في مرحلة اللغة و حصلت على قبول جامعي .. وش اسوي؟
السلام عليكم و رحمة الله و بركاته
شخبار المبتعثين؟
أنا معيد بأحد الجامعات فالسعودية و ادرس اللغة في امريكا حصلت على قبول جامعي معترفه ع موقع الوزارة لفصل fall 2014 ـ و عندي بعض الاسئلة:
1- هل ارفع قبولي من الان أو انتظر ينتهي هذا السمستر للغة (شهر ابريل) علما ان دراسة الماستر للجامعة تبدأ في أوقست
2- هل ارفع قبولي للجامعة اللي مبتعثتني او للملحقية؟ و لو رفعت الطلب كم انتظر حتى يتم الموافقة على طلبي سواء لجامعتي السعودية او من الملحقية؟
3- في حال رفع الطلب هل يلزموني بأن ارجع للسعودية و أباشر عملي حتى تبدأ دراسة الماستر او انتهي من فترة اللغة و انتظر حتى شهر أوقست و ابدأ دراستي؟
4- هل يتم ايقاف الصرف علي خلال هذه الـ4 اشهر من ابريل - اوقست؟ وش بيكون وضعي المادي؟
اتمنى تزودني بكل التفاصيل الواجب علي عملها.!
شكرا لكم جميعا و اسأل لكم التوفيق و السداد بحياتكم العلمية و العملية !!
رد: في مرحلة اللغة و حصلت على قبول جامعي .. وش اسوي؟
وعليك السلام ورحمة الله وبركاته
أنا وضعي غير وضعك شوي.. أنا أخذت القبول للدكتوراه وكانت البداية خلال شهر أو شهرين ومشيت أموري وحولت .. لكن المشكلة كانت بأمور الفيزة.. أنا كنت طالع بتأشيرة لمعهد اللغة التابه لنفس الجامعة .. ولكن لأن البرنامج يختلف اضطريت إني أرجع للسعودية أغير الفيزة من لغة إلى دكتوراه ..
لكن اللي أفترضه إنك طالع من الجامعة على قبول لغة وماجستير ودكتوراه .. والمفترض إنك تروح تدرس لغة وتبحث عن قبول ماجستير .. ولا راح ترجع إلا بعد نهاية الدكتوراه
فالموضوع عادي ترفع القبول للملحقية والملحقية بدورها تحوله على الجامعة ويأخذ دورته ( قسم - كلية - مجلس علمي - مجلس جامعة ) ثم تصدر الموافقة وترسل للجامعة ثم إلى الملحقية .. وهذه العملية تأخذ وقت على حسب جلسات المجالس العلمية بالجامعة عندكم ، ربما ٣ شهور وتصل الموافقة ..
وضعك لا يتغير كطالب لغة .. حتى بداية الماجستير .. ولن يلزموك بالعودة ، ولن تعمل بالجامعة حتى بداية دراستك .. مثل ما قلت لك ربما ترجع لتعديل الفيزة أو إن سمح لك النظام تعدلها من عندك .. أنا اختلف عنك لأني في بريطانيا وأنت في أمريكا فأمور الفيزه لا أفتيك فيها ..
بالتوفيق ، وأسأل الله لك التوفيق والنجاح يا دكتورنا ..
رد: في مرحلة اللغة و حصلت على قبول جامعي .. وش اسوي؟
نفس وضعك تمام ,,أنا قالوالي أرجع وأأجل بعثة لأنها على أوغست تبدأ واللي قاهرني انهم وقفوا صرف!
كيف الحل معهم؟؟ هل لما أسوي ترقية المفروض يرجعوا يصرفوا ؟ ولا مستحيل يصرفوا الا اذا على شهر أوغست :(
رد: في مرحلة اللغة و حصلت على قبول جامعي .. وش اسوي؟
الأخ اللي يتحدث عن بريطانيا، طبعا أمريكا تختلف لأن الفيزا هي نفسها ما تفرق سواء لغة أو ماجستير أو أي شيء طالما أنها فيزا طالب.
طبعا إذا كانت الفترة ما بين اللغة والمرحلة الأكاديمية أكثر من 3 أشهر، راح يجبرونك ترجع وتجي بداية الدراسة، وإذا كانت أقل راح يصرف لك الراتب وتقدر تسافر السعودية على أنها إجازة.
رد: في مرحلة اللغة و حصلت على قبول جامعي .. وش اسوي؟
اقتباس:
المشاركة الأصلية كتبت بواسطة Linguistics Consultant
الأخ اللي يتحدث عن بريطانيا، طبعا أمريكا تختلف لأن الفيزا هي نفسها ما تفرق سواء لغة أو ماجستير أو أي شيء طالما أنها فيزا طالب.
طبعا إذا كانت الفترة ما بين اللغة والمرحلة الأكاديمية أكثر من 3 أشهر، راح يجبرونك ترجع وتجي بداية الدراسة، وإذا كانت أقل راح يصرف لك الراتب وتقدر تسافر السعودية على أنها إجازة.
انا طالعه بعد شهر لغه و دكتوراه باذن الله
المشكله قبولات الدكتوراه تبان ع مارش وتبدأ الدراسه على سبتمبر الفتره بينهم طويله
هل ينفع اذا جاني القبول (ان شاء الله ) ما ارفعه للقسم الا في جولاي وفي الفتره دي ادرس لغه عادي ما اعلمهم؟ لان فتره اللغه ماتكون انتهت اساسا
رد: في مرحلة اللغة و حصلت على قبول جامعي .. وش اسوي؟
اقتباس:
المشاركة الأصلية كتبت بواسطة b.saleh
انا طالعه بعد شهر لغه و دكتوراه باذن الله
المشكله قبولات الدكتوراه تبان ع مارش وتبدأ الدراسه على سبتمبر الفتره بينهم طويله
هل ينفع اذا جاني القبول (ان شاء الله ) ما ارفعه للقسم الا في جولاي وفي الفتره دي ادرس لغه عادي ما اعلمهم؟ لان فتره اللغه ماتكون انتهت اساسا
إذا كان نفس التخصص اللي انت مبتعثة عليه، عادي تقدري ترسلي القبول متأخر والملحقية راح تصرف عليك لين نهاية الفصل الأول في الدكتوراه ولكن لو تأخر رد الجامعة إلى ما بعد انتهاء الفصل الأول راح يوقف عليك الصرف.
رد: في مرحلة اللغة و حصلت على قبول جامعي .. وش اسوي؟
ليش المحازفه مايحتاج الموضوع ... ارفعي القبول وعادي كملي لفة محد بيقولك اطلعي من اللغه عشان عندك قبول وخصوصا القتره ماخلصت. والملخقيه عارفه انه موافقه الجامعه تاخذ وقت فبيخلونك لغه. . المشكله فقط اذا المده تبع اللغه خلصت وانت غندك قبول جامعي مايمددوا لك.
( تمت المشاركة باستخدام تطبيق مبتعث )