أي الدول أوفر حظا للقبول في الابتعاث الجديد لان المعدل وسط ( أي الدول ماعليها إقبال )

السلام عليكم .. قدمت على برنامج الملك عبدالله الجديد ووضعت ( كندا - بريطانيا - نيوزلندا ) وبما ان معدلي وسط والواسطه معدومة الا واسطة ربي - سبحانه - فقررت أعدل الدول وأشوف الدول اللي ماعليها اقبال من الطلاب لعل وعسى وبتوفيق من رب العالمين تجيني بعثة



وايضا اخترت قسم قانون فوشرايكم ؟ مع العلم ان تخصصي في البكالوريوس نظري ؟ فهل هو اختيار موفق؟ وشرايكم



والف شكر لكم مقدما يا اعضاء منتدانا الرائع .

سمعت ان كندا بيكون عليها طلب كثير وانت قدم وبيكتب الله اللي فيه الخير ...

الأستاذ تركي .. ألف شكر على التكرم بالرد .. وانا شلت كندا وحطيت بدالها نيوزلندا... لكن تتوقعون اللي معدله وسط ياخطونه ؟ مافيه احد يعرف كم عدد اللي قدموا ؟


الف شكر لك مره ثانية .

ياخي الفاضل انا اعرف ان تخصص القانون يدرس في فرنسا وانا اراء ن تغير احد الدول الى فرنسا متأكد من المعلومة.........:D :rolleyes: :cool:

يعطيك العافية البونو ماقصرت .. لكن اللغة الفرنسية تخوف :( :(


طيب وش رايك نيوزلندا مثلا وش التخصصات المطلوبة للدراسة فيها ؟



والف شكر لك ;)

شف خيــو

الدول اللي لغتها English طبيعي بيكون عليها ضغط يعني بتكون محصورة في
( امريكا - كندا - بريطانيا - استراليا - نيوزلندا )

عندك دول اسيا واوروبـا غالبا ما راح يكون عليها ضغط لانها تدرس الطلاب بلغتهــا ..
يعني سجل عندك ( ايطاليا - هولندا - فرنسـا - . . . . الخ )

عموماً لو ما تبي إلا English ما لك إلا الخمس دول المذكورة و انت وحظك :) ,,

الله يوفقنــا ويوفقــك ..

أخوي كان
ترا (الهند وماليزيا وسنغافورا) تدرس بالإنجليزي .. مع إني ما أنصح بالأخيرة لأن فيها مشاكل !
واليابان بعد ممكن تدرس الماجستير بالياباني والإنجليزي !

موفق أخوي ,,

هلا أخـوي سهل شاكر لك مداخلتك ..

أنـا كنت أقصد لغة البلد الرسمية أو على الأقل الشبه رسمية زي اللي حاصل في كنـدا ..
وكلامك صحيح بخصوص التدريس الأنجليزي في الهند وماليزيا وسنغـافـورة ..

فيما يخص اليـابـان اذا الوزارة هي اللي راح تجيب لك القبـول فما تضمن أن الجامعة اللي راتح تبتعث لها تعطيك أحقية الدراسة بالأنجليزي أو بالياباني ..
وحقيقة ما ادري اذا النظـام اختلف عند الوزارة وراح يحرصون على الجامعات اللي تدرس بالأنجليزي أو لا ؟

و اي اضافات اخرى من الأعضاء تثري الموضوع ياليت :)
موفقــين

كلامك صحيح أخوي
عين العقل .. !
أحد الإخوة يدرس طب في الصين .. دراسته بالإنجليزي !
لكنه تعب جدا .. يواجه مشاكل عديدة بسبب اللغة .. مو كل الشعب يتكلم إنجليزي !!

بالنسبة لليابان :
مبدئيا راح تدرس لغة يابانية .. وبعض الجامعات تتيح لك تدرس الماجستير باللغتين .. يصير الماجستير أقوى .. لكن من له يدرس بلغتين ؟!

موفقين جميعا ,,

ألف شكر للأخوين كان وسهل .. ماقصرتوا على الاضافات الرائعة للموضوع وان شاء الله الاعضاء يستفيدوا


بالنسبة بماليزيا بما إني درست فيها لمده ’’ فالدراسة موجوده باللغتين إما المالاوية او الانجليزية مع العلم مو كل التخصصات فيها الخيارين .. وبالنسبة للشعب الماليزي فمش كلهم يتكلمون لغة انجليزية واكثرهم لغتهم مكسرة وضعيفة فالاستفاده من الشعب بالاختلاط لتعلم اللغة شبه معدوم أو نقول ضعيف احسن


لكن من فيه أحد جرب الهند ؟ كيف االاجواء هناك ؟ او حتى اسبانيا؟

ياليت احد الاخوان يتكرم وييفيدنا عن هالدولتين ولو بجزء بسيط .