مقر هيئة الهلال الأحمر الجديد .. لمبتعثي الهلال الأحمر

::
::




السسسلآم عليكم و رحمة الله و بركاته

حبيت أوصفلكم مقر مكتب التدريب و الابتعاث الجديد حق الهلال الأحمر

لأن المكتب القديم الي فـ عمارة الهلال الأحمر الي على طريق الملك فهد نقلوه في حي عرقه

و انا حبيت اوصفلكم المكان لأن و الله العظيم اسبوعين او اكثر ادور عليه حتى موظفين الهلال ما يعرفون وينه

راح اوصفلكم اول ما تدخلون عرقه :-

طبعا في طريقين اما انك تجي من طريق الملك خالد أو تجي مع طريق الملك عبدالله بعد ما تتعدى " ركا " و يكون على يسارك و الجامعه يمينك

تدخل عرقه و تمشي سيده لين يجيك دوار كبير اسمه " دوار الأمير مشعل بن عبدالعزيز "

لو تروح يمين تطلع من فوق الكبري و تروح مستشفى عرقه المهجور :w00tbrows: :eekout:

انت لا تروح يمين امش سيده مع اللوحه الي مكتوب وادي حنيفه :chinese:

اول ما تتعدى الدوار في لفه يمين تنزلك تحت للوادي لف معها .. اول ما تنزل قدامك يا يمين او يسار تروح يسار

يصير يمينك في جدار واضح من شكله انه مجمع سكني و على يسارك تشوف صبات الطريق الي كنت فيه قبل شوي :biggrin:

تمشي شوي سيده الطريق يلف بك يمين و تراه طريق ضيق مسارين رايح جاي

و انت ماشي مع الطريق تلقى بالحوش ذا الي على اليمين بوابه " من النوع الي يجيك سحاب كانها جدار " و لو مفتوحه تناظر داخل تشوف فلل كأنها شاليهات :pimp:

و في على اليسار من داخل غرفة السكيورتي .. تعطيه بطاقة الأحول و تدخل تمشي يمين لين اخر شي تلقى سيارات الهلال الاحمر واقفه .. ابد هذا هو المكان .. تلقى فله على يسارك كبيره اكبر فله اول ما تدخل المكتب في وجهك و مكتوب مكتب الابتعاث :thumbup:

و ان شاء الله يكون الوصف واضح و اذا تبوني اوضح زياده انا حاضر :george:

و تراني ماخذ الوصف من منتدى الهلال الاحمر بس ما كان دقيق الوصف بس نفسه

انا شرحته بالتفصيل الممل لأن و الله دخت بعرقه حتى دخلت المستشفى المهجور اتفرج :Jumpy:

وكل الي ابيه انكم تدعولي ان فيزتي تطلع باسرع وقت .. لأن و الله لي حول الشهرين انتظرها و اجلت دراستي عشانها

و تحياتي لكم


::
::

شكرآ لكل من مر من هنا (:

الله يعطيك العافية ...

بالتوفيق ... و ان شاء الله فيزتك تطلع بأسرع وقت ^______________^

الوصف متعوب عليّة :)
أخوي خلودي الله يجيب لك الفيزا اليوم قبل باكر ,
بالتوفيق لك ..