ممنوع من الابتعاث

السلام عليكم ورحمة الله وبركاته




عندي مشكلة كبيييييييييرة جدا



انا قدمت على الابتعاث سنة 2006 اول سنة للابتعاث وجاني القبول والضمان المالي
لكن لظروف اسرية ما قدرت اروح واتوظفت والان انا طالع على حسابي الشخصي


المهم : كلمت اثنين من اصحابي امس عن موضوعي وقلت لهم اني باطلب انضمام للبعثة بعد ما اكمل الشروط


واحد يقول: ماراح يقبلوك لانك رفضت البعثة من الاساس وماكلمتهم ولا اعتذرت

والثاني يقول: بالعكس انت اول ماتروح هناك بمجرد ماتقدم حيعرفوا ان عندك قبول من سنة 2006 وراح يضموك على طول




انا الان محتار بينهم وياليت بس انهم مايمنعوني من البعثة حتى لو يضموني بعد سنة مايهم اهم شيء اني ما اكون في البلاك لست حقتهم

ملحوظة : بلد الدراسة اللي اخترته في التقديم كان نيوزلندا والا انا طالع على حسابي لامريكا





ايش رأيكم بالموضوع؟؟ واللي عنده الخبر الاكيد ياريت يقول لي

واذا تبغوا البيانات الشخصية ممكن اعطيها للي يبغاها في رسالة خاصة ( بعد اذن مشرفي المنتدى )




شكرا لكم

ولله ياعزيزي على حد علمي اذا ماصدر لك قرار ابتعاث نهائي في سنه 2006 تقدر تطلب بعثه ثانيه
اتمنى اني نفعتك ولو بالقليل والله يوفقك وييسر لك آمرك يارب

اللي اقدر افيدك فيه وانت قيس على حالتك انو انا كنت مقدمة على المرحلة الثالثة وانقبلت وكل شي بس ما رحت ولا سافرت ولا اعتذرت ولا شي وقدمت الخامسة وانقبلت عادي الحمدلله...
اما بخصوص الالحاق على طول الله اعلم..بس اتوقع خلاص المراحل الاولى انتهت ومالهم علاقة ببعض..

الف الف شكر على المعلومات اللي افدتوني بيها بصراحة


ويجزاكم الله عنا خير الجزاء

وعليكم السلام ورحمة الله وبركاته

ياخوي أنصحك تروح لصاحب الشأن على طول وهو الدكتور العطيه وتشرح له أمرك
لا تاخذ علم من هنا أحد يقولك يمكن والآخر يقولك لا يمكن
إلا من عضو صارت له نفس ماذكرت
والله يوفقك ويسهل أمرك

هل صدر لك قرار ابتعاث ؟ او لا ؟

هنا السؤال ؟

اذ ماكان صدر وضعك بالسليم ..

والله يا خوي aboodu

انا من جدة وصعبة اروح للرياض عشان اقابل العطية ويمكن اقابله ويمكن لا


وماعندي واسطة



وبالنسبة للتلفون ما احد من التعليم العالي يرد على تلفونه ( كأنهم حالفين يمين انهم مايخسرون الطلاب ) ههههههههههه


اخوي كلاكيت

والله ما اعرف ايش هو قرار الابتعاث

انا كان عندي قبول نهائي من جامعة نيوزلندية وقدمت على البعثة وجتني رسالة من التعليم العالي بالضمان المالي وبس

هذا حدي معاهم


ان شاء الله اكون في السليم

عفوا ولكن مو حضرتك ناوي تدرس على حسابك؟!

طيب مالداعي للانضمام لعضوية البعثة؟ وش راح تفرق يعني طالما كل شي عحسابك!

شكلي مضيع خخخخخخخخ



انا بعد قدمت على البعثة اعتقد المرحلة الثانية وانقبلت وكلش تمام بس ما رحت!
ههههه