اليوم كنت في الوزارة وسألت عن تأخير القبولات ومواعيد السفارة وتغيير مكان الملتقى :

( معليش سامحوني حكيتكم باختصار وأكتب بسرعة عشان تعبانة بقوم أنام )

مساء الياسمين ..
هذه الحكاية من طقطق لسلام عليكم :prop:
عصر يوم الجمعة مشينا أنا وأبويا وأخويا ع الرياض ..
أخويا الله يسعده ويوفقه بيروح الرياض عشان الكلية الأمنية , وأنا وأبويا رايحين عشان الوازرة ^_^
رحنا الساعة 8 الصبح ودخلت بالغلط قسم الرجال ويؤ
يؤ
يؤ
يؤ
كيف النظرات كأني سويت جريمة :bruce_h4h:
رجعت طلعت ورحت جهة النساء ,
ولقيت وحدة في الريسبشين ودلتني على موظفة و ..
السلام عليكم صباح الخير
- وعليكم السلام ..
** أنا من المرحلة السادسة وعندي 3 شغلات و 3 اسئلة ^_^
- أهلين أيش هيا بالضبط ؟
** -1-جددت جوازي
-2- غيرت اسمي في الوثيقة عشان يصير مطابق للجواز
-3- أبغى السجل الأكاديمي الإنجليزي الأصل
- طيب وحده وحدة ~_* هاتي الجواز
** هذه صورة الجواز القديم وهذه صورة الجواز الجديد وهذا الجواز شخصيا هههههههه
- قالت ليه جددتيه ؟ مع انو كان باقيله سنتنين ؟
** قلت عشان كان مكتوب أني متزوجة والآن خلاص بطلنا جواز :prop: وفهمتها الحكاية أنو جددت عشان اشيل اسم الزوج ولأنو خفت تصير لي مشكلات لو قرأوا انو مكتوب متزوجة وأنا مطلقة ..
- طيب والوثيقة ايش فيها ؟
** قلت اسمي في الوثيقة كان مخالف للجواز وأتفقت مع اللي دققت لي في جدة انو اغير اسمي في الوثيقة أفضل وفعلا .. ( طابقت الأصل بالصورة المصدقة بالجواز و100% )
- طيب والسجل الأكاديمي ليه بتاخذينه تبغين تلغين البعثة ؟
** يا أدمية صلي ع النبي ايش الغيها وماالغيها لا طبعاً ههههههههه بس انتو عندكم الاصل وأنا ابغى اطلع صورة طبق الأصل لأنو ماعندي ..
- قالت ممنوع وغلط اصلا انو تعطينا الأصل كيف اخذته منك الموظفة وصارت لخببببببببببطة والمهم في النهاية اعطوني برنت ملون على قولتها ( الحبر مخلص ههههههههههه ولون الطبعة يحزن ) المهم انو مختوم بختم الوازرة وع اساسه بروح للجامعة بكرة او بعده ..

-------------------------------------------------------------------------

أما الأسئلة فكانت التالية:
-1- الين الآن ماجاني قبول ومو بس انا طلاب وطالبات كثير ماجاهم ( عرفت هذا عن طريق النت والقروبات ) وكل ما ندق على تجسير ما يعطونا خبر او يخبرونا أنو لسا الملفات ما وصلت ؟
الجواب:
مو كل القبولات يوزعها مكتب تجسير في قبولات راح تتوزع في الملتقيات بس تابعيهم وأسألي عن ملفك :sadwalk:

-2- فيه واحد جاته بعثه وزوجته قدمت على البعثة لكن كانت ناقصة درجة واحدة في القدرات فهل من الممكن انو يلحقها بالبعثة من الآن لو جا الرياض وتابع المعاملة ؟
الجواب :
لا للأسف ..
أمايقدم لهافي المرحلة7
أو تدرس المعهد على حسابها وبعدها تطلب إلتحاق بالبعثة

-3- طيب فيه مشكلة للبعض انو كل ماجينا نسجل في موقع السفارة برقم الطلب والسجل المدني يقول فيه خطأ فايش الحل ؟
الجواب :
روحي غرفة 142 راح تلاقي وحدة من السفارة اسأليها اللي تبغي :)
وفعلا رحت لها وقلت لها :
أنا حجزت موعد في خارج ايام المرحلة السادسة يعني مو يوم الأثنين وخايفة لمن اروح يقولوا ليه ماسجلتي مع انو حاولت لكن مارضي الموقع فقلت اكسب موعد بدري ..
قالت اكتبي ايميل واشرحي فيه وضعك وارسليه لهم وبيتفاهموا معاكي :(
وترى على فكرة ناس كثيرين سجلوا عادي يعني ماصارت لهم مشكلة مثلك في التسجيل
قلت لها وابشرك ناس كثيرين مثلي كل ما سجلوا قال لهم غلط ههههههههههه

-------------------------------------------------------------------------

ايوا صح قبل انسى ..
لقيت 3 بنات وحدة من كندا والثانية مشكلتها حقت السفارة الأمريكية والثالثة درست ماستر في امريكا والدكتوراة في كندا ..
المهم جات حقت مشكلة التقديم على موقع السفارة و قالت انها حضرت التدقيق في جدة لأنها كانت من ابها ودحين هيا متزوجة في الرياض وتبغى تحضر في المتلقى في الرياض ..
قالت لها:
بكرة اول يوم روحي وخذي ورقتك ( هذاك الايصال اللي اعطونا هوا بعد التدقيق ) وقولي لهم وضعك .. وادخلي على موقع الوازرة شوفي الموعد اللي يناسبك يعني تختار لها مجموعة وتداوم فيها
فقلت اللي سألوا عن هذه المشكلة هذا الحل اللي سمعته منهم ..

وبعد ما طلعنا رحنا النقل الجماعي ورجعنا على الطايف 9 ساعات متواصلة الين وصلنا قبل ساعتين ولله الحمد والمنة ^_^
حبيت اخبركم باللي صار معايا يمكن احد يستفيد ^_^


الله يوفقنا لخيري الدنيا والآخرة ويسهل لنا أمورنا أجمعين ..

الله يعطيك العافية ...

و شكرا ع المعلومات المفيدة ...

بالتوفيق للجميع ...

يعطيك العآفية يآ ع‘ــسسل ~

:) ,

الحمدلله على السلامة وبالتوفيق يارب

ربي يعطيك العافية على المعلوماااات ......^^

جزاكي الله ألف خير...

والله شكله على كلامج انو بأخذ قبولي من الملتقى
الله يعني ماتوقعت والله :(
تسلمين اختي على التوووضيح ونومة العاافية يااارب ^^

الحمد لله ع سلآمتك يآعسل ’’

يعطيك آلف عآآفية ..

ربي يسعدك وييسر آمورك ,,

حمدالله على سلامتك

ربي يسهل امررررررررررررك

ابي خدمه ابي رقم مكتب تجسيرر بالخبر يردوون عليه

حمد لله على سلامة الوصول
ونوم العوافي ان شاء الله
وشكرا على المعومات الجميلة