عرض للطباعة
عندي سؤال لو توظفت في جامعه بعيده وابغى انقل للجامعه اللي في منطقتي بعد فتره اقدر او لا (يكون كملت ماستر على حسابهم )
لان مااقدر اجلس طوال العمر في الجامعة الثانيه
ولو نقلت يحسبون لي الخبره في الجامعه الاولى ولا ابدا من جديد ؟؟
لان جامعتي ما حالفني الحظ فيها وانا ابغى اتوظف في جامعه عشان بيسمحون لنا نكمل مو مثل التدريس صعب نكمل فيه
تشتت من بحثي اللي يقول ايه واللي يقول لا :(:(
تفضل الإجابات بالشرح الممل
اخوي طال عمرك
إذا توظفت معيد وانت لا زلت بوظيفه معيد تقدم على الجامعه الي تبي تنقل لها تروح للجامعة المقصودة وتقدم على طلب نقل مرفوق بالمباشرة وقرار التعين على رئيس القسم ثم تمر بالمجالس المعروفة ( القسم -الكليه -الجامعه [الدراسات العليا ]) وإذا وافقو يعطونك مواقفه نقل الآن تقدر تقول انك أنجزت 50٪
الان ترجع لكليتك الأصل وترفع على رئيس القسم الموافقه بالنقل وتجيه وتشرح له ظروفك لانه الخطوة الأساسية لنجاح معاملتك ثم تمر بالمجالس المعروفة ( القسم -الكليه -الجامعه [الدراسات العليا ] إذا وافقو مبروك سوف تنتظر حوالي ثلاث شهور كلها إجراءات أداريه حتي يعطونك إخلاء طرف ثم تروح لكليتك الجديدة وترفع مباشرة من هناك <<<<<<هذا الوضع إذا كنت على وضيفه معيد
نفس الحال إذا كنت تحمل درجه الماجستير ولكن يجب ان تعلم انك إذا ابتعثت على حساب الجامعه فلابد من قضاء فترة تعادل فترته دراستك خارج الجامعه قبل طلب النقل لخارج الجامعه هذا الحال ينطبق أيضاً على حامل الدكتورة
واما من ناحيه الخدمة
فنعم تحسب لك الخدمة كامله ولا ينقص ولا يوم لو نقلت لألف جامعه
امل من الله أني أوجزت لك بالفائدة المرجوة
والمعذرة كتبتها على عجاله فربما تجدون بعض الأخطاء الإملائية فسامحوني
لدي العلم ولا أريد ان البخل به على محتاجه
ان أعجبك كلماتي فدعو لي
والسلام عليكم
الله يجزاك خير ويفرج همك يارب
الحمد لله حلو كذا
الله يرزقك ووالديك الفردوس الاعلى
وعليكم السلام ورحمة الله وبركاته