-
استفسار ... افادة من وزارة التعليم العالي موجهه لمرجع المرافق
..
السلام عليكم ورحمة الله وبركاته ..
أولا أحب ابارك للجميع ظهور النتائج اللي بالفعل كانت اصعب لحظات في عمري فالحمد لله على القبول وألف مبرووووووكـ لكل من قبل في هذا البرنامج وحظ أوفر لكل من تم استبعاده فلعلها خير لك/ي فالخيره فيما اختاره الله سبحانه وتعالى ..
ثانيا يا اخوان واخوات عندي استفسار اتمنى من لديه الجواب افادتي
انا بحاجة الى افادة من وزارة التعليم العالي موجهه الى مرجعي تفيد بان زوجتي انضمت الى البرنامج واني مرافق لها حتى اكمل اجراءاتي من جهة عملي .. السؤال كيف الحصول على هذه الافادة ..؟
اتمنى من اي شخص عنده نية الذهاب للوزارة غدا او قريبا انه يسال عن هالموضوع ويرد لي بليز
ودعواتي للجميع بالتووووفيق ,,,
أخوكم / أبو قصي
..
-
رد: استفسار ... افادة من وزارة التعليم العالي موجهه لمرجع المرافق
يعطيك العافية اخوي ابو قصي والف مبروك القبول
هل انت موضف حكومي ولى موظف قطاع خاص ولى عسكرى
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة زهر لطف
يعطيك العافية اخوي ابو قصي والف مبروك القبول
هل انت موضف حكومي ولى موظف قطاع خاص ولى عسكرى
الله يعافيك ويبارك فيك
انا اعمل في المجال العسكري (ضابط)
وشكرا لك على المرور ,,
..
-
رد: استفسار ... افادة من وزارة التعليم العالي موجهه لمرجع المرافق
نفس السؤال ....أخي يريد إفادة بأنه مرافق لي واني مقبولة في برنامج الابتعاث......
-
رد: استفسار ... افادة من وزارة التعليم العالي موجهه لمرجع المرافق
نفس السؤال انا مرافق موظف حكومي كيف الطريقه ياحلوين
-
رد: استفسار ... افادة من وزارة التعليم العالي موجهه لمرجع المرافق
حتى انا زوجي موظف حكومي في شركه كيف اجيب الافاده وصح انوه يعطوه اجاااااااااااازه حتى لما يرجع
ارجو الرد
-
رد: استفسار ... افادة من وزارة التعليم العالي موجهه لمرجع المرافق
اللي قريته هو إن المرافق يأخذ قرار الإبتعاث الخاص بالمبتعثة ويراجع مرجعه ويثبت لهم أنه هو المحرم للمبتعثة بالمستندات الرسمية
وبالتالي ستتم معاملته على ذلك الخصوص
وإذا أردت أن تأخذ إفادة من الوزارة الآن قبل قرار الابتعاث فانتبه يجب أن يكون في الإفادة مكتوب ( مبتعثة ) وليس ( مرشحه )
لكي تتم أمورك بنظاميه
تحياتي،،،أبو نوره
-
رد: استفسار ... افادة من وزارة التعليم العالي موجهه لمرجع المرافق
يعني كيف شغال موظف حكومي في شركه يعني شغال كوكتيل اجل شكلو ياخذ راتبين ههههههههه
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة د.منى 21
نفس السؤال ....أخي يريد إفادة بأنه مرافق لي واني مقبولة في برنامج الابتعاث......
اقتباس:
المشاركة الأصلية كتبت بواسطة toto6102
نفس السؤال انا مرافق موظف حكومي كيف الطريقه ياحلوين
اقتباس:
المشاركة الأصلية كتبت بواسطة نوف123
حتى انا زوجي موظف حكومي في شركه كيف اجيب الافاده وصح انوه يعطوه اجاااااااااااازه حتى لما يرجع
ارجو الرد
شاكر لكم مروركم اللطيف واسال الله ان نجد ضالتنا وان ياتي من يفيدنا بهذا الموضوع ..
..
-
رد: استفسار ... افادة من وزارة التعليم العالي موجهه لمرجع المرافق
انا ابوي عسكري امس اخذ اثبات من الوزاره اني عندي بعثه وعطوه بس ماغريته بسرعه عطوه ماطول انشاء الله افدتك اخوي
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة ABU NORAH
اللي قريته هو إن المرافق يأخذ قرار الإبتعاث الخاص بالمبتعثة ويراجع مرجعه ويثبت لهم أنه هو المحرم للمبتعثة بالمستندات الرسمية
وبالتالي ستتم معاملته على ذلك الخصوص
وإذا أردت أن تأخذ إفادة من الوزارة الآن قبل قرار الابتعاث فانتبه يجب أن يكون في الإفادة مكتوب ( مبتعثة ) وليس ( مرشحه )
لكي تتم أمورك بنظاميه
تحياتي،،،أبو نوره
بارك الله فيك بس مشكلة اذا كنت بنتظر قرار الابتعاث راح علي الوقت ومثلك عارف الاجراءات مو سهلة يبيلها مدة علشان تخلص اتمنى ان يكون هناك طريقة اخرى غير قرار الابتعاث ..
اما بالنسبة للتنبيه فشكرا لك من اعماق القلب لانها بالفعل ملاحظه مهمه ..
شاكر لك مروركـ الجميل عزيزي ..
..
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة toto6102
يعني كيف شغال موظف حكومي في شركه يعني شغال كوكتيل اجل شكلو ياخذ راتبين ههههههههه
قولي ما شاء الله :tongue4:
لا تدققين بس اتوقع انه خطأ مطبعي :bye1:
..
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة abo0ora
انا ابوي عسكري امس اخذ اثبات من الوزاره اني عندي بعثه وعطوه بس ماغريته بسرعه عطوه ماطول انشاء الله افدتك اخوي
abo0ora
شكرا شكرا شكرا من كل قلبي حلووو على كذا المسألة يبيلها دقة سلف على الوزارة
بس تكفين لي طلب اذا قدرتي تكتبين لي وش مكتوب بالورقة او تسالين والدك حتى لو بشكل مختصر اذا الامر مايكلف عليك ..
..
-
رد: استفسار ... افادة من وزارة التعليم العالي موجهه لمرجع المرافق
انا عندي معلومه وان شاء الله انها اكيده
اولا يعتمد على عملك هل يقبلون والا لا بالنسبة للعسكرين في وزارة الداخلية مايعطون موافقة عندي زميل رفضو يعطونه اما باقي القطاعات الحكومية الغالبية مافيه مشكله
ثانيا بالنسبة لوزارة التعليم العالي الاجراء عندهم سهل تراجع مقرهم اللي في حي الغدير بالنسبة للرياض وتعبي نموذج عندهم وتستلم الخطاب في نفس اليوم او ثاني يوم بالكثير
انا اليوم عندهم ماكان عندهم زحمة يعني اللي يبغا يراجعهم فرصة تاخذ اللي تبي بسهولة لاني حسب مافهمت من الموظف ان بعد شهر بيكون الوضع مختلف بيكون عليهم زحمة
والله يوفق
-
رد: استفسار ... افادة من وزارة التعليم العالي موجهه لمرجع المرافق
انا خاطبت الادارة في الشركه السعودية للكهرباء وقالو لي وش رايك تقدم استقالتك !!
صح ان تقديم الاستقاله مخاطره بس ممكن يكون حافز لك
والحكمه تقول الضربة اللي ما تذبحك تقويك
-
رد: استفسار ... افادة من وزارة التعليم العالي موجهه لمرجع المرافق
ياأخوان انا زوجي بمستشفى الملك فيصل التخصصي ورفضو يعطونه إجازه يقولون انها مؤسسة عامة
قالوا أنه يفصل ومايعطونه لاخبرة ولا شي وش الحل .....تكفون سااااااعدوووني بليييييز
-
رد: استفسار ... افادة من وزارة التعليم العالي موجهه لمرجع المرافق
انا نفس الشي موظف حكومي ومرافق لزوجتي
ياليت يفودونا الأخوان اكثر
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة bader_1100
انا عندي معلومه وان شاء الله انها اكيده
بالنسبة لوزارة التعليم العالي الاجراء عندهم سهل تراجع مقرهم اللي في حي الغدير بالنسبة للرياض وتعبي نموذج عندهم وتستلم الخطاب في نفس اليوم او ثاني يوم بالكثير
انا اليوم عندهم ماكان عندهم زحمة يعني اللي يبغا يراجعهم فرصة تاخذ اللي تبي بسهولة لاني حسب مافهمت من الموظف ان بعد شهر بيكون الوضع مختلف بيكون عليهم زحمة
والله يوفق
بارك الله فيك بالفعل الان تبين ان المسألة يبغالها بس الذهاب للوزارة لأخذ الافادة منهم
شكرا لك على مشاركتك وتحيتي وتقديري لشخصك ياغالي ..
اقتباس:
المشاركة الأصلية كتبت بواسطة خالد البشيري
انا خاطبت الادارة في الشركه السعودية للكهرباء وقالو لي وش رايك تقدم استقالتك !!
صح ان تقديم الاستقاله مخاطره بس ممكن يكون حافز لك
والحكمه تقول الضربة اللي ما تذبحك تقويك
الله يعينك بس نصيحة لوجة الله لا تقدم على اي خطوة الا بعد صلاة الاستخارة لما فيها من الخير الكثير باذن الله ودعواتي لك بالتووووفيق ان شاء الله ..
شكرا لك على مرورك ..
اقتباس:
المشاركة الأصلية كتبت بواسطة أميمه في دار الأيتام
ياأخوان انا زوجي بمستشفى الملك فيصل التخصصي ورفضو يعطونه إجازه يقولون انها مؤسسة عامة
قالوا أنه يفصل ومايعطونه لاخبرة ولا شي وش الحل .....تكفون سااااااعدوووني بليييييز
الله يعين .. بصراحه ماعندي اي معلومة بخصوص التخصصي ولكن لا تجلسوا مكتوفي الايدي ابحثو واسألوا لعل تلقون مخرج يساعدكم في مواصلة المشوار والذهاب لبلد الابتعاث ..
دعواتي لكم بالتوفيق وشكرا لك على المرور
اقتباس:
المشاركة الأصلية كتبت بواسطة صدى المجتمع
انا نفس الشي موظف حكومي ومرافق لزوجتي
ياليت يفودونا الأخوان اكثر
اطلع للوزارة وخذ منهم الافادة اللي هي فيها معلومات ان زوجتك تم قبولها وانك مرافق معها وقدمها لمرجعك ..
شكرا لك على المرور ..
..
-
رد: استفسار ... افادة من وزارة التعليم العالي موجهه لمرجع المرافق
..
ابشركم راسلت الوزارة بخصوص الافادة وكان ردهم
وكالة الوزارة لشؤون الإبتعاث
( برنامج خادم الحرمين الشريفين للآبتعاث الخارجي )
عزيزي الطالب
بإمكان الحضور الى مبنى الوزارة لشؤون البعثات او حضور ( ولي امر الطالبة ) لطلب افادة من إدارة برنامج البعثات تفيد بأنها مرشحه و أن مرافقها ( أب، أخ، زوج، ...) بحيث يستطيع المرافق تقديم هذه الإفادة لمقر عمله.
..
-
رد: استفسار ... افادة من وزارة التعليم العالي موجهه لمرجع المرافق
الله يبشرك بالخير اخوي ويفتحها بوجهك...
-
رد: استفسار ... افادة من وزارة التعليم العالي موجهه لمرجع المرافق
اقتباس:
المشاركة الأصلية كتبت بواسطة **Emily**
الله يبشرك بالخير اخوي ويفتحها بوجهك...
اللهم آمين وتسلمين على هالدعوة ..
شكرا لك على مرورك ..
..
-
Re: استفسار ... افادة من وزارة التعليم العالي موجهه لمرجع المرافق
عاجل جزاكم الله خير
احتاج نموذج افادة للمرافق بأني مرشحة
في اسرع وقت ممكن