معادلة الشهادات في الماستر للي مو امتداد التخصص مهم جداااااااااااااااا

بدخل في الموضوع ع طوول تحدث الدكتور القحطاني عن معادلة الشهادة بعد التعب والجهد ماراح نعادلها لك ماستر الوزارة تتيح لنا تخصصات للي مو امتداد التخصص يجي يتفلسف ويقول بالأمس هذا خطأ من الوزارة طيب أنا وش ذنبي اتعب وأدرس وأجيب شهادة يسكتوني بدبلوم
بالله عليكم موظلم بعد ماتحمسنا وعقدنا النية يجي بكل بساطه ويهز رأسه لا اليوم طالب لغة عربية سأله تخصصه في الماستر تسويق هل تتم المعادله قال مستغربا ويضحك لا
ماراح يحطمنا بإذن الله وبنجتهد وبنجيب أعلى الشهادات لأن ثقتي في الله كبيرة
ابي اعرف وش اللي حارق دمه مادام الوزارة راضية
بتركلكم التعليق مارأيكم

انا والله زيك ومقهور ومو عارف ايش الحكاية .. !!! :(
انا خريج كلية معلمين تخصص علوم (يعني كيمياء وفيزياء واحياء ) لكن ما درسناها بشكل متعمق مرة مثل طلاب كليات العلوم ..
وقدمت على ماستر كيمياء لاني اميل للكيمياء كثير .. بس بعد كلامه خوفني مرة .. هل انا ماشي صح والا عندي خطأفي التخصص ؟؟
يا ريت احد يفيدنا انشاء الله ..
<< وطالب اللغه العربيه اللي سأل كان جالس امامي مباشرة .. ولما رد على سؤاله انا خفت مرررررررة
ربنا يقدم اللي فيه الخير والصالح للجميع ..

ايه انا سمعته بصراحه .....بس سمعته يقول وحسب فهمي ممكن يكون صح او غلط
انو لازم تاخذ مواد تكميلية + يكون الماستر يؤهل للدكتوارة يعني الماستر ماتخلصه الا مصلح بحث
هنا يقول انه تعتبر ماستر
لكن ماستر بدون بحث يعتبر دبلوم عالي
والله اعلم هذا حسب فهمي لكلامه
..........
وسؤال شااطح شوي ....سمعت اليوم خبر افجعني جداً ..يقولون لطلاب الماستر اللي بياخذ مواد تكميلية " بحكم انه ليس امتداد لتخصص البكالوريوس " بيكون على حساب الطالب مو على حساب الملحقية ...لأنهم سألو د.الكردي تبع الملحقية وعلى حسب مافهمت قال اذا كان المواد التكميلية ترم تتحملها الملحقية ...يعني ايش يقصد طيب لو سنة ؟؟؟؟ يعني الطالب اللي يدفعها ؟؟؟
خبر مفجع اول مره اعرفه ..من احد الحاضرات اللي طرحت هالسؤال العجيب

حسبنا الله ونعم الوكيل
يعني كل هالتعب ودبلوووووووم .. مو كفاية شهادة البكالوريويس لغة عربية ومحنا لاقين وظايف بيعطونا دبلوووووم
والله حااااااالة

والله انا اشوف ان فيه تناقضات كبيرة جدا جدا بالملتقى ، كلن له رأي ، والقحطاني اجابته يناقض نفسه يقول لواحد تخصصه خدمة اجتماعية يصلح للتسويق وللغة العربية ما يصلح لك تكمل في التسويق ، طيب الخدمة الاجتماعية بعيدة جدا عن التسويق والقحطاني يتكلم من وجهة نظره مو من باب علمى مدروس ،، والله يعين بـس ..

القحطآني ذا مدري وش قصته من بدا الابتعاث ماغير يطلع بطلعات غريبه وتصريحات غبيه :(

المهم انا بقولكم شي

اعرف ناس من الدفعات السابقه كانت تخصصاتهم مش امتداد وشخصيآ اعرف شخص تخصصه تربيه بدنيه

والماستر تجارة الكترونيه وشهادته تعادلت انها ماستر

يعني الوزاره مو غبيه لدرجه ذي تقبلنا ماستر وتدفع فلوس واخر شي تعادلها دبلوم

يعني بلييز مانبي نشوف الاحباط هذا وياليت الاسئله الي مالها سنع مانشوفها في الملتقى

وقصدهم ع اللجنه الخاصه الي بتختار التخصصات الي مش امتداد

لناس الي مثلا تخصصها له امتداد في البرنامج ومختاره حاجه ثانيه

او الي شاطحين مرا مثلا ادبي ومختار علوم صحيه او حاسب الي وهيك

انا طالبة بكالوريوس خدمه اجتماعيه ولما قدمت في النت كتبت تامين وتفاجاءت بالقبول تبع المعهد انو مكتوب ماستر محاسبه
في الملتقى سالت موظفه بالوزاره قالتلي من غيرلك التخصص احنا ولا انتي قلت لا انا اخترت تامين وتفاجات بالمحاسبه قالت اجل لاتخافين انتي بالوضع السليم
لان معناها الوزاره هي اللي غيرت هالشي
ولاتخافون انشالله ربي بيكتبلنا اللي فيه الخير
لان هذي مو غلطتنا
الجهاز كان محدد لنا تخصصات معينه واحنا اخترنا
وربي يوفقكم

اقول لاتسمعون لاي خربوطه

الموسى براسه بكالوريوس تاريخ وماخذ ماستر في الحاسب الالي

شفتوا شلون ماابعد القسمين عن بعض

عموما انتوا شدوا حيلكم وخلوها على الله

وماكل مايسمــــــــــع يقـــــــــــــــــال

من اول يخوفونا ويسوون تصاريح غبيه وكل واحد يتكلم من راسه

ياجماعه

انا بعد ماخلص محاضرته الغبي هذا القحطاني

طلعت برا وكلمته بعد مشادات من رجال الوزاره ورفضو اني اكلمه قلت ياخي حرمتونا من الاسئله بالمحاضره لضيق الوقت خلوني بسأله سؤال واحد بس

حصلته يكلم ومسكت يده هو استغرب وقفل جواله

قلت له يادكتور زوجتي تخصص جغرافيا بالبكالوريوس >>>>> قال وهو يضحك جغرافيا

قلت ايه ماعجبك

قال الا عادي وش سؤالك

قلت انها مقدمه على تخصص ماليه او تموين قال مستحيل تكمل بالقسم هذا

قلت يعني نروح البيت ننام

قال لا

قلت طيب وش انسب قسم مطروح من قبل الوزاره عشان تكمل فيه

قالي مافيه

قلت يعني خلاص تروح علينا البعثه

قال وهو يأشر برجله بصراحه انا تنرفزت واستصغرته فيه طلاب هندسه والوزاره شاتتهم شوت وماقبلتهم كيف قبلو زوجتك

حسيت انه اهانني شوي

قلت عادي اللي وضفوك عندهم قبلونا >>>>>>> هنا سحبوني هذولي حقين الوزاره وقالي واحد ياخي عيب عليك الاسلوب هذا

وربي شوي واضربه الحقير هذا

طلعت لمنسوبي الوزاره بالكاونترات وسألتهم قالو لي زوجتك تكمل تسويق هو انسب تخصص تكمل فيه

وللعلم ياجماعه

على كلام الموظف ان التخصصات مو مهمه حاليا يعني عند اصدار قرار الابتعاث بأمكان الموظف وانت واقف اذا شاف تخصصك ماينطبق مع التخصص اللي بتكمل فيه هو يحط انسب تخصص لتخصصك السابق

>>>>>>>>>>> ادري اني فقعت روسكم بالكلام

بس والله من حرتي اتكلم ولو عندي مايك كان شفتو كيف............ هع

والله احسن ماسويت فيهم

بعدين ليه يستهبل من جد حرام الشهادات والمناصب في هيك اشكال

بس مفروض ماجادلتهم وطنشت اساسا هم مايقدرون يسوون شيء

بس كلام في الهواء

لو بيسون شيء كان جابوا قبولاتنا اللي لها خمس شهور

والله يابنت الحلال قسما بربي شوفيني للحين سهران ماقدرت انام

وقسما بربي لي كم ليله احلم اني استلمت القبولات

من جد انا تعبت خلاص

ماادري من وين القاها

من المكتب

او الوزاره

او الملحقيه

او من امور السفاره

او من كلام الناس الواجد

الله يعين بس

طيب يعني الحين من وين نأخذ الكلام الاكيد
انا من اول الابتعاث ارسلت للقسم النسائي قالت بتعرفووون في الملتقيات وفي الاخير هذا كلامهم

اجل انااا وش ااقول بكالوريس احياء حيوان والماستر مختبرات طبية
امتداد والا

الضاهر والله اعلم

اذا كان احياء من كليه تربويه او كليه معلمين

يعني تكوني محضره مختبر

مايحق لك تكملي مختبرات طبيه او احياء دقيقه

الا اذا كان فيه مجال تدرسي مواد تكميليه

لاني انا فني مختبر ودراستنا وموادنا تختلف عن تخصص احياء حيوان بكليات التعليم والتربيه

انتي اسألي وشوفي

ومثل ماذكرت قبل

التخصص الحين مو مهم كثر اللغه يعني فيه مجال

والافضل انك ترسلين احد يسال الوزاره اتركي اتصالاتك عليهم وارسال ايميلات لانهم ماراح يردون

الله يعطيك العاافيه
لكن معايا شهادة تدريب من المستشفى في المختبر

أنا ما أدري ليه مستحقرينا أصحاب الأقسام الأدبية كان من الأول قايلين مو يشحططونا في كل مكان ويخلونا نحلم ونتعب على الفاضي ..؟؟
وبعدين على دبلوم عالي ..أجل أخذ الماستر هنا من الإمام أو الملك سعود..
الي قاهرني ضحكات المسؤولين و إستحقارهم إذا وحده سألت من قسم أدبي:mad2:..
يمكن ما يشرفهم إلا حنا وكفايه الجرأه الي فينا خلتنا نختار شئ ما نعرف فيه شئ عشان مستقبلنا...
الله وأعلم هم وش كانت تخصصاتهم.:dry:.؟؟؟


الله يسهل.

اووووووووووووووووولا

تأكدي من هالنقطه يابعدي من الوزاره او ادخلي موقع الوزاره قسم معادله الشهادات يمكن يفيدك

وانتي يانور

الشكوى لله

هذا اللي اقوله بس

مااحد مرتاح

انا فقع راسي من خرابيطه ودخلت موقع الوزارة لقيته مكلف يعني الظاهر انه ما عنده ما عند جدتي

الدكتور : عبدالله بن علي القحطاني
مدير عام الإدارة المكلف

بس اما سالفه الوزارة شاتتهم شوت والله غريبه تطلع من مسؤول

اذا فيه احد يشهد معاك اتمنى اشوف الخبر في سبق او في الوئام

القاعدة التنفيذية (6-5): الدرجة الجامعية الثانية:
لمعادلة الدرجة الجامعية الثانية (الماجستير وما يعادلها ) يشترط بالإضافة إلى ما ورد في القاعدة التنفيذية (6-1) ما يلي :-
أ ) أن تكون مسبوقة بالدرجة الجامعية الأولى.
ب) ألا تقل مدة الدراسة للحصول عليها عن سنة دراسية واحده.
ج ) اجتياز عدد من المقررات المنهجية لا تقل عن 24ساعة فصلية أو ما يعادلها مع تقديم بحث علمي (رسالة ماجستير) أو دراسة عدد من المقررات لا تقل عن 30ساعة فصلية معتمدة أو ما يعادلها بدون تقديم رسالة أو أن تتم بالبحث فقط.
د) الانتظام والتفرغ والإقامة في بلد الدراسة المدة اللازمة لإنهاء المقررات المنهجية إن وجدت على أن لا تقل مدة الانتظام والتفرغ والإقامة في بلد الدراسة عن "السنة الدراسية الواحدة" بعد الدرجة الجامعية الأولى.
هـ) أن يكون حامل الدرجة قد حقق ما تطلبه الجامعة من مقررات دراسية أو بحوث مكتوبة.
و) أن يكون موضوع دراسة الماجستير في مجال دراسة الطالب في المرحلة الجامعية أو تخصص مقارب، أو أن يكون حامل الشهادة قد اجتاز مقررات تكميلية كافية في حالة اختلاف التخصص، أو أن تجد اللجنة مبررا مقنعا لاختلاف التخصص.
ز ) الأصل ألا يوجد تداخل في المتطلبات الدراسية لمرحلتي البكالوريوس والماجستير وفي حالة وجود التداخل تطبق القواعد التالية:
• أن لا يتجاوز التداخل تسع ساعات حسب النظام الفصلي، أو ما يعادلها من متطلبات الماجستير.
• أن تكون المقررات التي حصل فيها التداخل ضمن المستويات المتقدمة من برنامج البكالوريوس.
ح) يجوز للجنة النظر في معادلة الدرجة الجامعية الثانية دون اشتراط الحصول على الدرجة الجامعية الأولى إذا كان نظام الجامعة يمنح الدرجتين الأولى والثانية ، وكان نظام الدراسة في الجامعة يسمح بمواصلة الدراسة للحصول على الدرجة الجامعية الثانية دون الحصول على الدرجة الجامعية الأولى وذلك في حالة استيفائه لمتطلبات الحصول على الدرجتين.





الله يعين مشكور اخوي قرقووش

سلطانه

لو اني فاضي لهالدرجه اشتكي واروح انشر خبر

كان الاولى اني كسرت نظارته بكف ونسيته وين بيته وليش جاي اصلا

بس مو فاضي لشخص تافه بالغلط كلفوه

وبالنسبه لك يا اولااااا

العفو وماجيت هنا الا افيد واستفيد

والله يعين الجميع ويوفقهم

الله يسهل لكم كل امورررررررررررررررررررررررررركم .........وخلو ثقتكم بالله كبيرة ولا يهمكم

قرقوش

احيك احيك احيك .. و من صدى المبتعث .. احلا التحاياا نعطيك

والله الادمي ذا من شفت صورته و جلسته ع جنب .. قلت اكيد يعاني من شي .. غير انه من المهاااايطه الي عننده

وجع .. عموما ..

لنا لقااء معه بس خساره بينا شاشات :(

ليه ليه ..؟
أشبهم دولي .. مو عاجبهم أحد ولا أيش ..؟
>> مآسكة نفسي لا آعصب

مدام هتلر

شكرا لك وبصراحه هاذي رده فعل غصب علي

والا انا مااحب ان الامور تتأزم كذا

والشكوى لله

والله يعين الجميع

وربي العبرة خنقتني مو عارفة شو اكتب ولا شو اقول
أنا بكالورويس لغة عربية ............ ماستر تسويق << زي الأدمي برضو
وربي قهروني أنا بتغرب عالفاضي يعني
حسبي الله ونعم الوكيل فيهم
حسبي الله ونعم الوكيل فيهم
حسبي الله ونعم الوكيل فيهم
الله يحرمهم الجنة << قلبي مولع نار وربي

اقتباس:

---

المشاركة الأصلية كتبت بواسطة قرقووش

ياجماعه

انا بعد ماخلص محاضرته الغبي هذا القحطاني

طلعت برا وكلمته بعد مشادات من رجال الوزاره ورفضو اني اكلمه قلت ياخي حرمتونا من الاسئله بالمحاضره لضيق الوقت خلوني بسأله سؤال واحد بس

حصلته يكلم ومسكت يده هو استغرب وقفل جواله

قلت له يادكتور زوجتي تخصص جغرافيا بالبكالوريوس >>>>> قال وهو يضحك جغرافيا

قلت ايه ماعجبك

قال الا عادي وش سؤالك

قلت انها مقدمه على تخصص ماليه او تموين قال مستحيل تكمل بالقسم هذا

قلت يعني نروح البيت ننام

قال لا

قلت طيب وش انسب قسم مطروح من قبل الوزاره عشان تكمل فيه

قالي مافيه

قلت يعني خلاص تروح علينا البعثه

قال وهو يأشر برجله بصراحه انا تنرفزت واستصغرته فيه طلاب هندسه والوزاره شاتتهم شوت وماقبلتهم كيف قبلو زوجتك

حسيت انه اهانني شوي

قلت عادي اللي وضفوك عندهم قبلونا >>>>>>> هنا سحبوني هذولي حقين الوزاره وقالي واحد ياخي عيب عليك الاسلوب هذا

وربي شوي واضربه الحقير هذا

طلعت لمنسوبي الوزاره بالكاونترات وسألتهم قالو لي زوجتك تكمل تسويق هو انسب تخصص تكمل فيه

وللعلم ياجماعه

على كلام الموظف ان التخصصات مو مهمه حاليا يعني عند اصدار قرار الابتعاث بأمكان الموظف وانت واقف اذا شاف تخصصك ماينطبق مع التخصص اللي بتكمل فيه هو يحط انسب تخصص لتخصصك السابق

>>>>>>>>>>> ادري اني فقعت روسكم بالكلام

بس والله من حرتي اتكلم ولو عندي مايك كان شفتو كيف............ هع

---

صدقني قلل من قيمة نفسو :dry:
وربي يتولاه مايروح حق أحد << واللي في الدنيا يخرج في الدنيا لا تشيل هم :1eye:

اقتباس:

---

المشاركة الأصلية كتبت بواسطة قرقووش

سلطانه

لو اني فاضي لهالدرجه اشتكي واروح انشر خبر

كان الاولى اني كسرت نظارته بكف ونسيته وين بيته وليش جاي اصلا

بس مو فاضي لشخص تافه بالغلط كلفوه

وبالنسبه لك يا اولااااا

العفو وماجيت هنا الا افيد واستفيد

والله يعين الجميع ويوفقهم

---

وربي ضحكتني الله يهديك بس << أنا عارفة إنك محروق وكلنا زيك
اعصابك يا أستازي ماهي مستاهله خليها على ربك

اشكر الجميع ع تفاعله الحار والله امس كأن واحد صفعني ع وجهي من كلامه حسبي الله عليه
اصلا كلامه غير منطقي فيه تناقض يوافق للبعض والبعض لا
وش ع باله مانفهم إذا مو نفس التخصص ...................
مشكلتي إني انقبلت ماستر بجامعة الملك سعود لغة عربية وسويت اعتذار عشان البعثه وتخصص مالية وتمويل عشان كذا مقهوره
ياجماعه وش الحل بارك الله فيكم تتوقعون كلامه صحيح
نريد تجارب سابقة لأخواننا المبتعثين ومن يعرفهم

مصدقين انتم والله لو انها ما تنحسب لنا

ما فتحوا لنا تخصصات يوم التقديم

اصلا ليه يقبولنا اصلا

انا دين وقبولني محاسبة

ويوم سالت امس اللي كانت للبنات يستفسرون منها

قالت اكتبي اسمك ونشوف

وهو يقول اي دين والا شريعه لهم امتداد قانون

ما اقول الا الحمد لله بس

ليه قبلوتنا اصلا

والله يا اخوان خلاص وقع الفأس في الرأس ، يعني مثلا حتى لو ما راح يعادلون لكم الماستر بالماستر لو عطوكم دبلوم ، يعني راح تبطلون من البعثه ، هو اساسا انتو حصلتوا وظائف علشان ترفضون من البعثه ، انا عن نفسي لو اني محصله وظيفه كان فضلت بكثير اني اكمل ماستر في السعوديه وادرس لغه هنا في المعاهد والاكاديميات ، ولكن للأسف الى جبرني اسافر واتغرب هو عدم الحصول على وظيفه او ماستر هنا

الحق معنا لأن الوزارة كلامها واضح لغير المتخصصين يشترط مقررات تكميلية
الحمد لله مو تخصصاتنا بالمره شاطحة ثانيا الدول المتقدمة لاتمنع من اعطاء الدرجة في حال اختلاف التخصص
زملائي
الدعاء بتيسير الأمور أهم نقطة خاصة أننا في بداية المشوار
عندما سألت طالبة الدكتور الموسى عن تخصص المكتبات قالها يوجد تخصص ع مااظن المكتبة الرقمية شي مثل كذا المهم شجعها عليه هل بمعنى كلامه تقدر تحول لغير التخصصات المطروحة مارايكم شباب وبنات .