي الدفعه الجاية .


    ( تمت المشاركة باستخدام تطبيق مبتعث )
    الله يجزاك خير ويوفقك . معلومات مفيدة جدا. وعقبالنا
    .

    امس راسلت ايميل البرنامج وكتبت لهم الاستفسار على صيغة خطاب من 8 اسطر ههههههههه قلت على الله القى جواب صاحي .. وحطيت ملاحظة قلت فيها اعرف ان السؤال تكرر 100 مرة لديكم .. وان حنا يالخريجين مساكين محد دبرنا الخ الزبدة الي بيقراه بيصيح هههههه D:
    ردو علي خلال 15 دقيقه وقالو جملتهم المعتادة تابع المؤسسه

    حجرت لهم وقلت طيب متى الموعد بالضبط

    رد علي قال اذا تم تحديد المواعيد سيتم الاعلان عنه في الموقع شي يقهههر ولله


    الله يكتب الي فيه الخير

    ( تمت المشاركة باستخدام تطبيق مبتعث )
    7 "
  3. امين وياكم جميع ،، المؤسسه لا تتعبون انفسكم معهم لانهم ما راح يعطونكم اي معلومه بهالخصوص
    كنهم متسترين ع برنامج ننوي الله يصلحهم ،، لكن الله العالم ان التقديم يفتح بشهر ٨ ، لانهم بالعاده فيه دفعتين بالسنه وحده بشهر ٣ تقديمها والثانيه بشهر ٨ شكلهم يبون يخلونها دفعه وحده هالسنه وتصير بشهر ٨ ، الله يجعلكم من المقبولين فيها ،، ع العموم انا مابي اضايقكم بس ترى التوتر اللي انتم فيه الحين ما يروح لين يقولون تعال استلم قرار الابتعاث ، بالبدايه تقول متى يفتح التقديم ، بعدها تقول يارب انقبل ، بعدها تقول يارب اجتاز المقابله ، بعدها تقول يارب يحطوني بالدولة اللي اتمناها ، بعدها تقول يارب يجي القبول من الجامعه ،، وبعدها اخر هم اللي هي التاشيرة . لكن بشكل عام اللي يجتاز المقابله الشخصية فهو يعتبر مبتعث ،الا اذا هو رفض البعثه او غاب يوم واحد ببرنامج التهيئة . وهذي كلها بيدين المبتعث
    بالتوفيق للجميع ، وتراني حاضر بأي استفسار تبونه او معلومات تفيدكم ،هالايام فاضي ماعندي شي خلصت اموري كلها الحمدلله ، يعني انشبوا لي معكم معكم 👍


    ( تمت المشاركة باستخدام تطبيق مبتعث )
    7 "
  4. طيب ياخوي انا الحين والله محتار بين الابتعث وكلية الرياض الي فهمته من كلامك انك كنت مثلي وقدمت على الرياض وبعدين الابتعاث

    يعني التقديم يجي مع بعض لها كلها ولا في مدة بينهم

    خوفي اقدم ب الرياض ويطلبون اوراقي ويكون لسى ماجا تاكيد القبول في الابتعاث !

    الله يكتب لك الأجر ويعينك على اسئلتنا الي ما تخلص هههههه
    7 "
  5. المشاركة الأصلية كتبت بواسطة sami alahmdi
    طيب ياخوي انا الحين والله محتار بين الابتعث وكلية الرياض الي فهمته من كلامك انك كنت مثلي وقدمت على الرياض وبعدين الابتعاث

    يعني التقديم يجي مع بعض لها كلها ولا في مدة بينهم

    خوفي اقدم ب الرياض ويطلبون اوراقي ويكون لسى ماجا تاكيد القبول في الابتعاث !

    الله يكتب لك الأجر ويعينك على اسئلتنا الي ما تخلص هههههه

    بالنسبة لي كان تقديم كلية اعداد المدربين بالرياض قبل التقديم للابتعاث بفتره كنت وقتها ادرس اللغة بالمعهد اعتقد انها بشهر ٨ اللي راح ماني متأكد ،، الوكاد لما قدمت قبلوني للاختبار ، اختبار تحديد مستوى انجلش و رياضيات ، اختبرت وبعد فتره جاني القبول بس قالوا لي تدرس ٦ شهور انجلش وبعدها نسوي لك اختبار اذا نجحت تبدا تدرس بالكلية واذا ما نجحت تمسك الباب ،، لما حسبتها ادرس ٦ شهور بعدين ثلاث سنين ونص الكلية واخرتها بكالوريوس قلت ادخل الجامعه كذا احسن لي ،، طبعاً انا اتكلم عن كلية اعداد المدربين مو الكلية التقنية فيه فرق بينهن ،، المهم جتني رساله تعال للرياض وجب لنا اوراقك سحبت سيفون وجا تقديم الابتعاث وقدمت ، وعلى فكره ترى الابتعاث حتى لو يقبلونك للمقابله الشخصية وبعدها يرفضونك تقدر تقدم مره ثانيه ، اعرف ناس نفس كذا ، بس فيه شرطين الاول ان عمرك يكون اقل من ٢٥ والثاني انك تكون متخرج قبل ثلاث سنوات كحد اقصى يعني اللي متخرج قبل اربع سنوات وفوق ما ينقبل . واذا قدمت ع الابتعاث وما قبلوك ، بعدها تقدر تقدم ع كلية اعداد المدربين او الكلية التقنية والعكس صحيح بالنسبه لكلية اعداد المدربين اذا رفضوك تقدر تقدم ع الابتعاث .

    اتمنى اني افدتك و أي اسئلة انا بالخدمه .
    بالتوفيق للجميع


    ( تمت المشاركة باستخدام تطبيق مبتعث )
    7 "
  6. الله يجزاك خير ياخوي بالنسبة لـ عدد سنوات الدراسة بـ الضبط كم مع اللغة او بدون وهل كل المتقدمين لازم يدخلون لغة هناك ؟ وعلى كلامك انه مافي اي اختبار انجليزي للي درستة في الدورة المكثفه !

    وبالنسبة لـ برنامج التهيئة ياليت تعطينا فكرة عنه وهل هو بس في الرياض ؟

    واخيرا لو مثلا حطوني في دولة انا ما ابيها كيف اجيب قبول لنفسي كم المدة الي يعطوني ياها ومتى يعلمونك عن الدولة الي اختاروها لك !

    وشكرا مقدما والله يعطيك العافية على سرعة الرد والتفاعل معنا
    7 "
  7. المشاركة الأصلية كتبت بواسطة sami alahmdi
    الله يجزاك خير ياخوي بالنسبة لـ عدد سنوات الدراسة بـ الضبط كم مع اللغة او بدون وهل كل المتقدمين لازم يدخلون لغة هناك ؟ وعلى كلامك انه مافي اي اختبار انجليزي للي درستة في الدورة المكثفه !

    وبالنسبة لـ برنامج التهيئة ياليت تعطينا فكرة عنه وهل هو بس في الرياض ؟

    واخيرا لو مثلا حطوني في دولة انا ما ابيها كيف اجيب قبول لنفسي كم المدة الي يعطوني ياها ومتى يعلمونك عن الدولة الي اختاروها لك !

    وشكرا مقدما والله يعطيك العافية على سرعة الرد والتفاعل معنا
    عدد سنوات الدراسه ثلاث سنوات سنه لغة وسنتين جامعه ، اما بخصوص ان كل الطلاب ياخذون لغة هذي في حال كان معك اختبار ايلس راح تدرس اربع شهور لغة وبعدها تدخل الجامعه واذا ما معك ايلس تدرس سنه لغة ،


    اما بخصوص برنامج التهيئه من اسمه مبين تهيئة المبتعثين ،يعني يعطونك فكرة عن الانظمه في بلد الابتعاث ، واذا واجهتك مشكلة لا سمح الله كيف تتصرف ومن هالكلام ، البرنامج يسوونه بالرياض وجده والخبر وانت اللي تختار وين تبي تاخذه ، الدولة يعلمونك عنها بالاسبوع الثاني من برنامج التهيئه،، اما بالنسبة لاختيار بلد الابتعاث هذي في اول يوم من برنامج التهيئه راح يعطونكم اوراق تعبونها ،، من ضمنها فيه ورقه تختار فيها اذا تبي المؤسسة تجيب لك قبول او انت تجيبه ، طبعاً انا انصحكم تختارون المؤسسه لتأمين القبول ، لانه في حال اخترت انت تجيب القبول وما قدرت تجيب قبول تلغى البعثه وما تقدر تقدم مره ثانيه لانك تعتبر مقبول نهائي وتم رفضك ، والشي الثاني ان المؤسسة موقعه اتفاقيات مع جامعات محدده انها تعادل لكم شهادة الدبلوم بنسبه عاليه ، اذا قلت انا بجيب القبول بنفسي صعب انك تحصل جامعه تعادل لك تقريباً ٦٠ بالميه من دراستك بالسعوديه وما تقدر بعدها تقول لا بطلت انا ابغاكم تجيبون لي قبول ، لانك موقع ع تعهد انك تجيب القبول بنفسك،،،
    اما في حال انك اخترت ان المؤسسه تجيب لك القبول فهذي من صالحك ، لانه حتى اذا الدوله اللي رشحوك لها ما تبيها تقدر تدور ع قبول بنفسك وتقدمه للمؤسسه ويوافقون ع الطلب في حال كان القبول سنه لغه وسنتين جامعه ، اما بالنسبه للمده فاعتقد انها شهرين من نهاية برنامج التهيئه وممكن يتساهلون معك اذا تاخرت شوي لكن ما انصحك انك تترك لهم مجال يرفضونك ،للامانه انا ما ابغى احطمكم لكن لما كنا ببرنامج التهئيه جانا موظف من المؤسسه يجاوبنا ع تساؤلاتنا ، قال ترى شبه مستحيل انك تجيب قبول بنفسك لان صعب تحصل جامعه تعادل شهادة الدبلوم بهالنسبه هذي ، وفيه شروط حاطينها المؤسسه للي يبغى يجيب قبول من نفسه اللي هي :
    اولاً يجب ان تكون الجامعه معترف فيها من التعليم العالي.
    ثانياً يجب ان تكون الجامعه مو من الجامعات اللي متفقه معها المؤسسه ، يعني ما تجيب قبول من جامعه من ضمن الجامعات اللي مسوين معها اتفاقية قبول الطلبه في المؤسسه .
    ثالثاً يجب ان يكون القبول سنه لغة وسنتين جامعه .

    وهذي شروط تعجيزيه الصراحه يعني اختصرها واطلب منهم يجيبون لك القبول وبنفس الوقت ابحث عن قبول من المكاتب الخاصه بهالشي .

    فيه شي نسيت اقوله ، برنامج التهيئه جداً مهم بالنسبه للمؤسسه لكن بالنسبه للطلاب هو شي تافه ، وحاجات معروفه مافي شي جديد
    لكن بغيت احذركم ترى غياب يوم واحد من البرنامج تلغى البعثه ومافي مجال للنقاش ، يعني انتبهوا ، فيه واحد كان مرقد بالمستشفى والله كان يطلع كل يوم ع مسؤوليته ويحضر . وفيه واحد كان يحضر معنا غاب اخر يوم بالبرنامج يوم تسليم الشهايد والغوا بعثته . حتى لما نزلوا اسماء المبتعثين بالموقع ما لقيت اسمه .

    بالتوفيق ....


    ( تمت المشاركة باستخدام تطبيق مبتعث )
    7 "
  8. طيب ياخوي انت متاكد ان مافي اختبار انجليزي بعد ماتخلص الدورة المكثفة للتاكد من الدرجة ؟

    وبالنسبة لـ الشهادة الي يعطونك ياها بعد الدورة هل يكتبون فيها المستوى ؟

    هل يجب علي ان يكون عندي جواز سفر وقت التقديم على الابتعاث ( يعني تقريبا شهر 8 ) ؟

    واخيرا ياخوي انا عندي اختلاف في الاسم بين الوثيقة ورخصه القيادة علما اني لسى ماطلعت الجواز بس سمعت ان الجواز يجيك نفس الرخصه هل في ذلك مشكلة ؟ وكم المدة الي اغير فيها اعدل فيها الوثيقة ؟

    والله يجزاك خير عني وعن جميع الاخوان الي يستفيدون من معلوماتك وينور دربك .
    7 "
  9. المشاركة الأصلية كتبت بواسطة sami alahmdi
    طيب ياخوي انت متاكد ان مافي اختبار انجليزي بعد ماتخلص الدورة المكثفة للتاكد من الدرجة ؟

    وبالنسبة لـ الشهادة الي يعطونك ياها بعد الدورة هل يكتبون فيها المستوى ؟

    هل يجب علي ان يكون عندي جواز سفر وقت التقديم على الابتعاث ( يعني تقريبا شهر 8 ) ؟

    واخيرا ياخوي انا عندي اختلاف في الاسم بين الوثيقة ورخصه القيادة علما اني لسى ماطلعت الجواز بس سمعت ان الجواز يجيك نفس الرخصه هل في ذلك مشكلة ؟ وكم المدة الي اغير فيها اعدل فيها الوثيقة ؟

    والله يجزاك خير عني وعن جميع الاخوان الي يستفيدون من معلوماتك وينور دربك .

    فيه اختبار اكسفورد تختبره اذا نجحت بالمقابله الشخصيه ، بس الى الحين ما ادري وش الفايده منه ، هو اختبار تحديد مستوى ، وفيه ناس معي درجتهم جداً ضعيفه ، ما تغير شي عليهم ، وفيه اختبار شفهي بالمقابله الشخصيه ع حد علمي ان كل الطلاب سالوهم ، بس تدرب ع التعبير عن نفسك بالانجلش ، لان اذا سالوك بالمقابله راح يكون السؤال تكلم عن نفسك .

    بالنسبه للجواز ،هم راح يطلبون منك صوره في وقت التقديم لكن ما ادري بالضبط هي ضروريه او لا ، اللي اذكره اني رفعت صوره من الجواز وقت التقديم ، اما بالنسبه للاسم ، انا عندي الاسم بالرخصه نفس الجواز او العكس لكن لازم يكون الاسم بجميع وثائقك ع الجواز ، حتى شهادة الثانويه راح يطلبون منك تعديلها ، مدة التعديل يمكن تاخذ منك ربع ساعه ، وانت واقف ، هذا بالنسبة لشهادة الدبلوم ، اما الثانويه فهي تختلف من مدينه لمدينه لكن بحد اقصى ثلاث اسابيع ، انا عدلتها بيومين ، طبعاً تعديلها من التعليم ، تاخذها ومعها صوره من الجواز وتطلب تعديلها .

    ولازم تعدل اسمك بالكلية اللي درست فيها ( اقصد تعدله ع النظام) علشان اذا خذيت نسخه من السجل التدريبي انجليزي يكون الاسم مطابق للجواز ، تعديلها من شؤون الخريجين .

    انصحك تروح اليوم تطلع جواز وبعدها تعدل شهادة الثانويه والدبلوم ، وتعدل اسمك ع النظام بالكلية ، لان وقت التقديم يكون وقت اجازة اخر السنه ، والجوازات زحمه وياخذ منك وقت

    اعتقد هذي الحاجات الضروريه واذا عندك سؤال ياليت تسال لاني انسى بعض النقاط


    ( تمت المشاركة باستخدام تطبيق مبتعث )
    7 "
  10. السلام عليكم ورحمة الله وبركاتة ,,,
    اتمنى ان الجميع يكون بخير .. اليوم كنت بمقر برنامج الابتعاث في كلية الاتصالات , عشان استلم قرار الابتعاث والتذكرة , المهم سالت الموظف عن البرنامج هل هو انتهى ولا باقي , قال : ما اتوقع انه انتهى لان ما جانا تعميم بهالخبر , بس انه تاخر هالسنه , اما بالنسبه لموعد التقديم يقول الى الحين ما جاهم خبر بالموعد .
    خلاصة الموضوع, دام ان البرنامج ما انتهى هذا خبر جيد لكن يحتاج صبر >
    بالتوفيق .
    7 "
4 من 12 صفحة 4 من 12 ... 3459 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.