الحيرة كل مالها تزيد ، ايهم افضل وظيفة معلم او الابتعاث ؟

فيه كلام كثير نفسي أقوله , لكن الوقت مايسمح ,أنا مجرب التدريس وشخصيتي كانت قويه في الكلاس , لكن مهما يكون بقلك روح إبتعاث وطور من نفسك , ياشيخ مو لازم وظيفه أهم شي راحة نفسك وتطوير ورقي نفسك بدل ماتتقيد بكتاب واحد وفكرك يكون محدود طيلة حياتك وانت الان في مقتبل عمرك , راح تتذكر الكلام هذا وتندم على فرصة الإبتعاث اللي ماراح ترجع مره ثانيه , وبالنسبه لي أشوف انه التدريس نهاية مطافه أقرب مستشفى نفسيه وفلوس العلاج هي راتب التدريس !

ولاتشيل هم الوظيفه بعد الإنتهاء من البعثه , تذكر دائماً أن الأرزاق بيد الله !

أنا أقلك , لو معيد مره حلو لكن مجتمع المدرسين مره مو حلو ..

واذا تلاحظ مايقلك روح التدريس إلا اللي ماجربه ..

.. رأيي الشخصي ..

بالتوفيق ..

اخـــوي .... الامــر في الاول والاخير يعوود لكـ,,

ولا تنسى اهــم حـــآجـه الاستخارهـ اكثر من الاستخارهـ واللي يقودكـ قلبك له لا تتردد لان هذا من الله تعالى..

انا عن نفسي ليس لدي خبرهـ في التدريس ابدا...ولكن كلامي كان كان من واقع رؤيتي لمعلميني في المرحله الثانويه

وكنت اشوفهم مرتاحين صرآحه......

وفي الاخير بالتوفيق لكـ في حياتك العمليه,,,,,,,,,

وعسى الله يوفقك ..

بيئة التعليم لدينا نكد وتعقيد

يا لطيف وش جاب لجاب

وبس

حرام عليك تترك وظيفتك



والله الذي لا اله الا هو

أني اعرف مدرس ترك وظيفته وراح الابتعاث. والله انه ندمان. لانه للحين ما كون نفسه ولا تزوج ولا سوى شي



القرار يرجع لك


المدرس يقدر ياخذ ماجستير ودكتوراه في الليل في الجامعات السعودية بلاش و بدون يدفع اي ريال وكمان في تخصص التعليم

استخير والله يوفقك

عن نفسي ابتعاث افضل وانت اعرف بظروفك اش افضل واريح لك ومقتنع فيه

وإذا اخترت الإبتعاث اختاره عن قناعه تامة عشان ما تندم نهائياً مهما واجهت من صعوبات

جيب ورقة وقلم ...... وسوي جدول .. حط الايجابيات والسلبيات لكل من التدريس والابتعاث ...

انا درست في مدرسة ... يعني بصراحة اللي لقيته انه مجتمع المدرسات مرةة مجتمع تفكيرة نوعا ما ضعيف وفكرهم صغير ... لانهم بيظلوا في نفس المكان وما بحاولو يطوروا فكرهم ...

درست كمان في مجال الجامعة .... ولقيت مستوى الاستاذات الجامعيات والدكتورات والاستاذ المشارك مستوى راقي وفكر عالي جدا ناس مثقفة ومحترمة والعلم زادهم رفعة سبحان الله ...

واشتغلت في العمل الاداري ... بصراحة ناس مستواهم الفكري ضعيف جدا ... والثقافي اضعف ... وحتى طريقة الكلام مررة غير راقية ..


الابتعاث تطور نفسك وفكرك ... وتتعلم اشياء ما كنت تقدر تتعلمها وانت في بلدك في عشرين سنة ... تشوف ثقافات اخرى وتتعلم اشياء جديدة ...
ومكانة اجتماعية كمان لما ترجع ... لكن المشكلة ما تضمن انك تتوظف .... الوظيفة اللي تناسب وتتوافق مع الغربة والتعب اللي تعبته ...

وعلى فكرة مع التدريس والانغماس في هذا العمل ولو لسنوات ... هيجيك يوم تراجع فيه نفسك وتفكر وتلاقي انه انت بتنزل لتحت صح راتب وشغل لكن الانسان هذي طبيعته انه يمل ...

الاستاذ الجامعي ... بيلاقي فرص انه يطور نفسه بالماجستير الدكتوراة بالاستاذ المشارك والمساعد ووووو ....


وطبعا قبل كل شيء ... انت الحين شاورت .. لكن اهم شيء الاستخارة والله يكتب للجميع اللي فيه الخير

الله يعيننا على الحيرة والله يسهل علينا

يا اخي الكريم أغلب الا في المنتدى راح يقولون لك الابتعاث لاننا جميعا قدمنا على البعثه ومقتنعين فيها قناعه تامه
لكن انا في رأيي أكسبهم الاثنين التدريس والابتعاث ..
اول شي كثير من المتخرجين السنوات الماضيه رجعو ومالقو وظائف صحيح الارزاق بيد الله لكن الوظيفه غير مضمونه حط هالشئ في بالك .. !!

وثاني شئ ممكن ( لاسمح الله ) تروح وتفشل وترجع في منتصف الطريق وقتها لا استفدت البعثه ولا الوظيفه + ماقدرت تكون نفسك .. !!

رأيي الشخصي أقبل بوظيفة التدريس أعمل فيها سنه على الأقل وقدم على معيد في الجامعه أوكمل ماجستير في أي جامعة في السعوديه انتساب او تعليم عن بعد بأي طريقه كانت ..

لو انهيت الماجستير لديك فرصه لتكمله الدكتوراه في الخارج وقتها تكون كسبت الوظيفه ( خبره + جمعت مبلغ جيد + أرتقيت فيها لشئ أكبر )

ولو قدمت على معيد راح تبتعث عن طريق الجامعه وتصير يعثتك مضمونه ووظيفتك لما ترجع مضمونه ,,
او ممكن تعمل في التدريس فتره معينه وتسافر تاخذ لغه وتجرب كيف بيكون الوضع وايش الأنسب والأفضـل لك ..

هذا رأي ونصيحتي لك لا تستبدل شئ مضمون بـ شيئ غير مضمونه نهايته ..

اتمنى لك التوفيق والنجاح

اقرا ردي في هذا الموضوع

http://www.mbt3th.us/vb/forum134/thread213996-2.html

أتمنى لك التوفيق والتيسير