رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
اقتباس:
المشاركة الأصلية كتبت بواسطة Ghadah0
السلام عليكم
اخوي انا قدمت انهاء بعثه بتاريخ 28-04-2015
وللان ما تقفل ملفي كمبتعث او جتني موافقه الانهاء لكن رجعت السعوديه
هل انتظر الى حصولي على الموافقه عشان اباشر بعملي او كيف الوضع؟
علما ان الملحقيه وقفت راتب المبتعث واخاف ينحسب علي اني ما باشرت رغم ان موافقه الانهاء ما وصلتني للان
المباشرة تكون بعد شهر من تاريخ التخرح.
وللمتابعه يمكنك التواصل مع الموارد البشرية بجامعه الملك سعود حتى يفيدونك عن معاملتك, ولو معك لها رقم يكون افضل لكي يعرفون بشكل اسرع.
تحياتي
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
السلام عليكم ورحمة الله وبركاته،
قمت بتقديم طلب اخلاء طرف عن طريق النظام الالكتروني من اسبوع وتظهر لي الحالة "غير مكتمل"، هل المفترض اني اقدم اخلاء طرف ورقي ؟ او اخاطب اي ادارة بهالخصوص او بس انتظر؟
سؤالي الثاني انا افضل الحجز للسفر الى دولة الابتعاث من الان وعلى خطوط غير الخطوط السعودية، فهل ممكن احجز قبل أمر الاركاب بعدين استرد المبلغ ؟ او لازم انتظر ؟ وكيف الاجراءات بالضبط ؟
شكرا جزيلا
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
اقتباس:
المشاركة الأصلية كتبت بواسطة A Sharp
السلام عليكم ورحمة الله وبركاته،
قمت بتقديم طلب اخلاء طرف عن طريق النظام الالكتروني من اسبوع وتظهر لي الحالة "غير مكتمل"، هل المفترض اني اقدم اخلاء طرف ورقي ؟ او اخاطب اي ادارة بهالخصوص او بس انتظر؟
سؤالي الثاني انا افضل الحجز للسفر الى دولة الابتعاث من الان وعلى خطوط غير الخطوط السعودية، فهل ممكن احجز قبل أمر الاركاب بعدين استرد المبلغ ؟ او لازم انتظر ؟ وكيف الاجراءات بالضبط ؟
شكرا جزيلا
- تتصل بالادارات الي طالعة لك في صفحة الإخلاء،أولاً اتصل على كليتك عشان يكملون إخلاء الطرف واذا كملوه راح يتغر الكترونياً،بعد كليتك كلم باقي الادارات،اذا خلصوا كل الادارات اطبع ورقة اخلاء الطرف وخذ جوازك ورح لادارة الابتعاث ويعطونك امر الاركاب وانت واقف
- الإجراءات السابقة ماتاخذ منك إلا ساعات لكن إذاانت مستعجل ادخل موقع الطيار واحجز أونلاين حجز غير مؤكد،بعدين خذ رقم الحجز وراجع المكتب مع امر الاركاب وبيأكدونه بك
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
^^^
أتفق مع محمد٩١
هذا اللي يصير بالضبط، إذا خلصتها من كليتك باقي الإدارات تخلصها تبعا وفي وقت وجيز.
====
أذكر أنا لما سويت إخلاء طرف انتظرت يومين بعدين رحت الكلية
سألت الموظف قال: عليك عهدة كمبويتر ولازم تقوم بتسليمه
قلت: أي كمبيوتر؟ أنا أذكر الجامعة عطتني لابتوب زمان، هل هو نفسه؟
قال: لا حاسب مكتبي!
قلت له: والله ما أذكر في ذمتي شيء لكم لكن إذا الأمور واقفة على حاسب، الشكوى لله ندبر لكم حاسب آلي بس خلصونا
قال: يا رجال، ما تغلبنا بالطيب، هذي ورقتك والحين أكتب في النظام أنك سلمت العهدة :)
وباقي الإدارات خلصتها في سويعات في نفس اليوم
نظام الإخلاء الجديد ممتاز والله
موفق يا صاحب السؤال.
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
شكرا لكم محمد 91 و Linguistics Consultant
أنهيت اجراءات اخلاء الطرف ولله الحمد وحبيت انقل لكم تجربتي للفائدة.
أولا: بالبداية اسقطت جميع العهد اللي علي (تستطيع معرفة العهد اللي عليك عن طريق نظام الخدمات الالكترونية) في حالتي لم يكن هناك اي عهد ظاهرة في النظام ولكني قد وقعت على عهد ورقيا فقمت باعادتها للادارات المسؤولة
1. الهاتف الشبكي
قمت بعمل طلب الغاء هاتف شبكي عن طريق نظام الدعم الفني وارسلوا لي نموذج اعبيه واختمه من جهتي ثم ارسلهم اياه ويلغون تحويلتي بعدها اسلم التلفون نفسه لقسم المالية بالكلية مع طباعة اايميل من الدعم الفني يفيد بانه قد تم الغاء التحويلة وبالتالي شالوا عني العهدة اللي وقعتها ورقيا
2. الكمبيوتر
فقط تكلمت مع الفنيات واستلموه مني وشالوا عني العهدة اللي وقعتها ورقيا
ثانيا: تقدمت بطلب اخلاء طرف عن طريق الخدمات الالكترونية وتحتاجون الرقم الوظيفي او البريد الجامعي للمسؤول المباشر لاتمام هذي الخطوة. ( هذي الخطوة ممكن تسوونها بعد او فبل ما تخاطبون قسمكم ما يفرق)
ثالثا: راسلت وكيلة القسم بالايميل وارفقت لها صورة من النظام تفيد بأنه لا يوجد عهد مقيدة علي (تجدون العهد في الخدمات الالكترونية فقط اعملوا برنت سكرين للصفحة) بالتالي خاطبت وكيلة القسم مدير إدارة الكلية
بعدها بيومين ارسلوا لي بانه قد تم انهاء إجراءات طلب إخلاء الطرف ولم احتاج أن اتصل باي احد من قائمة الاسماء اللي كانت في طلب اخلاء الطرف ولله الحمد
رد: إجراءات الإبتعاث لمعيدين ومحاضرين جامعة الملك سعود (ذكور وإناث)
السلام عليكم
عندي سؤالين لو تكرمتوا
هل موافقة القسم والكلية على الابتعاث تعتبر نهائية خاصة اذا كانت لجنة الابتعاث ما تعقد بالصيف..
واذا تم الرفع بأوراق ابتعاثي لوكيل الجامعة بحكم تفويض الصلاحيات له بالصيف وباقي على الدراسة شهر ونص ببلد الابتعاث هل ممكن يوافق على تأجيل البعثة ومتى يحق لي التقديم على طلب التأجيل خاصة وانه مافيه وقت لاستخراج فيزا الا بعد العيد وشكرا لكم
رد: إجراءات الإبتعاث لمعيدين ومحاضرين جامعة الملك سعود (ذكور وإناث)
اقتباس:
المشاركة الأصلية كتبت بواسطة طبيب مختصر
السلام عليكم
عندي سؤالين لو تكرمتوا
هل موافقة القسم والكلية على الابتعاث تعتبر نهائية خاصة اذا كانت لجنة الابتعاث ما تعقد بالصيف..
واذا تم الرفع بأوراق ابتعاثي لوكيل الجامعة بحكم تفويض الصلاحيات له بالصيف وباقي على الدراسة شهر ونص ببلد الابتعاث هل ممكن يوافق على تأجيل البعثة ومتى يحق لي التقديم على طلب التأجيل خاصة وانه مافيه وقت لاستخراج فيزا الا بعد العيد وشكرا لكم
وعليكم السلام
وكيل الجامعة مفوض بدلا عن اللجنة.
ويمكنك الان رفع القبول المؤجل ويرفع لوكيل لجامعة لانه المفوض بالموافقه.
اتمنى وصلت الاجابه
تحياتي
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
جزاك الله خير يالموارد البشريه
لكن بما ان الوكيل عنده تفويض صلاحيات تتوقع الموافقة على الابتعاث بتكون روتينيه او معقده مثل اللجنه
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
اقتباس:
المشاركة الأصلية كتبت بواسطة طبيب مختصر
جزاك الله خير يالموارد البشريه
لكن بما ان الوكيل عنده تفويض صلاحيات تتوقع الموافقة على الابتعاث بتكون روتينيه او معقده مثل اللجنه
الوكيل اسرع من الللجنه
رد: إجراءات ابتعاث معيدي ومحاضري جامعة الملك سعود (ذكور وإناث) والإجابة عن استفساراته
تخرجت محاسبه بكالوريوس من جامعه الملك سعود بمعدل ممتاز وابغى اقدم على الاعاده في جامعه الملك سعود وادرس الماجستير برا ..في احد يقدر يساعدني كيف التقديم او ادا فيه آس رابط اقدر أسجل منه لأني دورت في موقع الجامعه لكن ماحصلت شي