عرض للطباعة
السلام عليكم
عندي استفسار بخصوص المعيد لما تبتعثه الجامعة ويخلص الماستر
المفروض انه يشتغل بالجامعة بنفس مدة دراسته خارج المملكة ثلاث سنوات مثلا
لكن اذا خلص الماستر ورجع يقدر يقدم استقالته ويروح لجامعة ثانية الملك سعود مثلا
وبما انه ويطلب نقل معناها استقالة
هل الجامعة تلزمه بدفع مبلغ معين وبعدها يكون حر
فيه معيد قالي انه لما يخلص الماستر ويسحب عالجامعة
يمنعونه من جميع الجامعات السعودية بنفس فترة ابتعاثه
اللي عنده علم يفيدنا
صراحة سؤال مهم ونحتاج له جواب
رفع للاهمية
ماهو ضروري انك تقضي المدة اللي دراستها برا وتكون شغاااال في الجامعة
يعتمد على الجامعة نفسها ممكن ما يعقدونك في هذا الجانب ويتساهلون معك عااااادي
ترا تفرق حاجة الكلية للكادر يوم ما انقبلت عندهم وبعد ما تخلص ماجستير يمكن يكون فيه كاااادر متوفر وكذا يتساهلوا معك
يعطيكم العافية وننتظر الباقين يفيدونا
انا سالت عن هذي النقطه قالو لي انو ممكن يصير مثل الانتداب من جامعه لجامعه وبعدين تتثبت بالجامعه الي اتنقلت لها وهذي لازم طبعا واسطه محترمه لان بوجود الواسطه سواء كانت الجامعه محتاجه لتخصصك او ماتكون محتاجه اخذتك اخذتك
واذ صار انك استقلت لازم تجلس سته اشهر معطل هذي قوانين الخدمه المدنيه وانت وحظك ..الله كريم ..
اخوي الي اعرفه انه اذا انت موقع على تعهد عند قبولك معيد
والتعهد هذا يكون فيه هذا الشرط انك تخدم الجامعه فترة ابتعاثك معناته انك ملزم بذلك
اما اذا لم توقع على هذا التعهد فباستطاعتك احضار موافقة الجامعه التي تريد التحويل لها ويجب ان يكون هناك رقم وظيفي شاغر لك لكي تنتقل عليه
وبالتوفيق