عرض للطباعة
السلام عليكم ورحمة الله وبركاتة
حياكم الله جميعاً
أخواني أنا أول مرة أختبر إختبار الآيلتس وعندي إستفسار :-
بانسبة لإختبار الـSpeaking ما فهمته زين . ما فهمت نقطة لما يعطيك الشخص الي يختبرك ورقة أو كرت وش سالفه هذي الورقة أو الكرت ووش المطلوب منها بالتحديد ؟
انا ما اختبرته ولا قد جربته بس اتوقع انو من كلمة سبيكنق يعني لك تكلم وهم يصححون لك
صح ياشباب؟؟
الي يعرف لا يقصر
يعطيك ورقــــــه او كرت بها اسطر انجليزيه ماعليك ســـوى التركيز في القراءه ونطق الكلمات بالشكل الصحيح والقراءه الجميله وغير السريعه معا الوقوف للكاما او الفواصيل ..
thank you
مرحبا
اختبار السبيكنق، هو اخر جزء من الآيلتس، ومدته ربع ساعة تقريباً. يناديك المختبر ويسألك عن اسمك ويطلب جوازك وبعدين يسألك سؤالين خفيفة تمهيدية عشان يحطك بالجو، ثم يشغل مسجل صوت عنده ويقعد يتكلم يقول هذا اختبار ايلتس لفلان الفلاني يوم كذا تاريخ كذا... الخ، ثم يعطيك ورقة مكتوب فيها سؤال في سطر او سطرين ويقعد يكتب في ورقة عنده ليتيح لك فرصة قراءة السؤال. السؤال اللي جاني تحدث عن هواياتك الرياضية عندما كنت صغيراً. تقرا السؤال تجمع افكارك بسرعة ثم تبدأ تجاوب. اهم شي اذا انطلقت في الكلام حاول قد ما تقدر انك تستمر ولا توقف الا اذا انجبرت ثم كمل وحاول انك تحرك ايدينك وتفلسف حبتين وحسس نفسك انك في مقابلة عادية، وطول ما هو يستحثك بالاشارات وتعابير الوجه حاول تكمل لا توقف الين يقول لك بس. ممكن يسألك سؤالين تعقيبية متعلقة بالموضوع اللي حكيته واعتقد ان السبب في هالسؤالين او الثلاثة ان الطالب ما غطى الوقت المطلوب اللي هو عشر دقايق او حولها فيستطرد معك بهالسؤالين!! ولو ما فهمت السؤال قول له ريبيت بليز، بعدها يقول لك خلصت مع السلامة وتطلع من القاعة. وسلامتك.
الغريب ان سؤال الرياضة هذا جاني في كلا المرتين اللي اختبرت فيها، نفسه نصاً.
ارجو ان اكون قد افدتك.