تجمع طلاب (التشيك) czech

ياشباب ترى من متطلبات التاشيره ان يكون عند الطالب حساب ببنك محلي سعودي
انا متاكد صاحبي جاب ورقة متطلبات التاشيره من السفارة نفسها (فرقوا بين متطلبات التاشيره والاقامه)

المهم اليوم رحت البنك الاهلي وكان بحسابي 10الاف قلت باحولها دولار وابيكم تعطوني خطاب باللغه الانجليزيه للسفاره
التشيكيه
قال مايصلح بنحولها ولكن بنعطيك اياها نقدا ماتبقى في حسابك الابالريال يعني مستحيل يكون في حسابك فلوس بالدولار
قال ولكن بنعطيك كشف باللغه الانجليزيه (كشف حساب)يفيد ان معك حساب بالريال وهم بيعادلون بالدولار
قال هذا اللي حن متعودين عليه من الطلاب اللي يجونا وقال بعد هذي الفلوس ماتكفي لازم35الف دولار قلت له انا على حساب الحكومه ماغير هذي عشان الحساب
المهم قال عطني رقم الحساب واسمك حسب الجوووواز ركزلي عليها

اخذته وكان ب30ريال
ولكن عندما رجعت البيت قال لي واحد روح لهم بكرة وخليهم يعطونك مع كشف الحساب خطاب من مدير البنك بان في حسابك 10الاف ريال سعودي ويكتب ايضا"انهاتعادل كذا بالدولار ويختمه لك
قلت خلاص وان شاءالله بكرة باروح لمدير البنك واعلمه بالسالفه
الله يعين ويوفق يارب

طيب وهذا الحساب يكون حساب جاري او لا ؟

ياربي كل يوم هرجه جديده وشي يطلبونه اليوم كلمته ابو بكر العله دا يوقل لاتسوون حساب ولا شي هدا احنا نسويه ونتطفل فيه
وشاالهرجه بس الله يعين ويسر وماتروح علينا البعثات ع كلام دا وهدا يقول هيك

اممم منعا للتحطيم ولتفادي الصدمة مستقبلا !!!
أولاد عمي كانو يدرسو طب في نيوزلندا ...
درسو 3 سنوات تالي جا نظام جديد ما ادري والله ايش هو هالنظام
لكنهم ترجعو وسنوات دراستهم راحت !!
والله أنا ما ادري بالسالفة كاملة لأنهم تحفظو عليها :S
عمووما اننن شااء الله تكون امورك طيبة ^^
البنك مو ضروري يكون فيه مبلغ محدد لأن الضمان المالي بيجيمن الوزارة نفسها
البنك اللي لازم يكون فيه فلوس يكون للطلاب اللي بيطلعو على حسابهم الخاص ...
ترى هناك التسييك يعنني كل شي عدل ^^
حمااس ^^

اممم رببك ييسر والله انا ضاايع في الطوشة منن جد في سالفة البنوك ...
ولد خالي طالع بعثة نفس حالتنا بس هولندا ان شاء الله هالكم يوم بيرجع وبسوي معاه شغلة البنوك والله يوفق ^^
ايي شي جديد بخبركم فيه و اي شي جديد ايضا خبروني فييه ^^

يالله تحياتي
مراسلكم : أنا ^^

^^
اني ما بسوي ده الشئ الا اذا انتو تأكدتو وسويتوه <<<< تمبى كل شئ براحه

بكره بروح اسوي الفحص

اقول لكم واكرر
انامتاكد ووورقة متطلبات الفيزا معي مكتوب فيهابالنص
-خطاب من بنك سعودي(محلي)يفيد بوجودحساب به فلوووس بالدولار او اليورو


مدري ايش يبون فيه مع ان حن لما نروح التشيك مطلوب منا نفتح حساب ببنك هناك وهو اللي راح تنزل فيه المكافئات

أخوي عبدالله تكفى ولاعليك أمر أكتب متتطلبات الفيزا بالنص اللي عندك

عشان انشوف ايش باقي ماسويناه ونرتب اوراقنا ونكون على بينه

الف شكر للك يابو مهدي احس انك اكثر واحد مستفيدين منه هذا رايي والله يعطيك العافيه

ماكني صرت رسمي ههههههههههههه

أخي وحبيبي عبدالله انت تقول ( فرقو بين متتطلبات الفيزا والاقامه )

الله لا يهينك أكتب لنا متتطلبا ت الاقامه

أعلم انه ( اذا كان صاحبك عسلا فلا تلعقه كله )

ولاكن مامعا الخوي الا خويه

كني رجعت للرسميه مره أخرى هههههههههههههههه أحس اني مجنون ههههههههههه

هذي متطلبات تاشيرة الفيزا


　　　　　 الشهادة الثانوية مترجمه للغة الإنجليزية – مصادق عليها من وزارة الخارجية السعودية والسفارة التشيكية بالرياض.
　　　　　　 شهادة صحية باللغة الإنجليزية (فحص طبي كامل بأن الطالب/ة لائق طبياً للدراسة وخلو من مرض الإيدز) - مصادق عليه من وزارة الخارجية السعودية والسفارة التشيكية بالرياض.
　　　　　　 شهادة الميلاد بالإنجليزية - مصادق عليه من وزارة الخارجية السعودية.
　　　　　　 4 صور شمسية (3 x 3.5 ملم) جديدة بدون قطرة للرجال.
　　　　　　 السجل الجنائي باللغة الإنجليزية (كشف البصمات) – مصادق عليه من وزارة الخارجية السعودية والسفارة التشيكية بالرياض.
　　 تأمين صحي شامل ولمدة عام (ستقوم الملحقية بإرساله مباشرة للسفارة التشيكية بالرياض)
　　　　　　 هام جداً كل المستندات يجب المصادقة عليها من وزارة الخارجية السعودية والسفارة التشيكية بالرياض.
*هام جداً يجب تعبئة نموذج التأشيرة بكافة بياناته شاملاً اسم الأب والأم كاملاً وتاريخ ميلادهم وعنوان سكنهم واسم ثلاثة من الأخوان في ورقة بيضاء إضافية وتاريخ ميلادهم وعنوان سكنهم الحالي وهذا هام جداً.
　　　　　　 ينبغي على الطالب إحضار (أصل) كافة المستندات المذكورة أعلاه معه للتشيك وذلك لاستكمال إجراءات التأشيرة الدراسية والإقامة.
-----------------------------------------------------------------------------
بعد تكملة كافة الاجراءات اعلاه عمل التالي:
　　　　　　 مراجعة الوزارة للحصول على تذكرة السفر.
　　　　　　 التنسيق مع بقية الطلبة للحضور إلى جمهورية التشيك في نفس اليوم (على نفس الطائرة).

هذي متطلبات تاشيرة الاقامه لغرض الدراسه بجمهورية التشيك
(خاص ببرنامج خادم الحرمين الشريفين للابتعاث)

1-تعبئة نموذج طلب تاشيره اقامه باللغه الانجليزيه
2-خطاب الابتعاث باللغة الانجليزيه من وزارة التعليم العالي السعودي وخطاب من الملحقيه الثقافيه في فيينا
3-خطاب من الشرطه الجنائيه السعوديه يفيد بعدم وجود حكم على الطالب ويترجم الى اللغه الانجليزيه ويصدق عليه من وزارة الخارجيه السعوديه
4-خطاب من الجامعه يفيد بالقبول(باللغه التشيكيه)
5-خطاب من السكن الجامعي يفيد بالقبول (باللغة التشيكيه)
6-خطاب من الجامعه يفيد بسداد التكاليف الجامعيه عن عام اكاديمي كامل(باللغه التشيكيه)
7-خطاب من بنك محلي(سعودي)باللغه الانجليزيه يفيد بوجود حساب للطالبومبلغ محددعلى ان يكون بالدولار او اليورو
8-تامين صحي شامل صادرعن الجمهوريه التشيكيه
9-ثلاث صور شخصيه ملونه خلفيه بيضاءعلى ان يكون الراس مواجه للكاميراووضوح الذقن والاذنين وحدشعرالراس


هذا واتمنى من كل قلبي التوفيق للجميع
والله اني تلخبطت شوي بيناها لكن ربكم يعين

تاشيرة الاقامه لغرض الدراسه
خاص ببرنامج خادم الحرمين الشريفين للابتعاث

لدراسة في الجمهوريه التشيكيه يلزم الحصول على تأشيره دخول لغرض الاقماة (دراسة )

-تعبئة نموذج طلب تأشيرة اقامه باللغة الانجليزيه www.mzv.cz/visaform

-خطاب لابتعاث باللغه الانليزيه من وزارة التعليم العالي السعودي وخطاب من الملحقيه الثقافيه في فييينا

- خطاب من الشرطه الجنائية السعوديه يفيد بعدم وجود حكم على الطالب ويترجم الى اللغه الانجليزيه ويصدق من الوزارة الخارجيه السعوديه

-خطاب من الجامعه يفيد بالقبول باللغه التشيكيه

- خطاب من السكن الجامعي يفيد بالقبول باللغة التشيكيه

- خطاب من الجامعه يفيد بسداد تكاليف الدراسة الجامعيه عن عام اكاديمي كامل باللغة التشيكيه

- خطاب من بنك محلي سعودي باللغة الانجليزيه يفيد بوجود حساب للطالب ومبلغ محدد على ان يكون بالدولار الامريكي او اليورو

- تامين صحي شامل صادر من الجمهورية التشيكيه

- ثلاث صور شخصيه ملونه والخلفيه بيضاءء وعلى ان يكون الرأس موجه للكاميرا ووضوح الذقن والاذنين وحد شعر الرراس

دي الورقه الي عطوني اياها السفاره