مجموعة أسئلة من متخرج ثانوي أرجو الإجابة

السلام عليكم ورحمة الله وبركاته.....

مما أصابني بحالة تشتت ذهني وفكري
هو أني أريد بعثة
وأريد توضيح بعض النقاط التي جعلتني بحلتة تفكير عميقة
أخوتي
أنا نسبتي99% والقدرات80% والتحصسلس80%
قوووولووا ما شاء الله
ولاحد يحسدني
أبي أدرس مابعد الثانوي اللي هو البكالوريوس
-----
س\هل سيتم قبولي
س\وإن تم قبولي إن شاء الله - وإياكم -المبدئي وقدمت أوراقي وهي مطابقة للشروط هل القبول تم مع أني مستعد لحضور الدورات المقدمة منهم؟

س\يا أحبابي والله معرف أيش الإجراءات هل أنا أقوم بالبحث عن الجامعة اللي أبيها وإلا الوزارة تتبنى ذلك؟

س\كيف اخذ الفيزا بعد قبولي؟

س\اللغة الإنجليزية هل هي شرط ...خصوصا معي لغة مشي حالك؟

س\هل اللي راح يطلعون بعثة مقيدين بعدد معين من الطلاب أم المجال مفتوح لمن توافقت فيه الشروط؟

س\متى موعد الرحلات للسفر

س\هل القبول من الجامعة لابد أن تقوم به الوزارة بدلا منا ؟
--------------
أعتقد هاذي جميع إستفساراتي

والله يحقق حلم كل مسلم
بما يرضي الرب عزوجل
الله يوفق الجميع
أتمنى المختص يرد علي أو أي أحد فاهم الموضوع من جهة موثوقة لأني والله كلما خشيت
موقع قالو كلام فتهنا

بيض الله وجيهكم مقدما وجزاكم الله عنا خير الجزاء

والسلام مسك الختام

ماشا الله تبارك الله

الف الف الف مبروك

طيب السؤال اللي يطرح نفسو
ايش التخصص اللي في بالك ؟؟؟
عشان كل تخصص لو معلومات لوحدو


بالتوفيق

السلام عليكم

انا الحمد لله نسبتي 99 ثانوي و 89 قياس و91 تحصيلي وابي اقدم بعثة وعند كم سؤال

الحين انا اقدم في الجامعات السعودية وانقبلت في احدها وقلت لنفسي باضمن لي مقعدي وبعدها قبلت قي البعثة هل بامكاني اسحب ملفي او لا ؟

واذا سحبت الملف وذهبت الى البعثة وقدر الله اني ما مشيت كيف الطريقة او وش اللي اسويه

انا الآن ابي ايرلندا اذا جاني دولة غيرها وش السواه ؟؟ وعلىاي اساس يحددون الدول والجامعات ؟


والاسئئئئئئئئئئئئئئئئئئئئئئلة كثيييرة بس فاصل ونواصل وانا منتظر الاجوبة الله لا يهينكم

اقتباس:

---

المشاركة الأصلية كتبت بواسطة عازف ألم

السلام عليكم ورحمة الله وبركاته.....

مما أصابني بحالة تشتت ذهني وفكري

---

اقتباس:

---

المشاركة الأصلية كتبت بواسطة عازف ألم

هو أني أريد بعثة
وأريد توضيح بعض النقاط التي جعلتني بحلتة تفكير عميقة
أخوتي
أنا نسبتي99% والقدرات80% والتحصسلس80%
قوووولووا ما شاء الله
ولاحد يحسدني
أبي أدرس مابعد الثانوي اللي هو البكالوريوس
-----
س\هل سيتم قبولي
س\وإن تم قبولي إن شاء الله - وإياكم -المبدئي وقدمت أوراقي وهي مطابقة للشروط هل القبول تم مع أني مستعد لحضور الدورات المقدمة منهم؟
ان شا الله سوف يتم قبولك - يتم القبول المبدئي وهذا يضمن لك مقعد ان شاء الله
س\يا أحبابي والله معرف أيش الإجراءات هل أنا أقوم بالبحث عن الجامعة اللي أبيها وإلا الوزارة تتبنى ذلك؟
مرحلة البكالوريوس مايسوون شي كل شي على الوزارة
س\كيف اخذ الفيزا بعد قبولي؟
يحددونلك موعد مقابله للفيزا بعدين تنتظر لين تطلع الفيزا (بدري على هذي الخطوه راح تعرف عنها اكثر بعدين)
س\اللغة الإنجليزية هل هي شرط ...خصوصا معي لغة مشي حالك؟
اذا كنت تقصد ان لازم تكون تعرف انجليزي قبل تروح لبلد الابتعاث لا مولازم في ناس يروحون وهم مايعرفون ولا كلمه - السنه الاولى في بلد الابتعاث راح تكون بمعهد لغه وهذا شي لازم واذا كانت لغتك كويسه ماراح تطول في المعهد
س\هل اللي راح يطلعون بعثة مقيدين بعدد معين من الطلاب أم المجال مفتوح لمن توافقت فيه الشروط؟
ماعندي فكره بس بما انهم دققو اوراقك انت مقبول ان شا الله
س\متى موعد الرحلات للسفر
تختلف من شخص لشخص يعني متى ماطلعت فيزتك تسافر
س\هل القبول من الجامعة لابد أن تقوم به الوزارة بدلا منا ؟
الوزارة هي تجيب القبول لمرحلة البكالوريوس بس في ناس اذا في بالهم جامعه معينه يقدرو يجيبو لنفسهم قبول عن طريق مراسلة الجامعه
أعتقد هاذي جميع إستفساراتي

والله يحقق حلم كل مسلم
بما يرضي الرب عزوجل
الله يوفق الجميع
أتمنى المختص يرد علي أو أي أحد فاهم الموضوع من جهة موثوقة لأني والله كلما خشيت
موقع قالو كلام فتهنا

بيض الله وجيهكم مقدما وجزاكم الله عنا خير الجزاء

والسلام مسك الختام

---

موفق اخي وان شا الله ننقبل كلنا والله يوفقنا دنيا واخرى

دعواتكم لي بالابتعاث

ان شاء الله كلكم تنقبلون .,.,
انا اللي اللحين انقبل ولا لا .. نسبتي 99 وقدرات 74 والتحصيلي 76
صحيح مو مرتفعه لكن مستوفيه الشروط ,.,.؟؟؟؟؟؟
ياااااااااااااااااااااااارب .. يقبلوني

وعليكم السلام ورحمة الله وبركاته :) ..

ماشاء الله الأخت مشاعل ماقصرت، بس حبيت اضيف نقطه بخصوص اللغه الانجليزية ..

مره لا تشيل همها؛ لان أول سنه راح تدرسها في بلد ابتعاثك راح تكون سنة لغه بس، سواء انجليزي ولا ألماني ولا غيرو من اللغات .. على حسب نظام البلد أو الجامعة اللي راح تدرس فيها ان شاء الله ..

وكمان غير كذا .. بعد فترة التقديم والقبول المبدئي ، راح يسوو لكم اختبار تحديد مستوى للغة الانجليزية .. وعلى حسب مستواك راح يخلوك تدرس في السعودية اول شي دورة في الانجلش مدتها حوالي شهرين او ثلاثه شهور اعتقد ..اما اذا تعديت درجة معينة في اختبار تحديد المستوى.. راح يعطوك اعفاء من الدوره .. بس ماراح تستفيد اي شي حتى لو اخذت اعفاء .. راح تقعد تستنى الى ماتخلص الدوره ..

بالنسبة للأخ walloo100 ..

بخصوص التقديم على الجامعات اللي في السعودية .. اظن انهم يطلبو الشهاده الأصلية .. وكمان في البعثة راح يطلبو منك الشهادة الأصلية فعشان كدا .. راح تضطر انك تسحب ملفك وهذا الشي صار معاي العام الماضي واضطريت اسحبه : ( ..
بس ماادري اذا حتى في هذي السنه طالبين الشهادة الأصلية ولا لا ! لازم تتأكد من الموضوع ..
اما القبول .. فإذن الله بيقبلوك مادام ان جميع الشروط منطبقة عليك ..
لما راح تقدم عن طريق الموقع راح تكون هناك دول محدده وانت تختار رغباتك .. وحتى بالنسبة للتخصص راح يكون تخصصات طيبة فقط ..
وطبعا اذا جاك دولة غير اللي اخترتها في رغبتك الأولى او حتى في التخصص .. ممكن تكلمهم .. بس في العام الماضي وقعنا على تعهد انك ترضى بأي دولة وأي تخصص .. حتى لو غيرولك هو .. يعني انت وحظك..
بعض الطلاب تغيرلهم وبعض الطلاب لأ ..
العام الماضي اللي اختارو ايرلندا رغبتهم الأولى كانو حاولي 200 .. واختارو منهم 50 .. والبقية حولوهم دول ثانية من على حسب الدول المناحه والرغبات المختاره..
وعلى قولتهم التحديد يكون حسب نسبة الثانوي والتحصيلي والقدرات .. يعني الأفضل فـ الأفضل :] ..


بالتوفيق للجميع، والله ييسرها على الجميع ويحصلوا على مرادهم يارب..

بيض الله وجهك مشاعل ويعطيكي ألف مليون عافيه ويارب أنتي أول اسم مبتعثه هالسنه
_ _ _
أيمن لك فائق تقديري
آند طب بشري
الله يستر عليك ياتاج راسي
_ _ _
الدكتور سن سن جزاك الله ترليون خير ووفقك الله
_ _ _
عبدالعزيز :walloo100‏ ‏:
وأنا مثلكم
اعقلها وتوكل على الله وكفى بالله وكيلا
استشير أهل الخبره واستخير الرب
ماخاب من استشار ولا ندم من استخار

_ _ _ _
يارب توفقنا جميعآ
وتيسر لنا لما فيه رضاك وفيه خير لنا ولأمتنا
_ _ _ _ _
أحبكم وبالتوفيق للجميع

تعديل : :سوري بالمقطع الثاني
إيمان : يسلم قلبك أختي
انا ابغى طب بشري
لكي فائق التقدير والإحترام

استفدت من اسئلتك عازف أمل وأجوبت اخواني

الله يجزاكم خير

يعطيك العافية دكتور سنان (( شكلك تبي طب اسنان :fireman: )) بس ابي اسألك اذا قدر الله والله لا يقول له ما مشيت في البعثة وش السواه

اذا رجعت ابدأ من جديد جامعة او اواصل في نفس التخصص ( وهذي اللي جاني زاللي سمعت عنه ))

يعطيك العافية دكتور سنان (( شكلك تبي طب اسنان :fireman: )) بس ابي اسألك اذا قدر الله والله لا يقول له ما مشيت في البعثة وش السواه

اذا رجعت ابدأ من جديد جامعة او اواصل في نفس التخصص ( وهذي اللي جاني زاللي سمعت عنه ))

س\هل سيتم قبولي

ان شاء الله وخل املك بالله قوي وكبير يالغالي.

س\وإن تم قبولي إن شاء الله - وإياكم -المبدئي وقدمت أوراقي وهي مطابقة للشروط هل القبول تم مع أني مستعد لحضور الدورات المقدمة منهم؟

اذا تم قبولك مبدئياً يأتي بعد ذلك مرحلة تدقيق الاوراق وهذي بعد هذه الخطوهما يقارب شهر او شهرين تقريباً واذا تم تدقيق اوراقك وكل شيئ تمام بأذن الله سوف تقبل نهائياً.


س\يا أحبابي والله معرف أيش الإجراءات هل أنا أقوم بالبحث عن الجامعة اللي أبيها وإلا الوزارة تتبنى ذلك؟

يالغالي هذا الشيئ لا تستطيع القيام به الا بعد معرفة اي دولة سوف تضعك فيها الوزارة لان المرحلة الخاسمة والرابعه من برنامج الابتعاث اختيار الدول كانت بأختيار وزارة التعليم العالي وليس الطالب.

س\كيف اخذ الفيزا بعد قبولي؟

هذا يعتمد على اي دولة قبلت عليها فكل دولة لها طريقة في التقديم والمقابلة والاجراءات والرسوم وهذه الخطوه سوف يقدم فيها موضوع متكامل باذن الله عندما يحين وقتها بأذن الله

س\اللغة الإنجليزية هل هي شرط ...خصوصا معي لغة مشي حالك؟

اخي الكريم هذا شيئ لابد منه والمعذره ان مهما كانت لغتك من قوه ولله الحمد ولكن عندما تبتدأ الدراسة راح تكتشف انك تحتاج إلى التعلم المزيد والمزيد من اللغة.

س\هل اللي راح يطلعون بعثة مقيدين بعدد معين من الطلاب أم المجال مفتوح لمن توافقت فيه الشروط؟


لا يكون هناك بالعاده تقيد بارقام ولكن هناك تقيد بشروط وتوفرها في الطلاب المرشحين.

س\متى موعد الرحلات للسفر

هذا الشيئ لسه بدري عليه جدأ فانت في الخطوه الاولى من خطوات السجيل فلا تستعجل.

س\هل القبول من الجامعة لابد أن تقوم به الوزارة بدلا منا ؟

تستطيع توفير القبول بنفسك ولكن يجب ان تكون الجامعه معترف بها من قبل وزارة التعليم العالي وايضاً ان لا تكون موقوفه بسبب تكدس طلاب العرب.


تحياتي لك وبالتوفيق ان شاء الله

السلام عليكم
شباب حبيت استفسر انا جايب بالثانوي 96.18 والقدرات77 والتحصيلي 82
هلممكن انقبل في برنامج الابتعاث ولو طلع اسمي في القبول المبدئي يعني ان مقبول
وهل اذا سحبت ملفي من الجامعة وقدمت في القبول المبدئي اني اضمن لي مقعد
في الابتعاث
ياليت تجاوبوني

اقتباس:

---

المشاركة الأصلية كتبت بواسطة مجهول المشاعر

السلام عليكم
شباب حبيت استفسر انا جايب بالثانوي 96.18 والقدرات77 والتحصيلي 82
هلممكن انقبل في برنامج الابتعاث ولو طلع اسمي في القبول المبدئي يعني ان مقبول
وهل اذا سحبت ملفي من الجامعة وقدمت في القبول المبدئي اني اضمن لي مقعد
في الابتعاث
ياليت تجاوبوني

---

وعليكم السلام ورحمة الله وبركاته

أخوي جميع شروط الابتعاث منطبقة عليك
يعني إن شاء الله من المقبولين
القبول المبدئي لايعني القبول النهائي
لأن القبول النهائي يعتمد على كمال أوراقك ومطابقة البيانات المسجلة في النظام مع الأوراق اللي معك

ودام أوراقك كاملة بإذن الله ح تكون من المقبولين نهائيا

بالتوفيق ^^

سؤالي انا مستوفية الشروط بس التحصيلي 75 يعني ع الحافة راح انقبل ؟
طيب انا مختاره صيدله هل هذا انو معناه ممكن يحولوني تمريض او اشعه ؟؟