للطلاب اللي خارج المملكة ولسه مو بعثة
السلام عليكم ...
شباب وبنت عندي تساؤل واللي يقدر يفيد ياريت ينورنااا..
اللي ال ريدي خارج المملكة يدرس عى حسابه ومقدم على هالبعثات عشان ينضم..كيف بيسوي المقابلة؟..هل الطلاب اللي خارج المملكة استثناء من المقابلة لانهم عندهم فيزا وقبول وال ريدي بدو الدراسة..ولا لازم يرجعونا السعودية في هالحرررر:gr_896:
انا قلت يمكن يخلونا نروح المقابلة في الملحق الثقافي السعودي في العاصمة..بس برضو صعبة..انا في استراليا العاصمة تبعد عني مالايقل عن 3 ساعات طيران..واكثر من اسبوع سواقة بالسيارة!...واللي في امريكا في الويست كوست مثلا برضو بعييييييييد مالايقل عن 4 ساعات طيران للعاصمة!
وش رايكم؟وش تتوقعو الحل؟وش نسوييييييي يعنيييييييي
مشاركة: للطلاب اللي خارج المملكة ولسه مو بعثة
انصحك اخوي تتصل على الوزارة ولازم تحرق جرس تلفونهم عشان يردوا او تندب احد يروح يسال لك.....هاتف الوزارة 0096614415555
مشاركة: للطلاب اللي خارج المملكة ولسه مو بعثة
حبيبي , اول شي اسم الاجراء الالتحاق بالبعثه .
1- لازم تكون مخلص لغه ,
2- 30 ساعه اكاديميه بمعدل 2.5.
بس ترى الوزاره تحب الي دارس على حساب (قطع شوط) . على العموم التقديم يكون على لجنه خاصه , بعدين رقم الالي تتابع طلبك . من الموقع http://www.mohe.gov.sa/Scholarships/
تتغير بعد فتره الى ما تطلع "الحق بالبعثه".
انا كانت حالتي متغيره (كنت من الي رجعو من 911 ) وقدمت من الرياض . ومعدلي كان 2.3 ودخلت في البعثه (كنت قاطع 45 ساعه). والحين انا في امريكا والحمد لله في البعثه .
فاضن انك مالك دخل في المقابله (لانك على نظام ثاني) . اتصل في الملحقيه وسوي التالي :-
1-خذ موافقه للدراسه في الخارج.
2- افتح ملف طالب على حسابه الخاصه .
3-تقدم طلب "التحاق في البعثه" .
وترى كل هذي الشغلات يرسلولك هيا في البريد وانت تعبيه ويدخلوك السيستم . وبعدين عليك في الموقع واستنى . بالطبع اذا ما فتحولك ملف في الموقع غثهم .
ودمتم (كاتب معروض انا !)
جافا
مشاركة: للطلاب اللي خارج المملكة ولسه مو بعثة
هلاااا..
اخت انشتاين..تسلمين على هالرد...حاولت اكلم الوزارة ال ريدي فوق ال 100 مرة ومن واحد لواحد مافيه فايدة نظام الحكومة تعرفي!! ..الظاهر مثل ماقلتي ..احتاج اندب واحد يروح الرياض ويتنزع منهم الجواب!..حرب هيه..لا أكثر..هههههههه
اخوي جافا يعطيك العافية...
انا عارف هالنظام اخوي وهو تخلص 30 ساعة..وبالنسبة لي 15 ساعة لانه ماجستير..بس اللي صاير اني سويت كل اللي قلت عليه من فتح ملف وارسال الاوراق ومتابعة مع الملحقية(وطبعا الملحقية قي استراليا ماعندهم موقع للحين) ,ومتابعة مع سكرتيرة رئيس الملحقية..لا وخطاب منمق لوكيل الوزارة وخطاب ثاني للوزير وثالث لرئيس الملحقية...بعد كل هالشغلات..الوزارة تقول رسلنا الاوراق للملحقية والملحقية تقول ماوصلنا!! ..يلعن ابو التخلف واللكاعة!!..المهم..اخر كلام صار انه سكرتير وكيل الوزارة قالي شف اقولك الحل وانصحك..قدم مع البعثات اللي توها فتحت اون لاين ومادام الشروط تنطبق انشاء الله بتنضم للبعثة..
الشي الثاني انا مخلص اللغة بس لو بقدم على النظام القديم لازم اخلص على الاقل سمستر وبرضو ماتضمنهم..فبعثات الملك عبدالله اسرع واضمن.
سوري طولت عليك...وماقصرت على مشاركتك اخ جافا
انا متأكد انه في ناس واااااااجد مثل حالتي..يعني مخلص لغة بس ماخلص عدد الساعات المطلوبة لسه..او فيه بعضهم لسه في اللغة ووراه مشواااار..فالنظام القديم ماينفع لانه احنا لا في ارض ولا في سما صايرين معلقين ههههههه
تحياتي
مشاركة: للطلاب اللي خارج المملكة ولسه مو بعثة
اخوي اوزي انت متاكد انهم بيقبلو اصلا يعطوك بعثة لان يمكن يقولو بما انك تقدر تدرس على حسابك منت محتاج للبعثة غيرك اولى .......انا كنت بادرس على حسابي اول سمستر وبعدين بعثة بس خفت ما يعجبهم الوضع والحين محتارة......الله يساعدنا على هالوزارة....
مشاركة: للطلاب اللي خارج المملكة ولسه مو بعثة
اقتباس:
المشاركة الأصلية كتبت بواسطة آينشتاين العرب
اخوي اوزي انت متاكد انهم بيقبلو اصلا يعطوك بعثة لان يمكن يقولو بما انك تقدر تدرس على حسابك منت محتاج للبعثة غيرك اولى .......انا كنت بادرس على حسابي اول سمستر وبعدين بعثة بس خفت ما يعجبهم الوضع والحين محتارة......الله يساعدنا على هالوزارة....
اينشتاين..مافيه شي اكيد مع هالوزارة طبعا...بس لا,, ما أظن بيقولون تقدر على حسابك مافيه بعثة..والا بيكون زودوها عاد!شي غير معقول!
بالنسبة لك ماعندك مشكلة...تقدمي على البعثات الحين..لو طلعت لك ..خير وبركة..لو ماطلعت..تسافرين على حسابك مدامك قادرة وبعدها تنضمي للبعثة انشاء الله.
وشي مضمون مافيه مع هالوزارة!
ادعي لي وبدعي لك
سلام
مشاركة: للطلاب اللي خارج المملكة ولسه مو بعثة
موضوع جداً مهم ويمس طبقة كبيرة من المبتعثين...
أخوي أوزي ماقصرو معاكاألأخوان لكن كأنهم خرجو خارج إطار الموضوع قليلاً..
ليس لدي خبرة كبيرة في الموضوع
لكن أتمنى أن يتم قبول تقديمكم على البعثة
بإعتباركم مقدمين بشكل عادي
وليس أعتبارها تحويل بعثة من حسابك الخاص إلى حساب الدولة.
وفي حال طلب مقابلة صحيح هو صعب القدوم لكن ماباليد حيلة
طالما هذة هي شروط الوزارة
تعال وخلص أوراقك
وخذ لك إجازة وأمرك لله
ما أعرف لونخسر شوي وقت وجهد والمهم إنا نكسب البعثة
ولو على إنك مخلص اللغة
لمن تروح وتختبر على في المعهد
أكيد راح يلاحظو إن مستواك متقدم وممكن تخلص اللغة بسرعة
المهم جهز ـوراقك وحالو تجي
وما أنصحك تعطي معلوماتك لموظفين الوزارة
لأن تعاونهم غير متوقع
بالعكس ممكن يحاولو يرفضوك أو يضيعو البعثة عليك لا قدر الله
وبالتوفيق أخي
مشاركة: للطلاب اللي خارج المملكة ولسه مو بعثة
اقتباس:
المشاركة الأصلية كتبت بواسطة آينشتاين العرب
اخوي اوزي انت متاكد انهم بيقبلو اصلا يعطوك بعثة لان يمكن يقولو بما انك تقدر تدرس على حسابك منت محتاج للبعثة غيرك اولى .......انا كنت بادرس على حسابي اول سمستر وبعدين بعثة بس خفت ما يعجبهم الوضع والحين محتارة......الله يساعدنا على هالوزارة....
لا ترى الالتحاق بالبعثه اسهل من بعثه جديده (خاصه للي ماينطبق عليه الشروط الاساسيه في النظام الابتعاث الجديد ) ... ولا تنسى انه اصلا لو الواحد خلص اللغه والساعات والمعدل فكان يلحق في البعثه حتى النظام القديم ...
بالنسبه للي ماهو مخلص ساعات , انا اقوله يقدم ويفتح ملف ويمشي في الاجراءات ... ما تدري , والحمد لله الوضع الحين احسن من اول بالف مره
جافا
مشاركة: للطلاب اللي خارج المملكة ولسه مو بعثة
هلااااا..
جافا, اينشتاين العرب,,ماقصرتو على التفاعل ويعطيكم الف عافية..
مسافرة..لاااااااااا لاتقولي انزل السعودية الحييين لااااااااااااااااااااا:gr_896:
انزل وأضيع الترم حراااااااااااااااااام..نووو وييييييي انزل No wayyyyy..
والله موضوع المقابلة مسوي لي قلق..شغلي واسطاتك يامسافرة وجيبي لي الجواب من الوزااارة رجااااء وانا بدعي لك تتسهل عليك امورك ..ولو بغيتي اي شي من استراليا تراني حاضر بعد.
ياخي شهالوزارة..ليش ماييحطو قوانين واضحة وشاملةويفكرو في الاحتمالات!...صحيح وزارة التخريف العالي!:gr_895:
مشاركة: للطلاب اللي خارج المملكة ولسه مو بعثة
اعزائي اعضاء وعضوات المنتدى...
اللي يقدر يفيد فيما يخص المقابلة الشخصية للسعوديين خارج المملكة ياريت يفيدنااااااا والله يجزاه الف خير للأهمية..هالموضوع مسوي لي قلق...
سعودي ومقدم على البعثة..لازيم يرجع السعودية يسوي مقابلة ؟ولا فيه استثناء؟ معقول كل السعوديين يرجعو عشان المقابلة؟! والقبول والفيزا موجودين والدراسة ماشية حراااااام يضيع الترم...سالت الملحقية هنا في استراليا ماعندهم جواب..يقولك ارجع السعودية..ماكنها مشووااااار ومصارييف وضياع وقت ودراسة..وو ووو ووو.
ياريت احد يفيد او اذا رايح الوزارة يسأل بلزززززز
تحياتي
مشاركة: للطلاب اللي خارج المملكة ولسه مو بعثة
الله يعينك انا ما عندي خبرة بس حبيت اسال كم كلفتك دراسة اللغة باستراليا ومشكور
مشاركة: للطلاب اللي خارج المملكة ولسه مو بعثة
اقتباس:
المشاركة الأصلية كتبت بواسطة الفراشة
الله يعينك انا ما عندي خبرة بس حبيت اسال كم كلفتك دراسة اللغة باستراليا ومشكور
هلا اختي...
انا درست كورس خاص مدته 5 شهور يسمى Bridging course...عشان تدخل هالكورس لازم تجيبي توفل 550...طبعا البعض يستغرب لانه فيه جامعات تكتفي اصلا ب 550 توفل, بس حسب التخصص..لدراسين ال MBA يطلبو 580 توفل او انك تدخل الكورس المذكور وتجيب فيه B....والكورس هذا حلو لانه هو ماهو كورس لغة عامة.لا..هو كورس تحضيري ويعلمك كيف تسوي ابحاث وكيف نظام الدراسة في استراليا,ووو..
قيمته 6000 دولار استرالي يعني تقريبا 17000 ريال.
اللي توه مبتدئ في اللغة طبعا ماينفع له هالكورس لانه فوق المتوسط..وفيه انواع كورسات كل له هدف وحسب المستوى...اختى نصيحة ,,اذا ناوية تدرسي في استراليا..اختبري التوفل عشان تحددي مستواك..حتى لو ماجبتي سكور عالي..بس تحددي مستواك وبناء عليه لما تسافري تاخذي الكورس المناسب بدل تضييع الوقت.
الظاهر اني استرسلت في الكلام..:112:
تحياتي
مشاركة: للطلاب اللي خارج المملكة ولسه مو بعثة
أوزيييييييييييييي
يافرحتي بييييييييييييييك...
لو عندي واسطات
كان زماني برا البلد بأدرس زي الأوادم
مو جالسة ببيتنا حزينة
عموماً مالك إلا إني أدعي لك
ربنا يوفقك
وبإذن الله تلاقي مين يساعدك ويفهم وضعك..
مشاركة: للطلاب اللي خارج المملكة ولسه مو بعثة
مشكور اخوي اوزي على الشرح الوافي
رد: للطلاب اللي خارج المملكة ولسه مو بعثة
شبااااااب تكفون ساعدوني
انا الحين في امريكا سويت موافقه دراسه ع الحساب الخاص قبل لا اسافر وجاني رفض لاني نسيت ماحملت قبول الجامعه وماسويت الكشف الطبي ماعندي
ابغا اعرف لازم الكشف الطبي ولا واذا لازم اقدر اسويه هنا في امريكا ولا لازم في البلد تكفون اجابه واضحه وصريحه