رد: معيده بجامعة الملك سعود بن عبدالعزيز للعلوم الصحيه
مشكووره املي كبير ربي يوفقك
انا عندي مقابله لمعيده عندهم
لكن صراحه ما اقدر ابتعث لظروف
هل بالامكان اتوظف سنه عندهم ع اساس اكسب خبره !!
وهل صحيح راتبهم خلال السنه اللي قبل الابتعاث 9 الاف ؟!!
ياليت احد يعطيني رايه ،، جدا محتاره ..
ب انتظاركم
رد: معيده بجامعة الملك سعود بن عبدالعزيز للعلوم الصحيه
ياليت الي يعرف جاوب أسئلتنا يجاوب عليها والله شبه ضايعين
اللع يسهل أمرنا
رد: معيده بجامعة الملك سعود بن عبدالعزيز للعلوم الصحيه
الأخت شروق و أملي كبير ..
شفتكم محتارين وقلت اساعدكم بما انهم قليلين اللي يعرفون تفاصيل هالجامعة ... مع أن مالي علاقة بالجامعة نهائياً :)
المقابلات الشخصية طبعاً بتكون باللغة الإنقليزية بما ان تخصصاتكم طبية وعلمية .. وممكن يتساهلون معكم ويسألونكم بعض الأسئلة بالعربي
لجنة المقابلات مكونة من دكاترة ودكتورات(سعوديين وأجانب) لهم علاقة بتخصصاتكم وبعضهم مسؤولين في الكليات اللي رشحتكم.
التعيين المبدئي يكون على نظام التأمينات( يسمونه التشغيل الذاتي) لأول سنة لما تحصلون على قبول وتبتعثون(يمشي لكم نصف الراتب الأساسي مثل الجامعات الأخرى.)
الجامعة لجأت للتعاقد على نظام التشغيل الذاتي لأن ماعندها وقت تنتظر أرقام وظيفية من الخدمة المدنية .. يبون يوظفون ويبتعثون بأسرع وقت. الآن الجامعة شغالة على موضوع تحويل جميع الموظفين (المعيدين والمحاضرين والأساتذة) الى نظام الخدمة المدنية ... للمبتعثين واللي رجعوا من الإبتعاث ولا زالوا على نظام التشغيل الذاتي.
بالنسبة للدوام والإجازات ... اللي اعرفه انه لك بالسنة إجازة شهر، والدوام من الساعة 8 الصباح الى الساعة 4 عصراً. وبإمكانك التفاهم والتنسيق مع رئيس القسم والكلية :)
رواتب التشغيل الذاتي أعلى شوي من رواتب أعضاء هيئة التدريس بالجامعات .. الرواتب تبدأ من 12 ألف ريال تقريبا للمعيدين والمحاضرين (راتب أساسي + بدل طبيعة عمل + بدل سكن + بدل نقل + بدلات خطر للمتخصصين طبياً)
توجه الجامعة للإبتعاث لدولتين فقط .. أمريكا وكندا. لكن هذا مايمنع انكم تتوظفون عندهم وتحاولون يبتعثونكم لجامعة الملك عبدالله للعلوم والتقنية اذا تخصصاتكم متوفرة ومعكم قبول منها (جامعة الملك عبدالله ممكن تتساعد معكم بما أنكم مبتعثين من جامعة)
جامعة الملك سعود بن عبدالعزيز للعلوم الصحية جامعة متخصصة، ولها مستقبل .. وأنصحكم تسوون المقابلة وتتوظفون معهم اذا ماعندكم عروض أو فرص أخرى، أقلها تكسبون خبرة ويمشي لكم راتب كويس :)
الترشيحات النهائية ممكن تاخذ الى شهر بعد المقابلة لأنها تحتاج اعتماد وكيل الجامعة للشئون التعليمية ومدير الجامعة.
هذي صفحة تجمع مبتعثين الجامعة بالفيس بوك .. اذا عندكم استفسارات اكثر ممكن يفيدونكم https://www.facebook.com/pages/%D9%8...00916926607417
وان شاء الله تتسهل أموركم ونسمع منكم أخبار حلوة قريباً :)
الله يوفقنا واياكم
رد: معيده بجامعة الملك سعود بن عبدالعزيز للعلوم الصحيه
مشكووور سعد
ربي يعطيك الف الف عافيه و يحقق ما تتمناه يااارب كفيت و وفيت
بالتوفيق لك يارب
رد: معيده بجامعة الملك سعود بن عبدالعزيز للعلوم الصحيه
شكرا سعد جزيت خيرا
- - - مشاركة محدثة - - -
شكرا سعد جزيت خيرا
رد: معيده بجامعة الملك سعود بن عبدالعزيز للعلوم الصحيه
السلام عليكم
مرحبا جميعا
أنا قدمت ع معيدة بالجامعة في الاحساء بس المشكلة أنا لسى ما تخرجت -_-" هذا آخر سمستر لي
ولما اتصلت عليهم أسألهم قالت لي الموظفة تعالي المقابلة السبت 30 مارس وقولي لهم
و أنا خايفة لما أقولهم ما يقبلوني بعدين لما أقدّم عليهم مرة ثانية
وأنا لسى ما استلمت وثيقة التخرج ولا عندي توصيات
ايش أسوي :( ؟
وشكرا
رد: معيده بجامعة الملك سعود بن عبدالعزيز للعلوم الصحيه
كلميهم اذا ممكن يأجلون مقابلتك
طيب كم باقي لك وتخرجين
رد: معيده بجامعة الملك سعود بن عبدالعزيز للعلوم الصحيه
بكلمهم إن شاء الله السبت
باقي لي شهر إن شاء الله بس مدري متى يعطوني وثيقة التخرج ><
تتوقعين عادي لو عطيتهم بس كشف الدرجات .؟
رد: معيده بجامعة الملك سعود بن عبدالعزيز للعلوم الصحيه
شوفي من الأوراق الي طالبينها الوثيقة
اخذي الأوراق الي عندك وكلميهم
والله يقدم لك الي فيه خير