الحيرة كل مالها تزيد ، ايهم افضل وظيفة معلم او الابتعاث ؟

السلام عليكم ورحمة الله وبركاتة

والحمد الله على كل حال

انا تعينت السنه هذا معلم مرحلة ثانوية والمباشرة 10/9 يعني بعد اربع ايام

وانا مقدم على الابتعاث وكل شروطي ولله الحمد مكتمله وان شاء الله اقبل في الابتعاث

والسؤال هنا ايهم افضل وظيفة مدرس او ابتعاث خارجي

وكل منها لها مميزات و سلبيات

الي جرب الابتعاث او جرب التدريس يقولها ايهم افضل بنظرة

انا بنظري التدريس يقتل الانسان الطموح من نايحة الطلاب ومن ناحية الادارة وتكون مدرس ما تتغير مدرس مدرس والمدرس مسكين لا مكانه اجتماعة دائما مظلوم والله يعينه على طلاب هذا الزمن

اما الابتعاث عيبا الاكبر المستقبل المجهول لها والخوف من الفشل

ويالي يقدم نصيحة نكون له شاكر

والله يكتبلنا الي فيه الخير والصلاح بأذن الله

ولله التوفيق

اخوي شوف
زي ما قلت انت عن المدرس هذا هو بالنسبه لي
انا بقولك الابتعاث
واول شي اذا رايح وحاط انك بتفشل ؟ لاتروح من الحين
خل لك طموح تحققه وترجع
وان رجعت بشهادة ترفع الراس مهما كان تخصصك صدقني بتلقى الوظيفه الاحسن والافضل
نصيحتي لك
ان صارلك الابتعاث لاتفوتها
فيه مليون الف واحد غيرك يتمناها
ومن نقطه ثانيه
اطلع شف العالم فك نفسك من ذا المبزره والقومه الساعه 6 الصبح

اذا كنت تدور الماده خلك مدرس واذا كنت طموح سافر وحقق ذاتك أفضل

وهل فيه وجة مقارنة ابتعاث طبع

شهادة اعلقها على الحيط و لا وظيفة تستنزف طاقاتي و تمنعني من تطوير نفسي
الإبتعاث أفضل

نصيحتي لك انظر ايهما أكثر نفعا لك ولدينك ..

منو الي يقول انه وظيفة المدرس مكانك راوح لا والله ..

انا مدرس بمدرسة اهليه ووالله العظيم لما ارى مثل هذه العقول التي تصف أمامك تحبك على قدر حبك لهم ..

وتشاورك على قدر معزتهم لك ..

يأتي هذا ويسأل والثاني يطلب المعونه والثالث يستفتي والرابع يشكي ..

والله العظيم ما الذه من عمل ( صناعة الرجال )

فهم ابناء الزمن القادم ماذا يتعلمون ومن اين يأخذون العلم من رجل فكرره مشوش !

أو من غير مربي يرمي بالطلاب بين الدفاتر والكتب وهمه اخر الشهر متى ينزل الراتب !

لا يفكر لا بنشاط يعمله للطلاب والمدرسه , ولا بخير ينشره بين ارجائها ..

أقول لك أخي أنا من الجامعة وهمي أن أكمل الدراسة الى مرحلة الدكتوراه بل اطمح لان اكون برفسور وما يمنع والله ..

ولكني بحق احببت التدريس ووجدت ان ما يقال عنه ( مكانك راوح ويحطم الطموح ) فلا اساس له من الصحة والله ..

ومع ذلك قدمت على البعثة واسال الله العظيم بحوله وقوته أن ييسرها ويباركها ويسهلها لنا ولكم ..

كل الي اقدر اقوله : شف نفسك وين مكانها الحقيقي ..

ايش طموحك وايش هي رغباتك ..

ولا اقدر أقول هذا احسن لك وهذا مو احسن ..

وعسى الله يوفقنا واياكم أجمعين ..

* عذراً على الأخطاء الإملائية , كتبتها بسرعة :)

انا اقووول التدريـــس افضل لكـ اخــوي....
واللهي انا اشووف انها افضل وظيفه لحد الآن في القطاع الحكومي...

رواتب مجزيه+اجازات غيرك يتمناها+راحــه في العمل من حيث الوقت 6 ساعات بس....الخ

هذا رأيي .......وفي الاخير الامر يعوود لكـ

الله يوفقكـ يآآآآرب,,,,,

في الحقيقة أنا فهمت من كلامك أن لديك الهمة والقدرة على مواصلة دراستك لكن أنصحك ألا تجعل همك هو المكانة الاجتماعية بقدر ماهو تحقيق ما تريد أنت. هو بالتأكيد الإبتعاث أفضل وإن كان له بعض السلبيات خصوصا من الناحية المادية عموما اتخاذ قرار بهذا الشأن ليس بالأمر السهل فعليك بالتفكير بروية ومنطقية أكثر واستشارت أصحاب خبرات سابقة وربنا يوفقك

اقتباس:

---

المشاركة الأصلية كتبت بواسطة Radd

المدرس مسكين لا مكانه اجتماعة دائما مظلوم والله يعينه على طلاب هذا الزمن

---

لاتتسرع في الحكم على طلابك ووضعك .. تفاءل خير , بكل شي فيه عقبات المهم انك تتجاوز العقبات

بالنسبة لسؤالك ايهما افضل ,, هذا راجع لامور عدة اهمها: 1- التخصص الي اخترته
2-هدفك من الابتعاث
3-قدرتك على تغيير المكان والغربة في سبيل العلم
, وامور كثـــــــيرة ....
انا اهلي يقولون لي صيري معلمة اضمن ,,لكن صابرة اشوف وش نتيجة وضعي بالابتعاث !! يعني انا فضلت الابتعاث بسبب اني اطمح اتقن اللغة الانجليزي وارتفع درجة بمستواي العلمي .. هذه هي اسبابي

فكر مع نفسك وحدد اهتماماتك بورقة وقلم رح تعرف وش تبي بالضبط
فا مااقدر اختار عنك قراراتك

الله يوفقك:)

اشكر الجميع على الردود والله يوفقكم جميعا

قلبي صغير شكرا على الرد

اقتباس:

---

نصيحتي لك انظر ايهما أكثر نفعا لك ولدينك ..

منو الي يقول انه وظيفة المدرس مكانك راوح لا والله ..

انا مدرس بمدرسة اهليه ووالله العظيم لما ارى مثل هذه العقول التي تصف أمامك تحبك على قدر حبك لهم ..

وتشاورك على قدر معزتهم لك ..

يأتي هذا ويسأل والثاني يطلب المعونه والثالث يستفتي والرابع يشكي ..

والله العظيم ما الذه من عمل ( صناعة الرجال )

فهم ابناء الزمن القادم ماذا يتعلمون ومن اين يأخذون العلم من رجل فكرره مشوش !

أو من غير مربي يرمي بالطلاب بين الدفاتر والكتب وهمه اخر الشهر متى ينزل الراتب !

لا يفكر لا بنشاط يعمله للطلاب والمدرسه , ولا بخير ينشره بين ارجائها ..

أقول لك أخي أنا من الجامعة وهمي أن أكمل الدراسة الى مرحلة الدكتوراه بل اطمح لان اكون برفسور وما يمنع والله ..

ولكني بحق احببت التدريس ووجدت ان ما يقال عنه ( مكانك راوح ويحطم الطموح ) فلا اساس له من الصحة والله ..

ومع ذلك قدمت على البعثة واسال الله العظيم بحوله وقوته أن ييسرها ويباركها ويسهلها لنا ولكم ..

كل الي اقدر اقوله : شف نفسك وين مكانها الحقيقي ..

ايش طموحك وايش هي رغباتك ..

ولا اقدر أقول هذا احسن لك وهذا مو احسن ..

وعسى الله يوفقنا واياكم أجمعين ..

* عذراً على الأخطاء الإملائية , كتبتها بسرعة

---

هلا فيك اخوي يمكن انت جربت الاهلية طلاب راقين نوع ما وعدد الطلاب قليل

اتوقع اذا جربت المدارس الحكومية يتغير رايك :)

اقتباس:

---

انا اقووول التدريـــس افضل لكـ اخــوي....
واللهي انا اشووف انها افضل وظيفه لحد الآن في القطاع الحكومي...

رواتب مجزيه+اجازات غيرك يتمناها+راحــه في العمل من حيث الوقت 6 ساعات بس....الخ

هذا رأيي .......وفي الاخير الامر يعوود لكـ

الله يوفقكـ يآآآآرب,,,,,

---

انا بنظري ان اتعب وظيفة وظيفة التدريس اذا اعطيتها حقها كاملا خاصتا اذا كنت تدرس مواد علمية مثل الفيزياء والكيمياء والرياضيات في المرحلة الثانوية وانا راح ادرس احدى المواد هذي

هذي نظرت الناس للمدرس انه وظيفة بسيطة وهي بالعكس مرهقة ومتعبه واحياً تكون صعبة

من تحظير ذهني قبل التدريس ومن تحضير الدرس في البيت ومن تصحيح ومن عدل بين الطالب والشرح وانت واقف طول المده

واي اجازات خاصتا في السنوات الاخير بدأ يقللون من اجازات المعلم



ما ادري اذا سألت المدرسين يقولون فر من التدريس زي فرارك من الاسد

واذا كلمت احد ليس مدرس يقول احمد ربك وخذ التدريس :)

والصراحة انا مالي رغبه في التدريس واذا درست يمكن علشان الضمان الوظيفي فقط


الله يكتبلنا الي فيه خير