سؤال مهم عن المحرم ؟؟؟

السلام عليكم

انا باحكيلكم القصة و اللي يعرف بليز يقول لي ايش الحل في هالحالة

انا المحرم بالنسبالي بابا
و حيجي معايا و كل شي بس ما اعتقد انه يقدر يقعد في كندا سنتين او ثلاثة متواصلة
يعني راح يجي و يقعد كم شهر ويحتاج يسافر عشان عمله
راح يكون معايا هناك ماما و اي احد من العيلة راح يجيني جدي او غيره

طيب بالنسبة لبابا اول شي ايش راح تكون فيزته
و ثانيا حكاية انهم يشيكوا عالمحرم طيب هو ما حينفع يقعد طول المدة هل فيه حل لهذي المشكلة ؟؟ بحيث ما يكون كمخالفة

و بالنسبة لو ماما حتقعد معايا كيف تكون الفيزا
تطلع فيزا سياحية و ترجع تجددها كل ما تنتهي و لا كيف
و هل ينفع انها تسوي كذا ما راح يقولولها شي انها كل ما تنتهي الفيزا تجدد وهي اصلا سياحية ؟؟

اذكر مر عليا قبل كدا عن هالموضوع انه فيه شي توقيع من العمدة مدري الوزير
ماني فاكرة

ياريت اللي يعرف يشرح لي ايش اعمل بالضبط

مشكورين و ربنا يوفق الجميع و يسهل امرنا

بليييز اللي يعرف يرد عليا

دنيــا

يؤسفني ان محد جاوبك

واتمنى ان امورك تكون مشيت تماام

انا ماعندي فكرة عن الموضوع افيدك بها

بس اذا كنتي وصلتي كندا بالسلامه وانحلت مشكلتك

ياليت تفيدينا عن الموضوع اللي سألتي عنه الفيزا والمحرم

وفقك الله وسهل امورك

السلام عليكم
أعذريني أختي من جد موضوعك قديم وللأسف ماشفتة من قبل
لكن راح أجاوبك مع الشكر لمن رفع الموضوع,,

اقتباس:

---

طيب بالنسبة لبابا اول شي ايش راح تكون فيزته
و ثانيا حكاية انهم يشيكوا عالمحرم طيب هو ما حينفع يقعد طول المدة هل فيه حل لهذي المشكلة ؟؟ بحيث ما يكون كمخالفة

---

تكون سياحية أو زيارة
ويقعد كل 6 شاهر ويقدر يجددها من نفس البلد

اقتباس:

---

و بالنسبة لو ماما حتقعد معايا كيف تكون الفيزا

---

اقتباس:

---

تطلع فيزا سياحية و ترجع تجددها كل ما تنتهي و لا كيف
و هل ينفع انها تسوي كذا ما راح يقولولها شي انها كل ما تنتهي الفيزا تجدد وهي اصلا سياحية ؟؟

---

نفس الشي الوالدة فيزتها سياحية
وتقدر تجددها من نفس البلد

والخطاب يكتبة والدك انه موافق على بقائك في أمريكا للدراسة
ويتم ختمة من الوزارة

وبالتوفيق

مرحبا اختي

الاخت مسافره ماشاالله جاوبتك

بس حابه اقول لك لا تخافي من سالفه انهم يشيكون على المحرم رجع ولا لا ترا مو صحيح

انا جايه لوحدي بدون محرم وماطلبوا شي الا صوره من تصريح السفر .. وبعدها ماعاد سئلوني عنه :)

pink
انا كمان بابا حيجي معايا وحيجلس معايا
بس اوقات اكيد يحتاج يرجع السعوديه يعني يرجع شهر شهرين ويرجعلي مره ثاني ان شاء الله
لو بابا رجع عادي مافي اي مخالفه مع العلم يعني حكون لحالي من غير مامتي وكده

ان شاء الله صح زي ماتقولو انتي والاخت مسافرهـ تسلموووووووو حبايبي يعطيكم العافيه