مبتعثة زوجها أو مرافقها موظف أرامكو

السلام عليكم ورحمة الله
انا من طالبات المرحلة السادسه لبرنامج خادم الحرمين للابتعاث
تم قبولي ولله الحمد على أمريكا علوم صحيه
وحييييل متحمسه اروح وأكمل دراستي
المحرم اللي بيروح معاي زوجي
بس في مشكله ان زوجي يشتغل في أرامكو
وماودنا يترك وظييفته لانها ظمان لنا كلنا في نفس الوقت نبي يروح البعثه عشان أنا وأهو ندرس
بس مانعرف للان أرامكو تعطينا إجازه والا لا
وإذا تعطينا كيف؟؟ وشلون نطلبها ؟؟ ومن وين ؟؟
في أحد مثل حالتي ؟؟ وإذا في وش بتسوون ؟؟
سأعدوني بللللللللييز
وربي محتاجه مساعدتكم
ماودي تروح علينا الفرصة

رجاء اللي مايقدر يساعد لايحبط ...

اختي شيخة البنات السلام عليكم زوجتي نفس حالتك بضبط وانا الموظف ومتحمس للبعثه اكثر منها
الموضوع صدق يحير وترك وظيفه زي ارامكو مجازفه كبيره بس على حسب زوجك اذا هو متحمس وعنده طموح يكمل دراسه يطلع البعثه أفضله طبعاً بعد الاستخاره والمملكه الحين مقبله على طفره علميه يعني بعد كم سنه اللي معه ثانويه ماكن عنده شهاده يعني حنا اول مادخلنا ارامكو نشوف الشيبان اللي تعليمهم على قدهم نقول كيف ذولا قبلوهم ارامكو بعد كم سنه حقين الثانويه بينقال عنهم نفس الكلام وبعدين فرصه لو فوتها زوجك وشاف اللي حوله مشو وهو قاعد على وظيفته بيقول اخ ليتني مكمل دراستي,, عموماً هذا يعتمد على اشياء كثيره يعني اذا ماعنده هذاك الطموح وهذيك العزيمه وسنه كبير وقريده في ارامكوا عالي ومرتاح معنوياً ومادياُ في وظيفته يقعد في محله أفضل وانتي الله يعنيك على الدراسه الممله بسعوديه ,, الحياه فرص يا شيخة انتي قدمي الاسباب وحاولي واستخيري وادعي الله وانشالله وبأذن الله يصير اللي فيه التوفيق لك ولزوجك والله يوفقنا جميع

الله يوفقكم ويسهل لكم اموركم

مرحبااا..
والله شووفي يااختي انا من وجهة نظري وظيفة زي ارامكو انتبهي تفرطون فيها..لكن على حسب هوو مجال شغله بالشركة يعني لو مجال عمله يسمح له يقدم على بعثة شغل من الشركة كذا تمام ضمنتو الوظيفة والبعثة..
هذ معلوماتي وياليت عندي اكثر كان افدتك
دعوااااااتك حيبتي..

راعي طموح << وربي ماقصرت الله يعطيك الف عافيه على ردك
كلامك صح وزوجي مقتنع فيه ميه ميه ويدري ان الشهادة مهمة بس هو يفكر بالوظيفه بعد مانرجع بنلاقي مثلها والا لا
وهو يفكر انه لو لا سمح الله صار له شي انا وعيالي منو لنا بعده غير لما يكون باقي على راس العمل راح يمشون لنا راتب
الله يطول بعمره خايف يكون مو مأمن علينا
والا هو حييل متحمس للبعثه من اول ماطلع لي القبول وهو طاير من الفرح
الله يكتب اللي فيه الخير يارب


طموحه << الف شكر لك على مرورك

وعليكم السلام
بالنسبه لوظيفة زوجك لازم يستقيل لان جميع القطاعات الخاصه ماعندهم اجازه من غير راتب‏(ااستثنائيه‏)‏
بس بالوسطه ممكن يدبر نفسه لاني اعرف واحد موظف بنك اخذ اجازه
والله يوفقك

وااااااااااااااو
وضعك مخييييييييف
اخاف انصح و يطلع كلامي خطاء

الله ييييييسير لك بعنف قولي امين

...m...
المنصور
دكتور زيزو
الف شكر لكم

حبيبتي
انا نفس حالتك زوجي مرافق لي وموظف ارامكو
للاسف مافي اجازة تسمح له
لازم استقالة
الحمد الله انو زوجك عنده عزيمة واصرار وهذا كافي

الله يكتب لنا اللي فيه الخير

شوفي اختي
انا دخلت على هالموضوع وقلت لازم اكتب رأيي بصراحه
لانك طلبت مساعدتنا
المهم
أنا نفس حالتك بالضبط
بس زوجي مو أرامكو____ لازوجي يشتغل بشركه مشابهه لارمكو
وراتبه حيييييل حلو -وقريده عالي-بس مشكله دوامه حيل يتعب يعني من الصباح الى الليل

وانا ودي أكمل دراسه--وهو بعد
بس صدقيني لو زوجي موظف ارامكو وراتبه حلو وداومه مريح مستحيل اخليه يفصل لانه ماراح يلاقي افضل
خصوصا اعرف ناس شخصيا شهادتهم بكلوريس وفصلوا من ارامكو ودرسوا ماستر ورجعوا ولقوا وظايف براتب اقل
لانه الماستر بتخصصهم مو مطلوب
هو يعتمد على نوع شهادته وعلى تخصصه


وبالتوفيق لك ولزوجك