كيف حالكم؟
بحثتوا عن الجامعات الي تقدم دكتوراه في تخصصاتكم؟
وكيف الوضع معاكم؟ وكم جامعه بتراسلونها ؟
عرض للطباعة
كيف حالكم؟
بحثتوا عن الجامعات الي تقدم دكتوراه في تخصصاتكم؟
وكيف الوضع معاكم؟ وكم جامعه بتراسلونها ؟
للاسف ماسوينا شي مع انو المفروض نبدا ... لان الشغله معقده وصعبه شوي وانتي عارفه شروط الجامعات صعبه حيكون في اختبار جيمات او جي ار اي وحيكون فيه الاختبار الشامل وحاجات زي كدا بس ربنا يسهل
انا قدمت وحطوني كندا وبحثت عن تخصصي لقيته نااااادر و المشكلة الاكبر القبول في كندا صعب خاصه للدراسات العليا
الحين ابي احول امريكا بس ما عطوني وجه يقولون انتظري الملتقى
سؤال يعطونا سنة لغة مثل البكالوريوس ولا احنا غير؟ شي ثاني وش الافضل اختبر توفل وايلتس وجيمات هنا ولا في دولة الابتعاث؟
يا Lieo امريكا كمان صعبه في القبول زي كندا
بالنسبه لسنة اللغه الان طلع فيها كلام جديددد لاني قريت في التنبيهات او اني واحد اتخرج من بلد ناطقه بالانجليزييه مارح يدرس سنة لغه لازم يجيب قبووول مباشررر
فادا انتي متخرجه من دوله ناطقه بالانجليزي حسب كلامهم مارح صدر قرار ابتعاثك الا بقبول مباشر
مع انو الدفعه الخامسه كلهم طلعووو بلغه وهما اصلا متخرجين من دول ناطقه بالانجليزي زي امريكا مثلا
وبالنسبة للاختبارات اختبريها في اي مكان ماتفرق معاكي لانو المهم النتيجه مو مكان الاختبار واختبري اكتر من مره واختاري النتيجه الاعلى
السلام عليكم ..
أنا عندي توفل .. لكن بطلع سنة لغة عشان أختبر هناك اختبار الجي آر إي العام والجي آر إي الخاص بالتخصص (غير موجود بالسعودية)
وبعد ما أختبرها أراسل الجامعات هناك..
وتخصصي موجود بالجامعات الأمريكية بكثرة ..
وبالتوفيق للجميع..
ايش تخصصك اخوي احمد؟؟
معك حق الشغله معقده لي شهور وراسي مصدع من التفكير ومراسلة الجامعات الي فيها تخصص
وتخصصي مره قليلة الجامعات الي فيها دكتوراه(فيزياء طبية)
والتفاوت كبير جامعه عدد الساعات 90 وجامعه 108 وجامعه عدد الساعات 102
غير التوفل والجي ار اي وبعضهم يطلبوا جي ار اي فيزياء يعني اختبارين جي ار اي؟ والقبول تنافسي جدا جدا
من 100 طالب يقدم ياخذوا بس 8 او 6
كلامك صحيح اللي يميز امريكا ا نو جامعاتها كثيررره
انا عندي مشكله في التخصص لان تخصصي في البكالوريوس يختلف عن الماستر والوزارة تبغا الواحد يدرس امتداد للتخصص وانا ماني عارف اكمل في ايش بس اتوقع ادارة لانو الماستر في الادارة بس المشكله الاداره مو مدرجه في التخصصات اللي اخترنا منها في الاختيارات تبع التخصصات
لكن حنسق مع الوزارة واشووف ايش يقولو
طيب انا ماستر ترجمة من السعودية يعني ما احتاج لغة بس ابي اخذ فترة عشان اراسل الجامعات هناك واخذ عالجو مو معقولة تصير غربة ووحده ودراسة صعبه من اولها واحيانا اقول صعبه اضيع سنه من عمري لغه وانا ما احتاجها
انا كمان ماخذة قبول لغة بس ما أحتاجها لكن أخذت القبول عشان أقدر أطلع الفيزا وأروح كندا و أتعود على الجو و أظبط أموري وبنفس الوقت أقدر أراسل الجامعات بشهر أكتوبر 2011 لأنو القبول مو سهل وبدو وقت و أوراق مختلفة وبعضهم يطلبوا نجيب مشرف من الجامعة والاختبارات الاخرى المطلوبة, فالله يعينا لحد ما ناخذ هالقبول
أنا اختبرت توفل وجبت درجة عالية بس باقي ال GRE اشتريت كتاب اذاكر منه بس والله صعععععب ماقدرت عليه ... كنت ناوية اختبر واقدم الشهر الجاي على كم جامعة بس شكلي ماراح اختبر دحين ...
اروح امريكا وادرس لغة زيادة واخذ دورات لل GRE وان شاء الله اجيب درجة كويسة .. وبعدين اقدم حتى لو تتأخر دراسة الدكتوراه سنة او اكثر ماعندي مشكلة اضيع سنة في اللغة ماورايا شئ لا وظيفة بتنتظر ولا شي ...
بالعكس السنة الاولى لما تكون في اللغة بتكون سهلة ونقدر نتأقلم مع البيئة الجديدة واهتم ببناتي وزوجي لحد ما يتعودوا وكل شئ يصير تمام بعدين ابدأ في الدراسة الجد الحقيقية .. الله يكتب الي فيه خير
بس نصيحة قدموا على كل الجامعات الي فيها تخصصكم لأن القبول صعب وكويس اذا انقبلت في وحدة او اتنين :(
أنا تخصصي فيزياء نووية .. وبكمل دكتوراة بنفس التخصص .. لكن يمكن أحول عملي..
وكنت مسجلة لاختبار GRE-Physics بأكتوبر في جدة.. لكن المشكلة ما نزل الاختبار..
كمان كنت مثل أمل .. باخذ اختبار الجي آر إي العام بالسعودية وبذاكر من كتاب..
لكن لمن لقيت إن الجي آر إي فيزيكس ماهو موجود .. بطلت..
قلت خلي كل الاختبارات برى..
ومنها سنة تمشية وتهيئة نفسية قبل الدكتوراة.. :1eye: