أستفسار عن استحقاقي للحصول ع تذكرة

السلام عليكم اخوتي .. عندي استفسار وياليت القى الاجابه الشافيه عندكم .. و استفساري هو اني راح اكون مرافقه ل زوجي و خلصت كل شي التقديم و الفيزا و ما إلى ذلك والحمد الله .. الي تبقى الحين هو اضافتي ك مرافقه و حصولي ع تذكرة .. و هذا الموضوع مو عارفين الكلام الصح من الغلط ، فيه ناس قالوا ان لازم نروح الرياض عشان انضاف ك مرافقه ومنها اخد التذكره ... و كلام ثاني يجي يقولون ان ماراح تستفيدون من روحة الرياض شي اصلاً ، وهو لأن زوجي لسه ما صار له سنه ع البعثه توى نهاية السمستر الي راح انضم للابتعاث .. ف الحين ودي اعرف وش الحل ووش الكلام الصحيح .. علماً ان زوجي ب امريكا مو بالبلد هنا و لو صار ورحنا للرياض ابوي الي راح يروح ، ف خوفي ان ابوي يروح بلا فايده و يضرب مشوار للرياض بدون مانطلع بأي فايده و المشوار مو قصير وسهل وابوي كبير ف السن ف صعبه الروحه لمجرد السؤال و احنا مو متأكدين من الروحه اذا بنستفيد او لا .. ف ياليت الله يجزاكم الف خير تدلوني ع الصح ووش اسوي لان مافي وقت عندنا الا شهرين وراح اكون شاكرة لكم جداا.

زوجك مايقدر يضيفك مرافقه معه بالنظام حتى تكونين داخل امريكا !
هذا لو حاول يضيفك من البوابة وهو في امريكا ..

اما الطريقة لمثل وضعك ..
فهو انك تنتظرين لحتى بس يكمل زوجك 9 شهور حتى يقدر يصدر تذكرة للسعودية .. (طالما انه توهم ملحقينه قبل كم شهر) ..
بعدها اذا رجع السعودية .. ياخذ جوازاتكم وكرت العائلة ويروح لمكتب البعثات في حي الغدير بالرياض ..
يصدر لك من هناك أمر اركاب .. ويطلع من مكتب البعثات ويروح لمكتب الطيار (جنب مكتب البعثات) ..
ويعطيهم امر الاركاب ويصدرون له تذكرة لك .. وترجعون لامريكا مع بعض ..

اذا رجع لامريكا .. يغير حالته من اعزب الى متزوج من البوابه اذا كان حاط اعزب !
وبعدها يضيفك كمرافقة معه ويرفق مع الطلب الاوراق المطلوبه (بيلاقيها مكتوبه بالطلب تحت) ..

وينتظر لحتى يوافقون على الطلب .. ومتى ماوافقوا على الطلب واضافوا اسمك معه ..
يطلب لك ضمان مالي اذا كانت فيزتك F-1 وتبين تكملين دراسه معه ..
ويخلص امورك مع المعهد ..


اما اذا كنتي ماتبين تنتظرين .. فما ادري اذا راح يمشون الامور مع ابوك .. او لازم حضور زوجك !
بس راح يطلبون (بطاقة الاحوال الخاصة بزوجك + جوازه + كرت العائلة + صوره من جوازك) .. علشان يطلعون لك امر الاركاب !

الله يجزاك الفف خير ع الرد ان شاء الله... لكن انا معي بطاقة الاحوال حقه و كرت العائله ، بس جوازه لازم الاصل و مايصير صوره منه ؟؟ لان لما ينزل راح ارجع معه لامريكا ، ف ما أدري اذا فيه وقت يكفي ان يروح للرياض لان راح يكون متواجد اسبوع تقريبا وكم يوم بالسعوديه .. ف عشان كذا ودنا نخلص الامور بسرعه و تكون الامور ماشيه صح بدون تأخير ..

اقتباس:

---

المشاركة الأصلية كتبت بواسطة يا ورد الأمل

الله يجزاك الفف خير ع الرد ان شاء الله... لكن انا معي بطاقة الاحوال حقه و كرت العائله ، بس جوازه لازم الاصل و مايصير صوره منه ؟؟ لان لما ينزل راح ارجع معه لامريكا ، ف ما أدري اذا فيه وقت يكفي ان يروح للرياض لان راح يكون متواجد اسبوع تقريبا وكم يوم بالسعوديه .. ف عشان كذا ودنا نخلص الامور بسرعه و تكون الامور ماشيه صح بدون تأخير ..

---

ايه يمديه ان شاء الله .. كل هالامور اللي قلت لك عليها يقدر يخلصها في يوم واحد !

اقتباس:

---

المشاركة الأصلية كتبت بواسطة يا ورد الأمل

الله يجزاك الفف خير ع الرد ان شاء الله... لكن انا معي بطاقة الاحوال حقه و كرت العائله ، بس جوازه لازم الاصل و مايصير صوره منه ؟؟ لان لما ينزل راح ارجع معه لامريكا ، ف ما أدري اذا فيه وقت يكفي ان يروح للرياض لان راح يكون متواجد اسبوع تقريبا وكم يوم بالسعوديه .. ف عشان كذا ودنا نخلص الامور بسرعه و تكون الامور ماشيه صح بدون تأخير ..

---

اضافة بسيطه ..
ممكن يجيبك على حسابه الخاص ..
بحيث يقص لك تذكرة ويجيبك عنده في امريكا ..
وبعدها يخلص امورك من الملحقية ..

ويقدر بعد مايضيفك يطلب تعويض للتذكرة !
بس مادري هل بيعوضونه عن مبلغ التذكرة او لا !

ع الاغلب هذا الي راح يصير اذا الله راد ان راح اروح ع حسابه الخاص
...الله يعطيك الف عافيه اخوي محمد و شاكرة لك افادتي ، ماقصرت والله .

اقتباس:

---

المشاركة الأصلية كتبت بواسطة يا ورد الأمل

ع الاغلب هذا الي راح يصير اذا الله راد ان راح اروح ع حسابه الخاص
...الله يعطيك الف عافيه اخوي محمد و شاكرة لك افادتي ، ماقصرت والله .

---

اذا رحتي على حسابه الخاص ..
ياليت ترجعين وتخبرينا باللي حصل معك ..
وهل تم تعويضه عن التذكره او لا ؟

حتى تكون المعلومات جديدة وبنفس الوقت تفيدين غيرك من الاخوان والاخوات اللي يمرون بنفس حالتك !
وتكسبين اجر نشر مثل هذي المعلومات ..

وعسا الله ييسر امورك ويكتب لكم اللي فيه الخير يارب العالمين ..

ان شاء الله.. والله ييسر الامور