الأولويه في الأبتعاث الجديد ....
السلام عليكم ورحمة الله وبركاته
صرح مصدر مسؤول في وزارة التعليم العالي ان الابتعاث الجديد 1427/1428 يكون فيها اولوية
لدرجة الدكتوراه ودرجة الماجستير اولا ومن ثم الدبلوم والثانويه ويكون تصنيفهم كالاتي
نسبة القبول في الابتعاث
الدكتوراه 30%
الماجستير 30 %
الدبلوم 20 %
الثانويه العامه 20 %
السنه هذي صار تنظيم حلوو انا اشوفه بنظري من عدة نواحي واذكرها لكم
1 - العام كان الناس يزورون نسبة القدرات والثانويه العامه عشان ياخذون ضمان مالي من موقع الوزاره وكانت تصدر الضمانات الماليه على طول وفعلا ناس راحوا واعرفهم معرفه شخصيه ومعي في الكلاس نسبهم على 75 و 70 في الثانويه والقدرات في الخمسينيات لان اجراءات التدقيق من جنبها العام
السنه ذي لا غير تقدم وانتظر موعد الفرز المبدئي عشان يشوفون اوراقك صحيحه ولا لا وانتظر الفرز النهائي على حسب الافضليه للمتقدمين
2 - العام كان اكثر اللي رايحين من الثانويه العامه والدبلوم ..
السنه ذي اعتمدوا على درجة الدكتوراه والماجستير كأولويه للأبتعاث لسد الفراغ اللي في السعوديه لان نسبة الدكاتره في السعوديه مع مقارنتها مع الاجانب ضئيله جدا
ولذالك اعتمدو على اللي يبي يكمل الدكتوراه والماجستير لهم اولويه في الوزراه والأبتعاث
3- العام كان اللي يخلص اموره بسرعه على طول سواء نسبتك 80 % او 100 %
السنه ذي غير الاولويه للي نسبهم عاليه والافضليه لدرجة الدكتوراه والماجستير وبعدها الدبلوم والثانويه
يااخوان الكلام موثوق من وكيل الوزاره للشؤون التعليميه اللي على مااظن اسمه عبدالله
العثمان
( الكلام ذا مو تحطيم لحملة الثانويه والدبلوم لا والله بس توضيح للمسأله لان الكلام سامعه بذني )
والله يوفق الجميع ان شاءالله ونشوفكم ذخر للوطن ونتمنى من الجميع التوفيق .......
مشاركة: الأولويه في الأبتعاث الجديد ....
الله يعين بس ترا الدبلوم نسبتهم من نسبة الماجستير والدكتوراه مثلا اللي معه دبلوم كهرباء وبيكمل بكالوريوس هندسه كهربائيه تمشي اموره نفس الماجستير هذا الاكيد وليس مثل الثانويه كما وضعت النسبه لهم
واشكرك مره ثانيه ياغالي على هذا الموضوع الرائع لتوضيح الرؤيه
مشاركة: الأولويه في الأبتعاث الجديد ....
اشكرك اخوي ملك المشاعر والله الكلام هذا شايفه وسامعه بذني بقناة السعوديه
واللي صرح الكلام ذا وكيل الوزارة جابو معه مقابله ( جابو برنامج عن الابتعاث الجديد )
يعني حاطين حملة الثانويه العامه والبدلوم نسبة قبولهم في هذا العام نفس المستوى
اما اللي بيدرسون ماستر او الدكتوراه لهم اولويه في الابتعاث اكثر من الثانويه والدبلوم
وان شاء الله فالكم طيب كلكم يارب وان الكل يوفق
مشاركة: الأولويه في الأبتعاث الجديد ....
هلا شباب ..!نظرية ممتازة جداً جداً ..! على إني طالب ثانوية ..! ولكن أؤيد الأفكار الحلوة ..! الأمر الآخر اللي كنت أتمناه أن الوزارة ترفع معدل القبول إلى 90% للبكالوريس و95% لبكالوريس الطبية ...!؟؟لا تستغربوا لأن الآن أكثر اللي بيروحون نسبهم طايحة وهذول ما ينفعوا بعدين لبناء الأجيال القادمة ..! ( لا أحد يزعل مني !! ) أنا نسبتي في الثمانينات ولكن ؟؟اللي درس في الجامعات السعودية يعرف القهر .. أشياء الدكتور مو عارف يحلها !! شيء عجيب ..!الله يوفق ويعين ...والوزارة إلى الأما1111111م ( حركة إلى الأمام أستعرتها من الوايلي )) !
مشاركة: الأولويه في الأبتعاث الجديد ....
طيب وش كان آخر التوقعات عن عدد المبتعثين هالسنه؟؟؟؟
4000 حسب اللي سمعنا لأمريكا ؟؟؟؟؟
بس هه .... قي ناس قالوا أكثر .... حدود 6000
والله ما ادري الكل يقول...
بالله يا شباب تكفون لو اي احد منكم يأكد لنا الخبر بشأن العدد الصحيح ويقول كم ؟؟؟؟
لأن البعض قال أن الوزاره زادت من فرص الابتعاث ؟؟؟؟؟
أرجو الرد عن سؤالي للي يعرف من مصدر موثوق
يعطيكم العافيه
مشاركة: الأولويه في الأبتعاث الجديد ....
الله يوفق الي فيه خير له ولي وطنه ..
وانشالله ان ما يكووون فيها ظلم ..
بالتوفيق للجميع .
.
مشاركة: الأولويه في الأبتعاث الجديد ....
مراحب بالجميع وهذا الخبر انا سامعة في التلفزيون السعودي اما من ناحية عدد المقاعد للابتعاث ككل اتوقع انه 7500 فرصة ابتعاث بس مادري هي كلها لامريكاء اول للجميع ونشالله نكمل ماجستير في المحاسبة هذي السنه ادعولي
مشاركة: الأولويه في الأبتعاث الجديد ....
ياخي قسم بايات الله شي يقهر
وليش يعني يقدمون الدكتوراه والماجستير علينا ؟؟
وش احسن منا فيه هم ؟؟
ياخي هذولا حقين الماستر والدكتوراه ظامنين مستقبلهم ..
يعني وظايف وعندهم ..رواتب وعندهم
بس يبون يزودون الرواتب .. والله حرام
وش الطمع هذا ؟؟
حنا اللي تونا متخرجين على ابواب المستقبل ..
يانبتعث وندرس زي العالم والناس .. ونرجع بشهادات صح
يا ناكل تبن هنا بالجامعات السعوديه المعفنه ..
الله يعين بس .. والله انا يمكن تجيني صدمه نفسيه لو ماابتعث
مابي ادرس هنا ياعلم والله قرف .. انا احس مستواي اكبر من
اني ادرس بجامعه سعوديه .. الدكتور يملكك فيها ..
مالي الى ارفع يدي لرب العالمين واقول
ياااااااااااااااااااااااااااااااالله يارب تحقق اللي في صدورنا
مشاركة: الأولويه في الأبتعاث الجديد ....
مهران6 يرحب بكم,,,,,,,,,,,,,,,,,
ارجو الافاده اللي معاه تاشيره لاامريكا وقبول ومعاه دبلوم كهرباء
وانا من المقبولين العام الماضي وال حصلت على خطاب للسفاره بس بالضمان المالي
ارجو الرد ..................هلو
مشاركة: الأولويه في الأبتعاث الجديد ....
اقتباس:
المشاركة الأصلية كتبت بواسطة salih_inter
ياخي قسم بايات الله شي يقهر
وليش يعني يقدمون الدكتوراه والماجستير علينا ؟؟
وش احسن منا فيه هم ؟؟
ياخي هذولا حقين الماستر والدكتوراه ظامنين مستقبلهم ..
يعني وظايف وعندهم ..رواتب وعندهم
بس يبون يزودون الرواتب .. والله حرام
وش الطمع هذا ؟؟
حنا اللي تونا متخرجين على ابواب المستقبل ..
يانبتعث وندرس زي العالم والناس .. ونرجع بشهادات صح
يا ناكل تبن هنا بالجامعات السعوديه المعفنه ..
الله يعين بس .. والله انا يمكن تجيني صدمه نفسيه لو ماابتعث
مابي ادرس هنا ياعلم والله قرف .. انا احس مستواي اكبر من
اني ادرس بجامعه سعوديه .. الدكتور يملكك فيها ..
مالي الى ارفع يدي لرب العالمين واقول
ياااااااااااااااااااااااااااااااالله يارب تحقق اللي في صدورنا
السلام عليكم ...
أخي الفاضل ... للمعلومية
اللي بيطلع ماستر أودكتوراه لوكان موظف لازم يستقيل ...سمعت : يستقيل
يعني بيضحي بالمستقبل المضمون ويتهجول ولوكان متزوج يهجول عياله معاه
لا... ويرجع بعد مايخلص يدور وظيفه وهو وراه عائلة لازم يصرف عليها
وتسأل : ليش يقدموهم على الثانوية ؟؟؟
بعدين الجامعة اللي انت منت قادر تجلس فيها هو أستحمل قرف دكاترتها لين ماأخذ الشهادة والسبب ان نصيبه كان عدم وجود اي بعثات ايام ماتخرج من الثانوية.
وبعدين خلينا نكوك صريحين اللي رايحين للماستر يعتبروا أنضج فكريا وسلوكيا من 90% من طلبة الثانوية اللي يعتبروا في سن المراهقة ((والدليل حادثة الباص اللي في أمريكا))