عرض للطباعة
السلام عليكم ورحمة الله وبركاتة
انا معلم
ان شاء الله اذا تم قبول زوجتي للبعثة راح ارافقها بس عندي كم استفسار وياليت القى احد يفيدني
- بالنسبه لاجازتي وما وضعها
- العلاوة السنويه هل متوقفه ام مستمره
-اذا انهيت سنة اللغه وبغيت انظم للبعثه هل يلزمني تقديم استقاله من جهة العمل
.....
والله يعطيكم العافيه
يحق للمعلم انا ياخذ ايجازة مارفق زوجتة لمدة 3 سنوات بعد مايخذا قرار الابتعاث
العلوة السنوية تستمر
لكنها ماتدخل في نظام التأمينات الاجتماعية
تدرس سنة لغة ثم سنتين ماستر
لاتنساني من دعواتك
عليكم السلام ورحمة الله وبركاته
مالك الا اجازة استثنائية
الاسثنائي مافيه لاراتب ولا سنوات خدمة
الا اذا فيه واسطة ممكن تتحول إلى اجازة دراسية
واذا واسطة اقوى ممكن تصير مبتعث رسمي
اما اذا معلم كحيان زي الباقين اجازة استثنائية واحتمال بعد يعلون كبدك لين يعطونك اياها رغم انها من حقك
الكلام اعلاه هو الي جاري حالياً
أنا سمعت ان الوزارة بصدد تغيير هذا النظام بس الى الان ماطلع شي رسمي على ماعتقد
نصيحتي الوحيدة لك .. حاول قبل ماتسافر يكون بيدك ( قبول مشروط ) على اساس لو حصل ان الوزارة بغت تخدمك راح تطلب منك صورة من قبولك ( الجامعي ) وليس قبول معهد لغة لذلك قبول مشروط يعتبر ضروري لك في حالة الوزارة او ادارة التعليم حاولت انها تخدمك .. لأن الاجازة الدراسية او الابتعاث لايعطونك اياه الا اذا عطيتهم صورة من قبول الجامعة لذلك خلك جاهز من باب الاحتياط
بالتوفيق
الله يجزاك خيراقتباس:
المشاركة الأصلية كتبت بواسطة الغريفين
والله يوفقك
الله يجزاااااك خيراقتباس:
المشاركة الأصلية كتبت بواسطة تفاكير
والله يعطيك الف عافيه
طيب العلاوه مستمره ..؟
من خلال بحثي لهذا الموضوع المهم حصلت النتيجة كالتالي:
الإجازة الاستثنائية للمحرم المرافق للطالبة المبتعثة
د. ناصر الحجيلان
تنص لوائح الابتعاث في وزارة التعليم العالي على ضرورة وجود محرم يرافق الطالبة التي ترغب في الدراسة في الخارج، وهناك عدد من المبتعثات لم تتح لهن الدراسة في الخارج بسبب هذا الشرط. وفي المقابل هناك من تيسّر لهن من يرافقهن في البعثة من المحارم كالزوج أو الأب أو الأخ، ولكن هذا المرافق يجد صعوبة في ذلك لأن الجهة التي يعمل بها لا تُفرّغه لمرافقة طالبة مبتعثة ولا تعطيه إجازة استثنائية طوال مدة البعثة.
وينص المرسوم السامي رقم 1/530على "وجوب مرافقة المحرم لطالبة الابتعاث طوال فترة دراستها في الخارج وأن يمكث طوال فترة الدراسة معها في دولة الابتعاث". وجاءت المادة العشرون من نظام الإجازات لكي تعطي الموظف الحق في الحصول على إجازة استثنائية، ونصت على أنه: "بالنسبة للموظفة السعودية التي ترغب في مرافقة زوجها أو من يعولها شرعًا إلى الخارج تمنح بقرار من الجهة التي تتبعها إجازة استثنائية بدون راتب وذلك بقدر مدة المرافقة وبحد أقصى لا يتجاوز عشر سنوات متصلة أو منفصلة طوال الحياة الوظيفية، ويعامل زوج المبتعثة للدراسة في الخارج أو أحد محارمها الشرعيين إذا كان من موظفي الخدمة المدنية وفق هذه القواعد".
إن هذه المادة توضّح بجلاء استحقاق الموظف للإجازة الاستثنائية لمدة لاتزيد عن عشر سنوات إذا كان يرافق طالبة مبتعثة
المصدر جريدة الرياض
الرابط:ط¬ط±ظٹط¯ط© ط§ظ„ط±ظٹط§ط¶ : ط§ظ„ط¥ط¬ط§ط²ط© ط§ظ„ط§ط³طھط«ظ†ط§ط¦ظٹط© ظ„ظ„ظ…ط*ط±ظ… ط§ظ„ظ…ط±ط§ظپظ‚ ظ„ظ„ط·ط§ظ„ط¨ط© ط§ظ„ظ…ط¨طھط¹ط«ط©
الله يجزاكم خير
سؤال جزاكم الله الف خير
بالنسبه للقروض من البنك وبنك التسليف كيف راح يتم التعامل معه
جزاكم الله الف خير
ولا شي
سافر بدون ماتسوي شي او حتى تكلمهم
اذا رجعت يسوون لك اعادة جدولة وترجع للتقسيط المهم انه محد بيقولك شي
على فكرة ليت الاعضاء بس ينزلون استفساراتهم في مواضيع خاصة اذا كان الموضوع مايتكلم عن السؤال
عشان مايتشتت الموضوع
وبنفس الوقت اذا فتحت موضوع راح يستفيد منه اكبر قدر من الاعضاء
يعطيك العافيه اخوياقتباس:
ولا شي
سافر بدون ماتسوي شي او حتى تكلمهم
اذا رجعت يسوون لك اعادة جدولة وترجع للتقسيط المهم انه محد بيقولك شي
ابشر ولا يهمك نفتح موضوع بس ترجع ترد علينا خخخخخخاقتباس:
على فكرة ليت الاعضاء بس ينزلون استفساراتهم في مواضيع خاصة اذا كان الموضوع مايتكلم عن السؤال
عشان مايتشتت الموضوع
وبنفس الوقت اذا فتحت موضوع راح يستفيد منه اكبر قدر من الاعضاء
شوف حبيبي بعد بحثي لان حالتي نفس حالتك
الراتب يوقف لانك لازم تجيب ااجازه استثنائيه بدون راتب مده سفر المبتعثه اللي هي زوجتك والشئ الثاني العلاوه السنويه توقف يعني يوقف راتبك وترجع بالسلامه تكمل من حيث وقفت
الشئ الثالث والمهم ان سنوات الخدمه ايضا توقف يعني خدمتك خمس سنوات وسافرت ترجع تلاقيها خمس سنوات يعني الاجازه ما تحسب
واذا خلصت اللغه لازم تجيب قبول في الجامعه عشان تتحول من مرافق الى مرافق اكاديمي ويفرق في شئ واحد ان المكافاه تصبح زي مكافاه زوجتك ولكن بعد عدد معين من الساعات الاكاديميه في الجامعه تقدر تفصل وتصير مبتعث لوحدك يعني لو صار اي لا سمح الله لزوجتك وما كملت البعثه انت تكمل عادي ( المعلومه الاخيره لازم تتاكد منها لان ما ادري عن الموظف بس هذي معلومه اكيده للجميع يعني اذا كنت مرافق تصبح مرافق اكاديمي بعدين مبتعث منفصل )
ولا تنسي انه المبتعث الاساسي لو بطل انت ترجع تماتيك معاه اذا ما صلت مبتعث انت
واذا هو تخرج ووخلص البعثه وانت باقي لك كثير ولا انفصلت عن المبتعث ترجع تماتيك فاوزنها تمام
اما عن القروض فراح اجيب لك كلام موظف في التربيه وا لتعليم عشان لا تتورط يعني لازم تسدد عشان تسافر والا ما فيششششش
وهذا كلام الموظف من الاداره في موقع اخر
لن تمنح اجازة استثنائية وعليك قرض للبنك لان استمارة الاستثنائية للمعلمين توقع من عدة جهات اولا طالب الاجازة نفسة ثانيا مدير المدرسة الى هنا اوكي ثالثا مدير ادارة شئون المعلمين كلام حلو رابعا مدير الشئون الادارية والمالية بادارة التعليم وفيه خانه بسيطه في الاستمارة لديه الالتزام مالي ام لا اذا كان نعم ترفض الاستمارة مباشرتا الا بعد سداد الالتزام واذا كان اي شخص يقول غير ذلك انا اتحداه والسلام ختام
دعواتي لي ولك بالتوفيق من المدير حتى الاداره الماليه وشكرا
مرحبا اخوي كان زماناقتباس:
والشئ الثاني العلاوه السنويه توقف يعني يوقف راتبك وترجع بالسلامه تكمل من حيث وقفت
المصدر: http://www.mbt3th.us/vb/forum129/thread204879-2.html#ixzz0xOXs2kM2
حفاظاً على حقوق الكاتب نرجو عدم حذف المصدر مبتعث
بالنسبه للعلاوة السنوية انت متأكد انها توقف .. واني اذا رجعت ابداء من حيث توقفت
لان الكلام اللي عندي غير ويقول ان العلاوة مستمره ..
رد حطمني بقووووووووهاقتباس:
لن تمنح اجازة استثنائية وعليك قرض للبنك لان استمارة الاستثنائية للمعلمين توقع من عدة جهات اولا طالب الاجازة نفسة ثانيا مدير المدرسة الى هنا اوكي ثالثا مدير ادارة شئون المعلمين كلام حلو رابعا مدير الشئون الادارية والمالية بادارة التعليم وفيه خانه بسيطه في الاستمارة لديه الالتزام مالي ام لا اذا كان نعم ترفض الاستمارة مباشرتا الا بعد سداد الالتزام واذا كان اي شخص يقول غير ذلك انا اتحداه والسلام ختام
دعواتي لي ولك بالتوفيق من المدير حتى الاداره الماليه وشكرا
المصدر: http://www.mbt3th.us/vb/forum129/thread204879-2.html#ixzz0xOYMaJIk
حفاظاً على حقوق الكاتب نرجو عدم حذف المصدر مبتعث
^^^^^^^^^^^^^
والله يخوي هذا الكلام اللي اعرفه ومعليش انه حطمك بس هذا اللي الكلام يمكن يكون غلط او قديم لكن انت سوي اللي عليك والباقي على الله ويمكن مثل ما قالوا الشباب ان الامور عادي تروح وتجي وتكمل الاقساط عادي مع ان فيه ناس كاتبين اوكيه صار عادي
ولا تزعل حبيبي انا لان كلمت لك واحد من زملائي معلم وعليه قرض وطالع مرافق مع زوجته بعد العيد وعليه قرض وقال عادي تقدر تطلع وتصف القرض وان شاءالله تضبط امورك المهم خلنا مع بعض في بلاد الغربه وبالتوفيق
والكلام اللي فوق مو كلامي كلام من منتدي ثاني موظف في التربيه والتعليم ويمكن يكون غلط
الله يجزاك خير اخوووووياقتباس:
المشاركة الأصلية كتبت بواسطة كان _ زمان
والله يكتب اللي به الخير
وان شاء الله تتيسر الامور
وان شاء الله راح نكون مع بعض في الغربه
لاعدمتك
يا اخوان انا معلم وطالع مع زوجتي امريكا وخذت اجازة استثنائية ولا فيها لا التزام ولا خرابيط
عليه قرض وطلعت ولا احد سألني عنه اذا رجعت يسوون لي جدوله
والله هذا اللي صاير
وقابلت معلم وقت التدقيق وسالته عن القرض قال بالحرف اتا طلعت بريطانيا مع زوجتي ثلاث سنوات وعلي قرض والحين بطلع معاها للدكتوراة والقرض لسى علي
الامور سهله
نفس كلام الاخوان
باستطاعتك انك ترافق زوجتك حتى لو كان عليك قرض من البنك
وان شاء الله تتيسر لجميع المعلمين الحصول على الاجازة بدووووووون تعقيد
والله يوفقنا واياكم لكل خير
الله يوفقكم يارب ويسهل عليكم اخواني المبتعثين المعلمين
طلع اجازه دراسيه احسن انا زوجي معلم وطلعها لاتقولوت صعبه المهم توفر كل الاوراق المطلوبه والافضل تطلع لهم الرياض عشان تكون المعامله مناوله يد بيد وزوجي لاعنده واسطه ولاشي المهم قبول مشروط والله يوفقكم وبالنسبه للقرض احنا طلعنا وعلينا قرض
السلام عليكم انت مرافق مع زوجتك تحصل على راتبك الاسمي فقط اذا رافقت زوجتك وتحسب لك هذه المرافقه مدة خدمه واذا كانت لديك التزامات ماليه للدوله ولاتستطيع سدادها ونويت السفر يجب ان تجلب الى الجهه التي لديك التزام مالي لديها كفلاء عنك لكي يتم اعطائك اذن بالسفر