اقدر اكمل داخلي

السلام عليكم ورحمة الله و بركاته
انا معيدة جديدة لي سنة من تعينت و عندي موضوع محيرني و خايفة منه كثير الاا و هو موضوع الابتعاث
انا و لله الحمد اقدر اكمل برا و ظروفي تسمح ابتعث خارجي بس المشكلة مو الآن يعني ماقدر اكمل خارجي إلاا بعد 4 او 3 سنوات لما تتعدل ظروفي العائلية و المشكلة الجامعة محددة لنا وقت معين لازم نطلع فيه و انا حاليا ماقدر ابدأ اجراءات ابتعاث و لا أقدر اطلع بالوقت الحالي وخايفة اتحول اداريه و الشئ اللي اعطاني نوعا ما بصيص امل كلام وزير التعليم العالي عن عدم اجبار المعيدات على الابتعاث الخارجي و سمعت ايضا كلام انهم وافقوا على انو نكمل داخلي بس مو متأكدة من صحة هالشئ و ابي اتاكد لو كان هالكلام صحيح افكر اقدم السنة الجاية على ماستر بجامعة سعود او فيصل لأن فيها تخصصي على الأقل ادرس هنا بالسعودية على بال ماتتعدل ظروفي ووقتها بالدكتوراة ابتعث خارجي و مستعدة اوقع على هالشئ بس لو اضمن يوافقون ادرس ماستر هنا او حتى بدولة عربية مايفرق لأني ماقدر اتغرب فترة طويلة بدولة اجنبية في الوقت الحالي فالله يعافيكم ارشدوني و طمنوني انا خايفة يسألوني عن الابتعاث و ماعرف ايش اقول و الله خايفه ....

وعليكم السلام ورحمه الله وبركاته ..

أختي الكريمه .. أحد زميلاتي بالعمل لها متعينه معيده 3 سنوات ولا أحد اجبرها على الابتعاث ولا حولوها اداريه .. لكنها الان بدات بإجراءات الابتعاث .. وبتطلع قريب ان شاء الله ...

المهم انها جلست 3 سنوات وهي معيده وعادي ماصار لها شي رغم انها سبق وان تعهدت بالسفر للخارج بعد السنه الاولى من التعيين كأحد اجراءات وشروط تعينها .. < وهذي النقطه الي تهمنا ..

فلا تشيلي هم التعهد الي أخذ عليك عند تعيينك .. لأن في الامر مرونه .. فما باللك بعد تصريحات العنقري ؟ أكيد بتزيد من مرونه الموضوع ..

وانصحك إذا تقدري تطلعي بعد 3 سنوات ... انتظري وخذي الماستر برا .. ولا تقدمي داخلي .. وخلال فتره انتظارك هذي .. طوري لغتك وحسنيها .. بحيث اذا تسهلت أمر بعثتك ( ولاك والمه باللغه).. فتبدين بالماستر على طول ..

فإعتبري نفسك خلال المده هذي(3سنوات) والي تسبق ابتعاثك .. انك بفتره اللغه واجتهدي فيها ..

والله يسهل امري وأمرك وكل مسلم ..

وعليكم السلام ورحمة الله وبركاته
بخصوص سؤالك والله ما عندي إجابة لكن اللي أملكه لك هو الدعاء

الله يفرج همك وييسر لك كل ما تعسر من أمورك ويفتح لك ابواب الخير