اذ ارسل لي زوجي الاي توني وش اسوي فيه.....

مساء الخير ..اعضاء منتدى مبتعث
مابي احد يدخل ومايرد لو بدعوه الله يخليكمـ
حاليا زوجي باامريكا يدرس لغه واخذ الاي توني لي ولبنتي من المعهد
لازم يرسل الاصل لنا والا يكفي يرسل صوره منه بالفاكس..؟
واذ ارسله لي اروح لبنك سامبا والا الصرافه ادفع الفيزه واستلم الايصال
واسجل بموقع السفاره واعبي الابليكيشن D-160 لي انا ولبنتي
اخذ موعد
وعند المقابله اخذ ( الابليكيشن +ايصال سامبا+جوازي وجواز بنتي وصوره منهم+صوره من جواز وفيزة زوجي+الاي توني حقي وحق بنتي وصوره لحق زوجي+صور لي 5*5+صور لبنتي+كرت العائله)يكفي والا اخذ شهاداتي وانا ماراح ادرس الا بارت تايم يعني f2 في شي غير كذا..؟

استلم زوجي الضمان المالي من الملحقيه لنا اخليه يرسله والا مايحتاجون السفاره الا صوره منه

ولو بغيت اخذ تذاكر للسفر اروح فين لان زوجي مبتعث ..؟ وش الاوراق المطلوبه
وحبيت اسأل مكافأة المرافقه كم؟ والطفل عمر سنه ونص؟ طبعا فأمريكـا

ولكمـ مني احلا دعوووه

كلامك اللي باللون الاسود كله سليم الا الشهادات خليها بالبيت عشان ماتثقل عليك ورسوم الفيزا من نفس البنك مو من الصراف واحتفظي بصور منها عشان اذا وصلتي امريكا يعوضونك قيمتها هي والسيفيز والاي توني اعتقد ومنيب متاكد مره ان الاصل لازم بس لا تاخذي بكلامي وتاكدي من سالفة الاي توني

بالنسبة لمكافاه المرافق نصف مكافاة المبتعث والطفل حوالي 300 دولار يعني مجموع مكافاتكم انتي وزوجك وبنتك 3097 دولار


والله يوفقكم

one chance
يعطيكـ العافيه اخوي الله ييسر اموركـ ويفتحها فوجهك ويغفرلك ذنوبك ووالديك
ويرزقك اللي فبالك يارب

وانتظر الاعضاء يردون على باقي الاسئله

اقتباس:

---

المشاركة الأصلية كتبت بواسطة dandy lady

مساء الخير ..اعضاء منتدى مبتعث
مابي احد يدخل ومايرد لو بدعوه الله يخليكمـ
حاليا زوجي باامريكا يدرس لغه واخذ الاي توني لي ولبنتي من المعهد
لازم يرسل الاصل لنا والا يكفي يرسل صوره منه بالفاكس..؟
يرسل الاي توني تبعك وتبع بنتك الاصل طبعا بلفدكيس على العنوان تبعك
ورقم السيفس الي جي في البدايه NOO كلميه وخذيه منه عشان لما تسجلي الاستمارة 160-D خذيه منه قبل لا يرسل عشان تعبي الاستمارة من الان
واذ ارسله لي اروح لبنك سامبا والا الصرافه ادفع الفيزه واستلم الايصال
اذا وصل الاي توني خليه معاك تاخذيه لموعدك في السفارة

واسجل بموقع السفاره واعبي الابليكيشن D-160 لي انا ولبنتي
اخذ موعد
لازم تعبي الاستمارة لك ولبنتك كل على حدى
بما نك مرافقه يطلع لك سؤال هل انت مقدم الطلب الرئيسي اختاري لا بعدين يسال مين المقدم تكتبي اسم زوجك كما في جوازه ورقم السيفس تبعه ..راح يكون موجود في الاي 20
وعند المقابله اخذ ( الابليكيشن +ايصال سامبا+جوازي وجواز بنتي وصوره منهم+صوره من جواز وفيزة زوجي+الاي توني حقي وحق بنتي وصوره لحق زوجي+صور لي 5*5+صور لبنتي+كرت العائله)يكفي والا اخذ شهاداتي وانا ماراح ادرس الا بارت تايم يعني f2 في شي غير كذا..؟
كل الي قلتيه تمام خذي الشهادة احتياط وترجميعها من اي مكتبه معتمده عشان يختمو على الاوراق

استلم زوجي الضمان المالي من الملحقيه لنا اخليه يرسله والا مايحتاجون السفاره الا صوره منه
جيبي صورة منه انا ماراسل ضمان ما ادري مكتوب في الاي 20 حقي ولا لا بس احتياط خليه يصوره ويرسله لك


ولو بغيت اخذ تذاكر للسفر اروح فين لان زوجي مبتعث ..؟ وش الاوراق المطلوبه
وحبيت اسأل مكافأة المرافقه كم؟ والطفل عمر سنه ونص؟ طبعا فأمريكـا

هذا السؤال ما اعرف وودي احد يجاوب عليه
ان شاء الله افدتك
اذا جيتي تعبي الاستمارة اسالين على اي شي يواجهك بالتوفيق ان ش___اء الله
ولكمـ مني احلا دعوووه

---

اذا جيتي تسوي الاستمارة كل خطوه سوي حفظ على نفس الفايل الاول وكملي لكن اذا جيتي تفتحي الملف من المستندات راح يكون فاضي هذا شي عادي لكن لما تجي تكملي تعبئة الاستمارة وتسوي تحميل للملف راح يظهر البيانات الي عبيتيها
ما بغيت تحوسين زي ماحست
والله يوفقك

faia
الله يخليك لعين ترجيكـ ويسخر لك ملائكة السماء وملائكه الارض
ويغفرلك ولوالديك وكل من يعز عليك
كفيتي ووفيتي وان شاء الله بس اعبي الابليكيشن واذ فيه شي مافهمته بسألك على الخاص

اقتباس:

---

المشاركة الأصلية كتبت بواسطة dandy lady

faia
الله يخليك لعين ترجيكـ ويسخر لك ملائكة السماء وملائكه الارض
ويغفرلك ولوالديك وكل من يعز عليك
كفيتي ووفيتي وان شاء الله بس اعبي الابليكيشن واذ فيه شي مافهمته بسألك على الخاص

---

اميييين الله يسعدك مثل ما اسعدتيني