مستوفيه الشروط ولكن ماقبلوني !!!

مشكلتك ان شاء الله لها حل
انتي راجعي الوزاره وان شاء الله تقدرين تحلين الموضوع

وماتدرين وين ربي كاتب لك الخير
لاتضيقين صدرك .. انه غلطتي هالغلط
اكيد فيه من غرض

وان شاء الله يارب تنحل امورك

الله يعينك ويوفقك .. وربي يكتب لك اللي فيه الخير .. أنا من رأئي تراجعي الوزارة مثل ماقالو اللي قبلي وتأخذي اوراقك عشان يتأكدو .. ولاتتأخري روحي راجعيهم وإن شاء الله ينكتب لك نصيب في البعثة ... ولاتضيقي صدرك ترى الدنيا ماتستــــــــاهل .. وموفقة إن شاء الله

أكيد لك حل
خلي الوالد يروح للوزارة بأقرب وقت وياخذ أوراقك ويشرح الوضع
وإن شاءالله خيره

شوفي نصيحه لاتتكلموا بدون اوراق يعني يكون جميع النسخ معاكم ولمن تقدموا موضوعكم تكلموا بالاوراق عند اي مسؤولين يعني اعرضوا عليه الشهاادات وانتم تتكلموا على اساس يطابق بنفس اللحظه الهرجه مع الواقع ويقدر ياخذ قرار سريع فاهمه على

يعني انا لمن كنت اشرح موضوعي كنت اتكلم واعرض الشهاده واقدمها بنفس الوقت

مثلا اقول: انا ياطويل العمر حاصل على هندسة حاسب الي وبمرتبه شرف (بهاللحظه اعرض عليه الشهاده واحطها بين يدينه) وبعد كذا اوريه التوصيات وبعدها اوريه الجواز وبعد كذا اوريه رقم الترشيح والحاله (اطبعيها من موقع الوزارة على شان تثبت الخلل) يعني مو مهم الترتيب في العرض اهم شي الكلام يتناسق مع عرض الاوراق

طبعا انتي ماراح تقدري تقابلين المسؤولين الرجال لانه لازم محرمك يفهم الهرجه زين وهو يتكلم

تبين اقلك ايش راح يقولون لك

راح يقولون لمحرمك او لك انتي في قسم النساء اكتبوا خطاب اعتراض (اكتبوه وخلوكم مع النظام)

(انا اقول) بعد كذا تبدا عملية البحث على المسؤولين ويبدا النقاش مع اللي في الرسبشن وبكل مكان بخصوص الموضوع

الدكتور الموسي للعلم يصلي الظهر غالبا في المسجد اللي بالدور الارضي اللي بنفس مبني وكالة البعثات بحي الغدير واغلب المسؤولين كذلك فلو ماقدرتم تقابلون احد راح تشوفونه يصلي هناك لأنه السكرتيه عندهم تعليمات مايسمحون لأحد يدخل ابد ولكن اي موظف تري يقدر يساعدكم انا بالنسبه لي زعلت وقلبت عاليها واطيها فالبدايه لانه السكرتي نرفزني وقال لي روح من هنا وحسيت انه كانه يأمر على ووعدت نفسي اني ماطلع الا وانا مقابل رأس الهرم لو كان وزير التعليم العالي لني كنت اشعر بالظلم الكبير

المهم سويت لهم حفله عند الرسبشن وقلت اني حاصل على هندسه حاسب الي امتياز وبمرتبة شرف وييييييين اسمي ماطلع والدكتور الموسي يقول كلنا ابناء الوطن انا ابي اقابل الدكتور الموسي صراحة واتأكد هل انا احد ابناء الوطن او لا على كلامه هو

في هاللحظه خرج الاستاذ البقمي واخذني معاه وبدت تنحل مششكلتي بالكامل لانه هو انجن اصلا وقال كيف اسمك ماطلع وجلس يدور ويحوس ويدور ويحوس ثاني ومالقي شي وقال لي خلاص راح نحل موضوعك وبدأ يعتذر بأدب ويقول انه الاخطاء تحصل وكذا وبعدها وداني عند المسؤولين بنفسه واحد واحد الي ان طلعني لمكتب الدكتور الموسي وتشرفت صراحة بمقابلة الدكتور الموسي ووعرضت موضوعي للدكتور الموسي ولقيت انه من احسن الناس تعاملا وخلقا وقال لي وهو مبتسم من باب الدعابه انت اول واحد نبتعثك ولكن اسمك سقط سهوا ومبروك البعثه وراح توصلك رسالة الترشيح اليوم باذن الله والله لمن قالها حسيت بالانصاف والعدل من شخص واثق من اللي هو يسويه فقراره كان في ظرف 10 ثواني او حولها لانه كان يستمع لي وينظر في اوراقي بنفس الوقت (يعني الخطأ مردود باذن الله وجل من لا يخطأ)
(طبعا انا جيت للرياض بشنطه صغيره واول ماوصلت على مبني وكالة البعثات دخلت بشنطتي مره مستعجل ومن كثر ماني مستعجل مافي احد دري اني جيت للرياض ابد ابد وهالشي انا تعمدت اني ادخل لوكالة البعثات بالشنطه عشان مايأخروني ابد ويمرمطوني لان كان ظغطي مره واصل حده وما ابي اي احد يتفلسف على او انه يوديني ويجيبني على الفاضي يعني انا كان موضوعي واضح جدا للجميع ولو قلته للسكرتي حتي كان قال انت راح تروح بعثه
والحمد لله شوفيني في بلد الابتعاث ومبسوط ويالله لك الحمد مرارا وتكرارا

انا ذكرت تجربتي عشان يمكن تستفيدين من شي ويعلم الله اني اقول لك وانا صادق الدكتور الموسي لمن يقول انه اي واحد ماقبل يروح يقاضي الوزارة فهو يعنيها لانه مافي احد لم يتم قبوله كذا عبث طبعا مع التقدم اللي تشهده الوزارة في كل عام

ابحثوا عن المسؤول عشان المسؤول يقدر يتخذ قرار بنفس اللحظه وتري انتي بتروحين لقسم النساء في خلف المبني وتحاولين بعد بطريقتك انتي
عاد ابوك في القسم الرجالي واي واحد يوصل فيكم لمسؤول او شي راح يبلغ الثاني بالجوال يعني رتبوا بينكم كمان حاولوا تكون الساعه 8 الصباح وانتم واقفين عندهم عشان تخلصون بدري بدري لانه حيكون زحمه اكيد لانه فيه ناس كثير مثلكم اتوقع بس مين اللي ينشب لهم صح ولا يرحون الا بكلام اكيد من المسوؤل الاول او احد المسؤولين.

انتي راح يكون اسهل بالنسبه لك ولازم انتي تحاولين بكل الطرق وبطريقه واسلوب بعد لأني انا لمن تنرفزت عشان الموظف يقول لي خلاص اكتب خطاب وروح وانا قلت لا ابكتب خطاب وانتظرك الان ضحك وقال روح لانها حتتأخر وانا مافيني انتظر يادوب صبرت يوم وطلعت الطياره وجيت اليما عندهم.

انا كنت اقول لموظف الرسبشن بعد ابي احد يحل مشكلتي الان موضوعي واضح جدا وانا اتكلم معاك بالمستندات وبحكم اني مطابق لكامل الشروط وبعد امتياز ومرتبة شرف بعد ماعتقد انه في ناس كثير حاصلين على مراتب شرف وصار مفاضله بينهم وطلعت انا برى الا اذا كان فيه شي ثاني انا ماعرفه انت ادري لانك مداوم هنا وتعرف اكثر مني.

انا اتكلم معاك بحكم اني مطابق للشروط اللي هذي هي (طبعت الشروط تراني وجلست اشطب عليهم واحد واحد قدامه) لأنه لازم اسوي كذا لاني ابي الموظف اللي اتكلم معاه يكون مركز صح .

لاتنسي كمان ادعي وانتي مسافره تري هالشي يساعد وادعي بوقت الانتظار وادعي بكل وقتك ولاتضيقين صدرك على خطأ مكتوب انك تخطئين فيه يعني مو مستاهله والورزارة ماراح تقول هذي غلطتك ويلا برا بلا مطرود بالعكس راح تلاقين كل اهتمام بعون الله خصوصا انك طموحه ومصرة على النجاح ويارب يارب يارب تتيسر لك .

وبعد هم قصدهم من انهم يقولون يلا اكتبي اعتراض وروحي وراح نرد عليك بأقرب وقت انهم ينظمون شغلهم بس انا ماكان فيني اصبر ابد وعلشان كذا سويت هالاشياء ولكن انتي لو بتصبري تري عادي راح ينصفوك في خلال 3 ايام اتوقع ولكن انتي تأكدي منهم كم يبيلهم وتلاقين رد منهم على اساس تجين لهم على الموعد وماتتصلين الله يعينك تتعبين شوي بس هذا لو كان فيك صبر الين يرتبون اهم ترتيباتهم وينظرون في موضوعك.

لاتنسين بعد اوراقكك وصورة من الحالة من على موقع الوزراة واي صورة من الاوراق المطلوبه لمرحلة التدقيق وبامكان ان تطلعي على شروطهم للتدقيق في المرحله الخامسه هذا في حالة انه ماتم الاعلان حتي الان للمرحله السادسه (ماعرف هو تم الاعلان او لا اعرف انهم حددوا مواعيد الملتقيات لاكن المستندات المطلوبه ماعرف حددت او لا) كل هذا على شان تكونين جاهزة

الله يوفقككم يارب ويسدد خطاكم يارب وتبشرينا هنا بعد بكل اللي يصير معاكم.



اي استفسار انا حاضر

ما حد قالت تسوي ه الشئ كان تاكدتي قبل خلاص انتهى التسجيل وش يسون لك بعد

الأمر بسييط وينحل ،زيارة بسيطة منك لهم وكله تمام

لا تنسي تبشرينينا بقبولك والله يكتلبنا جميعا من المقبولين دنيا واخره وفي الابتعاث كمان

لان البيانات يفرزها الكمبيوتر تلقائيا ويرسل رسائل لطلاب الغير مستوفين الشروط

راح يكون فيه فترة اعتراض وتقدرين تعدلين فيها الخطأ

الله يريح بالك وييسر أمرك يارب وتكوني من المقبولين بالدنيا و الآخره بكل خطوه بحياتك
لا تكتأبي حبيبتي و سويي زي ما قالولك الأخوان ولا تخلي شي يحطمك ولا يضعف عزيمتك
أرفعي يدك وأدعي وسويي إللي عليكي وربي أكيد بيوفقك ويسهلك ياكرررررريم

وطمنينا عليكي وفكي الباب وححكي أهلك و أفتحي النور والله يكتبلك البعثه ويكتبلك كل الخير فيها يارب

• إعلان هام للطلاب المتقدمين لبرنامج خادم الحرمين للابتعاث :على جميع الطلاب الذين تقدموا لبرنامج خادم الحرمين الشريفين للإبتعاث الخارجي وتنطبق عليهم شروط الإبتعاث ولم تظهر أرقامهم في إعلان النتائج النهائية مراجعة وكالة الوزراة لشؤون البعثات في كاونتر برنامج خادم الحرمين الشريفين للإبتعاث الخارجي من الفترة 7/11/1430هـ حتى 16/11/1430هـ وذلك خلال الدوام الرسمي أو من الساعة 6 مساء حتى الساعة 8 مساء
  
  هذا تنبيه قديم بس يعني فيه امل للي ظلمهم السستم
  
  
  الحقييييي بسرررررررررعة