-
أثاث شقه فــاخر للبيع في الرياض لدواعي الإبتعاث
تحية طيبه لجميع الأخوة والأخوات الأعضاء والزوار وبعــد ،،،
اتقدم بالتهنئه لجميع الطلاب والطالبات المبتعثين في برنامج الملك عبدالله للمرحلة السادسة وأتمنى لهم التوفيق والنجـــاح ،،،
يوجد اثاث شقة فــاخر للبيع وذلك لدواعي الإبتعاث لأمريكا بأذن الله تعالى للمرحلة السادسة .
الأثاث يتكون من الآتي :
* طقمين كنب فـاخر في الصالة من مفروشات الجزيرة اللون رمادي .
* تلفزيون 42 بوصه بلازما من نوع بانيسونك مع السيفر من نوع هيومكس .
* غرفة نوم من مفروشات ( المطلق ) مع الضمان فكها وتركيبها في اي مكان ترغب ، اللون بني محروق .
* عدد 4 مكيفات شباك من نوع كاريرا 24 الف وحده تبريد حار بارد .
* ثلاجة 25 قدم من نوع هياتشي .
* فرن كهربائي سراميك من نوع ميتاج امريكي الصنع ، اللون ابيض
* اواني منزلية من السيف للآواني المنزلية وكثير منها جديد لم يستخدم .
ملاحظة :
الأثاث مدة استعاملة 5 شهور فقط .
الشقه يوجد بها 3 شهور حتى ينتهي الاجار ، مع امكانية اعطاء المشتري الشقه ببقية الإجار في حال رغبة المشتري بلإستمرار في الشقة مع العلم ان 3 الشهور لن تحتسب على المشتري .
الشقة بحي قرطبة الشرقي .
للإتفاق التواصل على الممنتدي
وتقبلوووا فائق تحياتي ،،،
-
رد: أثاث شقه فــاخر للبيع في الرياض لدواعي الإبتعاث
ههههههههههههههه
بنقلب زي سوق الخضار :D>>>>>>>سوري ترا مو القصد اهانة
بس ترا كلنا هنا زيك بنطير ونترك كل شي
في راي اعرضيها في مواقع تانية افضل
زي مستعمل و حواء و الفراشة اشوف ناس تشتري من هناك كتير
وبالتوفيق
-
رد: أثاث شقه فــاخر للبيع في الرياض لدواعي الإبتعاث
سؤال اذا رجعتوا بعد 9 اشهر وين بتقعدون
مااتخيل اني استغنى عن اغراضي فرضا مافلحت الواحد مايستعجل
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة أم فيصل 55
سؤال اذا رجعتوا بعد 9 اشهر وين بتقعدون
مااتخيل اني استغنى عن اغراضي فرضا مافلحت الواحد مايستعجل
يااما تغطية وتخزنية في مكان اااامن تضمني مايجية رطوبة او مطر لحسن سيولنا كترت هههههههه
او تبيعيه لانو رجعتنا ماحتكون قبل 3 سنين بإذن الله
وتفائلو بالخير تجدوة
كلنا بنفلح ان شاء الله يارب
-
رد: أثاث شقه فــاخر للبيع في الرياض لدواعي الإبتعاث
بصراحه انا مؤيد لكلام الاخت ام فيصل والاخ نون26 احتفظ بالاثاث وبالذات اذا كان من التأثيث الغالي انا مبتعث زيك ولا افكر ببيع الاثاث ممكن اكون محتاجه الاثاث في وقت آخر الا اذا كان عندك القدره اذا جيت باي وقت تأثثي من جديد هذا موضوع ثاني وشكرا لك
-
رد: أثاث شقه فــاخر للبيع في الرياض لدواعي الإبتعاث
علي قبل المعاينة 15000ريال
-
رد: أثاث شقه فــاخر للبيع في الرياض لدواعي الإبتعاث
تعرضه هنا وكلنا بنروح معك ؟!
اعرضه في المنتديات ومواقع البيع
انا ناويه ابني غرفة زيادة في سطح بيت اهلي لي :)
واحط فيها عفش شقتي اللي ابيه ومااقدر استغني عنه والاجهزة ..
اخاف يصير شي لاسمح الله وارجع على الحديدة لابيت ولا عفش مشكلة !
-
رد: أثاث شقه فــاخر للبيع في الرياض لدواعي الإبتعاث
طيب ماراح تنقهرين عليه خاصا انه مثلا الكنب اكيد بذوقك وانه يمكن غالي انا بصراحه ماافكر ااستغني عن اثاثي احبببببببه
وهذي مشكلتي اللحين اني فين اوديه
-
رد: أثاث شقه فــاخر للبيع في الرياض لدواعي الإبتعاث
كلنا نفس المشكله
ماندري ايش نسوي بلاثاث
-
رد: أثاث شقه فــاخر للبيع في الرياض لدواعي الإبتعاث
بصراحه انا الاثاث حسبت قيمه جديد تقريبا من 35 الف الى 40 الف
انتى كم طالبه فيه كسعر تقريبي
-
رد: أثاث شقه فــاخر للبيع في الرياض لدواعي الإبتعاث
احمد اذا انت وصلت هالقيمه
انا اضمن لك اذا قلت لخلود بثلاثين الف راح تبيعه لك
بس انت جازم وترى يا خلود السعي الله لا يهينك هههههههههههههههههههه
خلود افضل شي بحراج ابن قاسم تخلصين عليه بثواني
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة ahm3d
بصراحه انا الاثاث حسبت قيمه جديد تقريبا من 35 الف الى 40 الف
انتى كم طالبه فيه كسعر تقريبي
اهلين اخوي أحمد
هو التكلفة الاجماليه علي ب 43850 ريال
طبعا انا نزلت اعلان في جريدة الرياض والجزيرة ليوم الخميس أمس ، وجاء ناس وشافووه
وسيم جميعا ب 27 الف ريال من دون الشقه ، وسيم من شخص كان يبغي الشقه يجلس فيها الثلاث شهور الباقية ب 35 الف ريال على ثلاث دفعات 15 ، وكل شهر 10 الاف ريال وطبعا انا رفضت التقسيط طبعا هذا السوم كله للأثاث كامل ،
انا حشوف لو ما جاء احد يأخذ الاثاث كامل ، راح اظطر ابيعه مفصلا ، يعني كل قطعه لوحدها
هذه افضل طريقه علشان ينباع على السريع ، وانا حاليا مش مستعجله على البيع لأنه باقي لي في الشقه 3 شهور .
عموما الي حابب يأخذه كله ب 30 الف انا بأذن الله راح ابيعه .
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة خلود 2010
اهلين اخوي أحمد
هو التكلفة الاجماليه علي ب 43850 ريال
طبعا انا نزلت اعلان في جريدة الرياض والجزيرة ليوم الخميس أمس ، وجاء ناس وشافووه
وسيم جميعا ب 27 الف ريال من دون الشقه ، وسيم من شخص كان يبغي الشقه يجلس فيها الثلاث شهور الباقية ب 35 الف ريال على ثلاث دفعات 15 ، وكل شهر 10 الاف ريال وطبعا انا رفضت التقسيط طبعا هذا السوم كله للأثاث كامل ،
انا حشوف لو ما جاء احد يأخذ الاثاث كامل ، راح اظطر ابيعه مفصلا ، يعني كل قطعه لوحدها
هذه افضل طريقه علشان ينباع على السريع ، وانا حاليا مش مستعجله على البيع لأنه باقي لي في الشقه 3 شهور .
عموما الي حابب يأخذه كله ب 30 الف انا بأذن الله راح ابيعه .
بيعيه للي بيقصد لانه بيخلص القصد ونحنا لسى ماسافرنا 3 شهور حلوة وفرصة جيييييييييدة 35000
لاتفوتيها
-
رد: أثاث شقه فــاخر للبيع في الرياض لدواعي الإبتعاث
الله يوفقك ويرزقك من واسع فضله
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة نون 26
بيعيه للي بيقصد لانه بيخلص القصد ونحنا لسى ماسافرنا 3 شهور حلوة وفرصة جيييييييييدة 35000
لاتفوتيها
طيب ابيعه ب 35000 الف على اقساط ، واذا ما سدد المشتري ، يصير بدل ما اروح الابتعاث اراجع في الحقوق المدنية .
لأن في مثل يقول ( السلف تلف والرد خســـارة )
وممنوع الدين وكلمة بعدين ، عند السلف فلسفة وأدب وعند الرد اسئلة وغضب
-
رد: أثاث شقه فــاخر للبيع في الرياض لدواعي الإبتعاث
الله يرزقكي يارب
بصراحه انا اشوف 30 الف مناسبه للشخص الجاد ويبي
يشتري وخاصه العرسان اللي على قد حالهم لان الاثاث الزين والله غالى بالسوق
انا مؤثث شقتى قبل سنه كلفتني حدود 70 الف وما فيها هذاك الزود
الله يرزقكِ
-
رد: أثاث شقه فــاخر للبيع في الرياض لدواعي الإبتعاث
الشخص اللي يبي يقصد منك مو مشكله تقدرين تقصدينه وانتي متطمنه
في حال ان يرضي ان تسوين بينك وبينه وصل امانه
لانك لو اشتكيتي هالشخص بينسجن على طول
الصيغه
استلمت انا .......... ........ بطاقة رقم ....... من السيد ...... ......... بطاقة رقم ...... مبلغ وقدرة ........ فقط
وذلك على سبيل الامانة لتوصيلها وتسليمها للسيد .......... ......
واذا لم اقم بتسليم المبلغ المذكور اعلاه أكون خائنا للامانة واقع تحت طائلة قانون واتحمل كل ما يترتب على ذلك .
التوقيع .............. / البصمة .............<<<< مو توقيع
طبعا تسوين ثلاث وصلات على كل دفعه وكل ما يسدد تعطينه وصل الين ما يخلص
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة ahm3d
الله يرزقكي يارب
بصراحه انا اشوف 30 الف مناسبه للشخص الجاد ويبي
يشتري وخاصه العرسان اللي على قد حالهم لان الاثاث الزين والله غالى بالسوق
انا مؤثث شقتى قبل سنه كلفتني حدود 70 الف وما فيها هذاك الزود
الله يرزقكِ
جزاك الله خيرا اخي العزيز أحمـــد ، وفعلا هذه فرصة جيدة للراغبين في اثاث ممتاز وبسعر جيد ، وانت زي ما تفضلت ان اسعار الاثاث غالي ، وكمان الشقة فيها ثلاث اشهر للي يرغب البقاء في الشقة لن نحسب عليه قيمة الاجار المتبقي ، يعني لما يخلص ثلاث شهور يبدأ يدفع القسط الجديد وهذه فرصة ايضا ان الشخص يسكن اول ثلاث اشهر مجانا ويستطيع يجمع خلال الثلاثة شهور قيمة القسط 6 شهور .
انا بصراحة جدا متساعدة مع الشخص الراغب في الشــراء .
واتمنى التوفيق للجميع ،،،
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة ahm3d
الشخص اللي يبي يقصد منك مو مشكله تقدرين تقصدينه وانتي متطمنه
في حال ان يرضي ان تسوين بينك وبينه وصل امانه
لانك لو اشتكيتي هالشخص بينسجن على طول
الصيغه
استلمت انا .......... ........ بطاقة رقم ....... من السيد ...... ......... بطاقة رقم ...... مبلغ وقدرة ........ فقط
وذلك على سبيل الامانة لتوصيلها وتسليمها للسيد .......... ......
واذا لم اقم بتسليم المبلغ المذكور اعلاه أكون خائنا للامانة واقع تحت طائلة قانون واتحمل كل ما يترتب على ذلك .
التوقيع .............. / البصمة .............<<<< مو توقيع
طبعا تسوين ثلاث وصلات على كل دفعه وكل ما يسدد تعطينه وصل الين ما يخلص
هو اساسا قال راح يعطيني شيكات او كمبيلات او اي ضمانات نطلبها ، بس كلها وجع راس ، وانا قلتله طالما انك راح تعطيني شيكين كل شيك بقيمة 10 الاف ، طيب شف احد يعرفك ويثق فيك وعطة هالشيكات وخذ منه الفلوس ، انا اعتقد لو اي شخص عنده مبلغ متوفر ويثق في الشخص الي معاه ما راح يبخل عليه بالفلوس لانها كلها 30 يوم ويرجع المبلغ ، بس هو ما عاد رد علي ، فأنا فضلت تجنب مثل هذه المعاملات .
-
رد: أثاث شقه فــاخر للبيع في الرياض لدواعي الإبتعاث
انا كل ما اقصده بكلامي انا كل ما راح الوقت كل ما استعجلتي في البيع
وكل ما قرب وقت السفر تضطري تبيعي بارخص
بس اهم شي يكون تعرفون الرجال لايكون من النوع النصاب يعني ياخذ العفش
ويبيعه وياخذ الفلوس وما تشفونه
-
رد: أثاث شقه فــاخر للبيع في الرياض لدواعي الإبتعاث
اقتباس:
المشاركة الأصلية كتبت بواسطة خلود 2010
طيب ابيعه ب 35000 الف على اقساط ، واذا ما سدد المشتري ، يصير بدل ما اروح الابتعاث اراجع في الحقوق المدنية .
لأن في مثل يقول ( السلف تلف والرد خســـارة )
وممنوع الدين وكلمة بعدين ، عند السلف فلسفة وأدب وعند الرد اسئلة وغضب
بعقد عند محامي وخلي شخص يضمنة
-
رد: أثاث شقه فــاخر للبيع في الرياض لدواعي الإبتعاث
أختي خلود الله يعطيك العافية انصحك تبيعيه من الي أعطاك 27 كاش ترين 3 آلاف ماهي بشي
أنا لدي أثاث كله من سيتيw وهوم سنتر والكهربائيات كلها LG و SONY والكنبات والمجالس من المطلق وسجاد تركي وفرن ايطالي
كبير و 5 مكيفات بعضها ما كمل ساعة تشغيل المهم لوجاني المبلغ الي جاك لبعت ولما ترددت فلي تجارب سابقة مع الشريطية يجون للبيت
ويخلون الي يسوى 10 آلاف ب 800 وبعدين يقولون 1000 مره من الزعل قلت لواحد منهم والله لو أحرقها ماتشيلها ولو تدفع فيها
مليون ومرة نقلت من مدينة لمدينة أخرى وكل ماجبت واحد قالي مبلغ أول مايقوله ودي أصكه بكف على وجهه وبعدين سويت فيها حاتم
الطائي وزعته على الجيران والأصدقاء وجمعية البر
الخلاصة بييييييييييييييييييييعي للي قالك 27 ألف إذا كان جاد والله يخلف عليك
-
رد: أثاث شقه فــاخر للبيع في الرياض لدواعي الإبتعاث
انا الصراحة توني واصل الرياض وسبق بعت اثاثي وابحث عن اثاث جميل وغير مستعمل لفترة طويلة يعني نظيف وانا جاد وكذلك يكون الحي في موقع مميز بالرياض ولكن لابد من مشاهدته قبل التقييم 0540504686
-
رد: أثاث شقه فــاخر للبيع في الرياض لدواعي الإبتعاث